Essoila

<table class="infobox infobox- " style="" data-name="Venäman eländtahod" >KüläEssoila

Essoila (karj.: Jessoilu, Dessoilu, ven.: Э́ссойла) — Karjalan Präžan rajonan külä, Essoilan külän eländtahon administrativine keskuz.

Järv

Geografii

Külä sijadase Sämozero-järven suvirandal. 15 kilometras küläspäi om valdkundaline regionaline londusen sopacaz — , sen pind om 487,4 ga, sigä kazvaba bol da murašk.

Irdad

• Sovhoznaja
• Goristaja
• Lesnaja
• Meliorativnaja
• Severnaja
• Molod'ožnaja
• Stancionnaja
• Stroitelei
• Suojärvskaja
• Central'naja
• Oz'ornaja
• Okt'abr'skaja
• Škol'naja
• Pervomaiskaja
• Fermerskii pereulok
• Novaja
• Naberežnaja

Sijaduz

Külä sijadase 50 kilometras Präžaspäi, 70 kilometras Karjalan pälidnaspäi, Petroskoišpäi.

Istorii

Külän nimen pohjas om pravoslavine karjalaine nimi karj.: Jessoi, Dessoi (ven.: Ефим). Sihe ühtenzoittihe -lu-suffiks, miččel om tahon znamoičend.

Ende nece oli pen' külä, ezmäi se mülüi Sämozeron, jäl'ges Ugmoilan prihodha. Küläs oli pen' Paraskevan časoun', rindal oli kaumišt.

Vodel 1782 Essoilas eli viž sur't kanzad. Rahvast oli enamba 50 mest. Vodel 1926 küläs oli 32 pertid, miččiš eli enamba 220 mest.

Vodel 1924 Essoila tegihe Karjalan ASSRan Sämozeron volostin keskuseks.

Vodel 1959 Sämozeron da Kungozeron sel'sovetoiden ühtenzoitusen abul ozutihe Essoilan külän eländtaho.

XX voz'sadan lopus Essoila-külän piduz' oli 5 kilometrad i sigä eli enamba 3 tuhad mest.

Tetabad eläjad

• Volkov Aleksandr Lukič (1928—2020) — karjalaine kirjutai, kändai i runoilii, mecančapai.

Infrastruktur

Küläs radab keskškol, mitte tegihe Petroskoin valdkundaližen universitetan strategižeks partn'oraks.

Mugažo küläs oma kirjišt, lapsiden päivkodi, laukad. Radab etnokul'turine "Kielen Kirju"-keskuz.

14. redukud vodel 2006 küläs pühätadihe Pokrovan časoun'.

Küläs radab ferm da maidzavod. Vodel 2025 "Essoila"-maidzavod tegihe valdkundaližeks, nügüd' se mülüb "Megrega"-plemsovhozaha. Zavodal vaumištadas maidod, kandatest, void, rahtod, jogurtoid.

Läz Essoila-küläd om letud äjak-se turistkeskust da adivpertid. Turistad tuleba sinna kalatamha, tundištoitmahas karjalan rahvahan istorijanke, kul'turanke da elonke.

Melentartuisijad

Vodel 1995 om avaitud muštpacaz, mitte om omištadud vägestusele Sures Kodiman voinas.

Kudes kilometras küläspäi om vanh Rubčoila-külä, kus kaičihe endevanhad karjalaižiden-livvikoiden pertid. Niišpäi kahesa mülütadihe arhitekturmuštpachoiže.

18 kilometras Essoilaspäi om "Koume kondjad"-živatkompleks.

Suvehe küläspäi om valdkundaline regionaline Merisuo-so-londuzmuštpacaz, kus kazvatadas harvinaižid kazvmusid.

Ajamed

Küläs om Okt'abr'skaja-raudten Essoila-raudtestancii, mitte om Suojärvi-Petroskoi-linijan 466,9 kilometral.

Sen ližaks külän päliči mäneba avtoted: Petroskoi — Suojärvi, Essoila — Krošnozero.