Karjalan front

Venäman tedoakademijan azjtarkištuz

Fail:Logo-ran.png

Om tehtud
Venäman tedoakademijan azjtarkištuz

Venäman tedoakademii

Prezidentan kirjišton B.N. Jel'cinan nimel materialad

Neciš kirjuteses om kävutoitud materialad Prezidentan B.N. Jel'cinan nimen kirjišton fondaspäi

К материалам

<table class="infobox infobox- " style="" data-name="Воинское формирование" >Karjalan front

Karjalan front (ven.: Каре́льский фронт) — om Rusttan armijan operativine da strategine ühthižkund Suren Kodiman voinan aigan. Se radoi voden 1941 elokuspäi voden 1944 kül'mkuhusai.

Vodel 1943 Suren Kodiman voinan kaikiden sovetskijoiden frontoiden keskes Karjalan front oli pitkemb, sen piduz' oli 1600 km.

Sädamine da voinvägen kund

Karjalan front oli sätud SSSRan Azegvoinvägiden Ülembaižen päohjanduzkundan käskön mödhe 23. elokud vodel 1941, sihe mülüiba Pohjoižen frontan erased voinväged, niiden keskes oliba ohjanduzkund, Sovetskijan Sojuzan 7. armii, Sovetskijan Sojuzan 14. da 23. armijad, miččed frontan tegemižen aigan polestihe frontan linijal Barencan merespäi Ladogan järvehesai. Frontan štaban olendsija oli Karjalaiž-Suomaližen SSRan Belomorskas.

Frontan operativižes ohjanduses oli . Front tehtihe sen täht, miše vahvištoitta da polestada pohjoižen strategižen rivipolen man pohjoižes. Voden 1942 sügüz'kuks frontan voinvägenkundaha mülüiba Sovetskijan Sojuzan 19. armii, Sovetskijan Sojuzan 26. i 32. armijad, a voden lopuks ühtenzoitihe Sovetskijan Sojuzan 7. il'marmii. Uhokus vodel 1944 frontan voinvägen kundaha mülüi 7. armii, mitte heittihe sen kundaspäi sügüz'kus vodel 1941.

Ühtenzoitust tarkišteli eriline Aleksandr Nevskijan ordenan 80. sidojouk.

Tegendad da operacijad

Elokus — sügüz'kus vodel 1941 frontan voinväged azotadihe vihanikoid, kudambad tahtoiba anastada Zapol'arjed, miččele tegihe polestadas. Voden 1941 sügüz'kuspäi voden 1944 kezakuhusai frontan voinväged seižuiba polestuzlinijal: Zapadnaja Lica-jogi (60 km Murmanskaspäi), Kalevala (enzne Uhta, Karjala), Povenec, Änine, Süvär'-jogi. Erašti vedetihe eriližid operacijoid (Medvežjegorskan tacindoperacii).

Voden 1944 toižes poles (heinku — eloku) frontan voinväged Ladogan da Änižen voinflotilijoiden abul vediba Süvärin-Petroskoin operacijan, sügüz'kus — sabutiba vihanikoid Kandalakšan da Kesten'gan polil, redukus Pohjoižen laivišton abul — vediba Petsamo-Kirkenesan operacijan. Satuseks tuli se, miše Sovetskijan Sojuzan öbokas oli udessündutadud valdkundaline röun Suomenke da Norvegianke.

15. kül'mkud vodel 1944, konz Suomi läksi Toižes mail'man voinaspäi, front oli heittud. Frontan ohjanduzkundan päpala sulakus vodel 1945 oigetihe Edahaižehe Päivnouzmaha, kus sen pohjal oli tehtud 1. Edahanpäivnouzmaine front (ani augotišes se oli Primorskan voinjoukun ohjanduz).

Memorialine "Karjalan frontan saldatoile, partizanoile i podpol'ščikoile"- kompleks Petroskoiš

Ohjanduzkund

Voinpämehed:

• General-leitenant, voden 1943 sulakun 28. päiväspäi general-polkovnik Valerian Frolov (1. sügüz'kud vodel 1941 — 21. uhokud vodel 1944);
• Armijan general, voden 1944 redukun 26. päiväspäi maršal Kirill Mereckov (22. uhokud — 15. kül'mkud vodel 1944).

Voinnevondišton ühtnikad:

• Armijan komissar Aleksei Ž'oltov (1. sügüz'kud vodel 1941 — 4. heinkud vodel 1942);
• Brigadan komissar, voden 1942 redukun 1. päiväspäi divizijan komissar Gennadii Kuprijanov (5. heinkud — 11. kül'mkud vodel 1942);
• Divizijan komissar, voden 1942 tal'vkun 6. päiväspäi general-major P'otr Batrakov (11. kül'mkud vodel 1942 — 21. uhokud vodel 1944);
• General-leitenant, voden 1944 kül'mkun 2. päiväspäi general-polkovnik Terentii Štikov (22. uhokud — 15. kül'mkud vodek 1944).

Štaboiden pämehed:

• Polkovnik, voden 1941 kül'mkun 9. päiväspäi general-major Lev Skvirskii (1. sügüz'kud vodel 1941 — 8. semendkud vodel 1943);
• General-major, voden 1943 redukun 16. päiväspäi general-leitenant Boris Pigarevič (18. semendkud vodel 1943 — 27. elokud vodel 1944);
• General-leitenant Aleksei Krutikov (1. sügüz'kud — 15. kül'mkud vodel 1944).

Lehtez

Eloho läksi ven.: «В бой за Родину»-lehtez.

Toimitajad:

• podpolkovnik Mihail Nosov;
• podpolkovnik P'otr Korobov;
• polkovnik Boris Pavlov.

Fail:В бой за Родину газета.jpg

Karjalan frontan jogapäiväine lehtez. Pätoimitai M. A. Nosov, 1943

Mušt

• 140 voinmest saiba arvnimen urohontegoiš Karjalan frontal.
• Vägestusen paradal Karjalan frontal ühtenzoittud voinvägi astui ezmäižen. Siš aigaspäi tradicijan mödhe paradoil 9. semendkud Karjalan frontan voinznam kanttas ezmäižen toižiden frontoiden znamoiden keskes.
• 8. semendkud vodel 2015 Petroskoiš oli praznikaline Voin-memorialižen Karjalan frontan kompleksan avaiduz, se kaičeb muštod kaikiš Karjalan frontan saldatoiš, kudambad ühtniba Karjalan polestusehe da sen pästandaha vihanikoišpäi, a mugažo Sovetskijan Sojuzan Gerojiden 134 nimed da kaikiden stepeniden Rohktuden ordenan 15 kavalerad saiba necen arvnimen rohktoiš tegoiš ühtnedes Karjalan frontan toroihe.
• Vodel 2020 Belomorskas avaižihe Karjalan frontan muzei. Muzejan päekspozicijas om 10 zalad, miččiš oma muzejan kalud, voinaigan artefaktad, dioramad, panoramad da install'acijad. Kaikutte zaloišpäi om omištadud miččele-se temale: toroile frontan erazvuiččil polil, tiloile, konclagerile okkupiruitud sijoil.

Karjalan frontan istorijan muzei Belomorskas

Literatur

• Карельский фронт: тайны лесной войны. — Петрозаводск: Острова, 2011. — 415 с.
• Военные газеты периода 1900—2018 гг. из фондов Российской Государственной библиотеки и архивов РФ: Краткий справочник. — М.: Infogans, 2019.
• Карельский фронт в Великой Отечественной войне 1941—1945 гг.: Военно-исторический очерк. — М., 1984. — 359 с.
• Север сражается. Рассказы и очерки о Карел. фронте. — Беломорск: Госиздат КФССР, 1943. — 88 с.
• За линией Карельского фронта. — Петрозаводск: Карелия, 1975. — 232 с.
• От Баренцева моря до Ладоги. — Л.: Лениздат, 1972. — 376 с.
• На Карельском фронте:] сборник рассказов и стихов бойцов и офицеров Карельского фронта. — Петрозаводск: Государственное издательство Карело-Финской ССР, 1945. — 91 с.
• По обе стороны Карельского фронта. — Петрозаводск, 1995. — 636 с.
• Слава тебе, Карельский фронт!: Воспоминания ветеранов. — Петрозаводск, 2004. — 365 с.
• Гвардейцы Карельского фронта. — Петрозаводск: Государственное издательство Карело-Финской ССР, 1944. — 38 с.
• Финская война 1941—1944 гг. — М.: ОЛМА-ПРЕСС; Звёздный мир, 2005. — 320 с. — .