Mine sisu juurde

Sampon madme

Мегавики-späi
Fail:Sampon madme-voibištelnedan logotip.jpg
Voibištelendan logotip

Sampon madme (ven.: По земле́ Са́мпо) — nece om rahvahidenkeskeine pit'kiden da keskmäižiden matkoiden val'l'astadud koiriden voibištelend, mitte oli tehtud Karjalan Valdkundas Venämal. Voibištelendan sädai om Karjalan norišton, likundan, sportan da turizman valdkundaline komitet. Ezmäižed voibištelendad oliba 21. vilukud — 22. vilukud vodel 2012. Voibištelendan aigan Venäman kinologižen Federaciijan (RKF) versijan mödhe oli männu Venäman keskmatkan val'l'astadud koiriden čempionat. Kaikid pit'kemban voibištelendan piduz' om 120 km (koumes päiväs koume etapad, jogahine 40 km)[1][2][3][4].

Voibištelendan tegii da matkoiden päsädai om turistižen Skifi Tur-firman matknik da pohjoižtundii Viktor Al'bertovič Simonov. Firmal om ičeze pohjoižroduiden koiriden kazvatandtarh, se sädab turistižed matkad Karjalan madme, sen ližaks völ val'l'astadud koiriden matkad, mänetab kanisterapijan časuid lapsidenke (tervehtoituz koiriden abul)[2][5][6]. Kahtes päiväs ezmäižele Venäman Sampon madme-voibištelendale oli tulnu enamb 6000 kacujad. Voibištelendaha ühtni 40 sportmest 11 venäman agjaspäi, sidä keskes Rostovan agj da Habarovskan agj[7][8].

Vilukus vodel 2013 ezmäižen kerdan Venämal om mänetadud val'l'astadud koiriden voibištelendan Mail'man Kubkan etap[9].

Päsändod

Voibištelendad pideltihe miše popul'ariziruida da kehitoitta Venäman val'l'astadud koiriden ajelust da ajandsportad. Voibištelendoiden sädajiden pätahtod oliba:

  • tomotada tervhes elon ladus;
  • valita vägevambiden sportmehiden;
  • ozutada, miše koirad oma vägevad da hüväd radnikad;
  • kehitoitta Venäman sportan da kinologian sebroiden sidomusid;
  • udessündutada da kehitoitta Venäman Pohjoižen unikališt rahvahan kul'turad da londust.

Programman mödhe keskmäižen pidusen voibištelendas om kuverz'-se etapad. Ühten etapan piduz' om 40 kilometrad, miččen tehtas vaiše kerdan päiväs. Voib olda koume etapad, val'l'astadud koiriden lugumär voib olda 6-12 koirad. Sidä aigan mänetadas lühüdan pidusen sportmatkan voibištelendan, kus val'l'astadud koiriden lugumär voib olda 4-6 koirad, skidžoring-voibištelend da val'l'astadud koiriden ajelusen navedijoiden keskes voibištelend. "Skidžoring" jagase akoiden da ukoiden klassoihe, molembas joukus tarbiž, miše olži koume vai enamb ühtnikad. Koiriden kategorijad jagadas ühthižikš da puhtazroduižikš. Voibištelendad tehtas kebnenzoittud Venäman täht Rahvahidenkeskeižen ajeluzsportan Federacijan (IFSS) da Mail'man puhtazroduižen ajeluzsportan (WSA) sändoiden mödhe. Voibištelendoid kodviba rahvahidenkeskeižen radmahtoižen klassan sudjad. Voibištelendan aigan kovas pidetihe rahvahaližid da rahvahidenkeskeižid živatoiden oiktusid "angl.: Animal welfare", ku nece azj oliži keskustadud, ka päsudii (vai ajelusen reis-maršal) voi diskvalificiruida ühtnikad. Kaik käs'kod kajurad, kudambad ohjanziba val'l'astadud koirid andoiba vaiše änen abul, om kel'tud väges da käzil käskta rata koirid[10].

Petroskoin press-konferencii

Voibištelendoiden olendtaho

Vozil 2012—2013 "Sampon madme" voibištelendad pidetihe Venämal Karjalan Valdkundas Präžan rahvahaližes rajonas. Matk Karjalan Petroskoi-pälidnaspäi om 43 km federaližen М-18 Kola-avtoten mödhe Piterin polhe. Matk Piterihesai om 380 km. Sportmatk oli agjatomaine, sikš voibištelendan start da finiš oliba ühtel tahol — rajonan keskusen Präža-poselkan sportkompleksal. Markiruidud rahvahidenkeskeižiden sändoiden mödhe sportmatk mäni Svätozero-külähasai da jäl'ges kändihe tagaze Präža-poselkaha. Sän täht sportmatkan trassa voi kebnas vajehtadas, no sen piduz', start da finiš jaiba koskmatomikš[8].

Vozil 2012 da 2013 sportmatkan shem[11]

Vodel 2014 voibištelendan zavodiba mänetada Petroskoiš da sen ümbrištos.

Geografii da il'mišt

Region, miččes pidetihe voibištelendad sijadase Venäman pohjoižen polel Karjalan suvipolel. Il'mišt sid' om pehmed kontinentaline, suren sädegiden märanke. Tal'v om lumekaz da vilu, no sured pakaižed oma harvoin[12]. Mugoine il'mišt da geografine taho andaba sured voimused sportata da kehitoitta tal'veližid sportladuid da mänetada rahvahankeskeižen korktuden voibištelendoid, ku rindata regionan Venäman toižiden pohjoižiden regionoidenke[13].

Sportted (Trassad)

Sporttrassoiden päküzud — nece om mehiden da koiriden varumatomuz'. Ned oma tehtud levedad, miše tugedusetoman voižiba ajada val'l'astused. Sporttrass ei mäne päliči avtoted da raudted, a eländtahoiš, kus se mäneb päliči ted, ka sen ten palan saubatas da ottas kontrolihe. Startan da finišan pertedesen leveduz' om tehtud muga, miše ühten aigan kebnäs voižiba mülüda kaks' koiriden val'l'astust. Ten razmetk om tehtud rahvahidenkeskeižiden sändoiden mödhe val'l'astadud koiriden voibištelendoiden täht. Teznamad da varjoičuzznamad mugažo oma pandud standartan mödhe. Päten vaumitas völ konz ei ole lunt, sidä puhtastadas da tazoitadas. Pohjoižmehiden, sportmehiden, tundijoiden mel'pidon mödhe, kudambad oliba voibištelendoil, Sampon madme-voibištelendoiden sportted oma lujas hüvin tehtud, standartan mödhe. Ned oma avaitud kut sportmehiden täht, muga i voibištelendoiden kacujoiden täht[1][14][15][16][17].

Varumatomuz'

Sikš ku voibištelendoil oli rahvahidenkeskeine da ekstremaline status, kuna ühtni äi kucujid da sportmehid da oli sur' territorii, voibištelendoiden varumatomuden kaičiba Venäman MČS-služban abul (ven.: МЧС России), kaiken aigan radoiba tervhuz'radnikad da živatanlekarid. Voibištelendan ühtnikoiden ajamiden sirdändad da azotezsijad kontrolirui DPS-služb (ven.: ДПС). Abutiba mänetada voibištelendad ičetahtnikad-volont'orad, kudambiden keskes enamb oli radmahttehnikumoiden da korktan školiden openikoid[18][19].

Istorii

Voibištelendan nimi

Karjalan-suomalaižes eposas, Sampo — nece om čudokaz kalu, miččel oli noidasine vägi, mitte oli ozan, hüvan elon andai. Paksus sidä kuvitadas mel'nican kartte, mitte lopmata da märata andab jauhod, solad da kuldad[20].

Ezmäine voibištelend

Start Präža-poselkas
Svätozero

Ezmäižden voibištelendoiden aigan vodel 2012, miččed oliba kaks' päiväd, oli nel'l' sportrodun ajelust, miččihe ühtni 40 sportmest da enamba 100 koirad[21]. Voibištelend oli lujas melentartuine kut sportmehiden, muga i kacujoiden täht. Sen polhe levedas pagištihe Internet-verkos, kinologian sebroiš da regionaližiš Vestištoiš völ aigemba ezmäšt voibištelendan mänetandad[22][23][24]. Voibištelendan te oli agjatoi, start da finiš oliba ühtes tahos — rajonan keskusen Präža-poselkan sporttandrehel, nece abuti kacujoile ühtneda praznikaha, miččen sädi municipaline rajonan administracii voibištelendoiden täht. Praznikan aigan oliba ilotuzprogrammad, Präžan rajonan da Karjalan rahvahaližiden pajosebroiden koncertad, konkursad kacujoiden täht lahjoidenke, maksutomad lapsiden val'l'astadud koiriden huzaidused[2]. Voibištelendan praznikavaidusel oliba tetabad Venäman matknikad: F'odor Kon'uhov, Viktor Bojarskii, da völ Karjalan pämehed[25].

Disciplinad

  • Skidžoring — 1 koir (40+40 km)
  • Val'l'astadud koirad — 6 koirad (40+40 km)
  • Val'l'astadud koirad — 8 koirad (40+40 km)
  • Navedijoiden startad (Happy Dog) 15 km

Koirad

Voibištelendoihe ühtniba pohjoižen ajeluzroduiden koirad: sibirin haskad, al'askan malamutad, samojedskan koirad, čukotkan da taimiran ajeluzkoirad, al'askan haskad. Kaikil koiril oliba živatanlekariden azjbumagad ühten ozutesen mödhe, kaik koirad startan edel pidetihe živatanlekariden kodvdusen, puhtazroduiden ajelusiden täht tariž oli, miše koiril oližiba mikročipad[10].

Ezmäižen voibištelendan gallerei

Mail'man Kubkan etap

19-20. vilukud vodel 2013 Sampo madme-voibištelendad oliba mänetadud kut keskmäižiden sportmatkoiden val'l'astadud koiriden ajelusen Mail'man Kubkan etap. Voibištelendoihe ühtniba Venäman, Čehijan, Pribaltikan, Suomen sportmehed. Voibištelendoid kodvi Rahvahidenkeskeižen ajeluzsportan federacijan (IFSS) pämez' francialaine Bernar Pepen. Tervhenkirjaižen voibištelendan ühtnikoiden täht oigenzi Venäman Prezident Vladimir Putin[9][26].

Vajehtamatoi voibištelendan Maršal oli Girts Eldmanis — rahavahidenkeskeine IFSS-sudja, Latvian ajandsportan federacijan augonpanii.

Fail:Volont'orad vodel 2018 voibištelendan aigan.jpg
Voibištelendan volont'orad vodel 2018

Vodel 2014 voibištelendan zavodiba mänetada Petroskoiš da sen ümbrištos. Val'l'astadud koiriden sportmatkoiden voibištelendoiden startad da finišad oliba suks'-biatlonan Kurgan-kompleksan tahol. Sädajiden sanoiden mödhe, vodel 2014 koumes päiväs kacmaha voibištelendoid tuli läz 35 tuhad kacujad[27][28].

Vodel 2015 voibištelendaha ühtni enamb 120 Karjalan, Novosibirskan, Kazanin, Alahaižen Vovgorodan, Voronežin, Rostovan, Stavropolin, Čehijan, Suomen, Slovakian, Belorussijan joukud. Voibištelendan lahjoiden varažom oli enamb 1,2 millionad rubl'ad[29].

Ravhahidenkeskeižen federacijan vice-premjeran Anna Makintairan (Avstrii) sanoiden mödhe Karjala om vaumiž, miše mänetada mail'man čempionatad[30].

Fail:Sampon madme-2018.jpg
Sampon madme-voibištelend vodel 2018

Vodel 2016 oli männu V rahvahidenkeskeine Sampo madme-voibištelend (Mail'man Kubkan etap). Ühtnikoiden lugumär oli 137 mest. Necil kerdal oliba ühtnikad edehaližišpäi Venäman Petropavlovsk Kamčatkal-, Irkutsk-, Barnaul-, T'umen'-lidnoišpäi. Oliba kajurad Čehiaspäi, Slovakiaspäi, Litvaspäi, Latviaspäi da Belorussijaspäi[31].

Vodel 2017 Sampon madme-voibištelendoid ei olend, sän täht ned oliba heittud[32].

Vodel 2018 oli VI rahvahidenkeskeine val'l'astadud koiriden alandsportan Sampon madme-voibištelend Mail'man Kubkan etapan statusas. Ezmäižen kerdan Sampon madme-voibištelendan istorijas programmaha mülütadihe mass-start-voibištelendan. Ühten aigan sportmatkaha tönduiba läz 10 koiriden väl'l'astust, jogahižes oli 4 koirad[33].

Vodel 2019 Sampon madme-voibištelend oli saubatud[34].

Tarkendused

Homaičendad

  1. ↑ 1,0 1,1 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  2. ↑ 2,0 2,1 2,2 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  3. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  4. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  5. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  6. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  7. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  8. ↑ 8,0 8,1 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  9. ↑ 9,0 9,1 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  10. ↑ 10,0 10,1 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  11. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  12. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  13. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  14. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  15. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  16. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  17. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  18. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  19. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  20. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  21. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  22. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  23. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  24. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  25. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  26. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  27. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  28. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  29. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  30. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  31. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  32. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  33. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  34. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.

Skriptitõrge: Moodulit "Check for unknown parameters" pole.

Leheküljel Šablon:Modul':Significance/styles.css puudub sisu. Skriptitõrge: Moodulit "Unsubst" pole.

Om sadud "https://vep.megawiki.ru/w/index.php?title=Sampon_madme&oldid=10647"