Suomalaiž-ugrilaine škol
Skriptitõrge: Moodulit "Категории качественных" pole.
Suomalaiž-ugrilaine škol (venäkelel: Финно-угорская школа, suomen kelel: Suomalais-ugrilainen koulu, ičenaižkarjalan kelel: Šuomelais-ugrilaini koulu, livvin kelel: Suomelas-ugrilaine škola), täuz' nimituz — Elias Lönnrotan nimel nimitadud Suomalaiž-ugrilaine keskopenduzškol, om rahvahaline škol Petroskoiš. Školas opetas suomen, karjalan, vepsän, anglian kelid.
Školan pämez' om Natalia Valerievna Barkalova [1].
Istorii
Suomalaiž-ugrilaine škol avaitihe vodel 1994. Sen täht äjan tegiba Vepsän, Karjalaine da Suomalaine rahvahaližed kul'tursebrad. Niiden pämehed kirjutiba äi erazvuiččid azjbumagoid erazvuiččihe ministerstvoihe pakičendas, miše škol oliži avaitud. Školas openzihe 114 openikad, opendajiden radkundan lugu oli 10 mest.
1. sügüz'kud vodel 1999 suomalaiž-ugrilaine škol №52 oli ühtenzoitud Petroskoin keskopenduzškolanke №18.
Vozil 2001-2002 oli tehtud täuz' pertin kohenduz[2].
Vodel 2004 škol tegihe ühthižvenälaižen «Venäman parahimad školad — 2004» konkursan «Etnokul'turpalanke škol» nominacijan finalistan[3].
Vodel 2012 škol sai toižen sijan Karjalan valdkundaližes Parahim kodikelen openduzhonuz-konkursas, a 2013. vodel — ezmäižen sijan.
Vodel 2022 škol ühtni Ezmäižen telekanalan «Ičhižiden elo»-projektaha. Projektan ohjandajad täuden päivän radoiba školas, miše ozutada fil'mas školan elod [4].
Üleižed tedod
Škol sijadase lidnan keskuses, Gor'kovan irdal. Školas opetas vepsän, karjalan, suomen kel't, tundištasoiš vepsläižen, karjalaižen da suomalaižen kul'turanke. Openikoiden lugu om läz 950 openikad, heidenke ratas 61 opendajad. Sid' om sur' sömsija, kirjišt, praznikzal, Gornica-honuses om školmuzei.
Školas om melentartuine, tark da hüväsüdäimeline opendajiden kund. Opendajad ühtnedas erazvuiččihe professionaližehe konkursoihe, ližatas ičeze radmahtoid, tehtas uzid openduzkirjoid vepsän, karjalan da suomen kelil. Suomalaiž-ugrilaižes školas om sündunu äi erazvuiččid tradicionaližid praznikoid da rahvahaližid veroid.
Vodespäi 1994 školas radab Sodomusiden kuvatuzstudii. Sen ohjandai om Natalia Aleksandrovna Okuneva. Studijan ühtnikoiden radoil oma šomitadud seinäd školas.
Školan openikad kaikuččel vodel ühtnedas erazvuiččihe konkursoihe, festivalihe da olimpiadoihe[5][6].
Literatur
- Баркалова Н.В. Педагогический триптих директора школы // Столичное образование: журнал педагогического сообщества Петрозаводского городского округа/ учредитель Петрозаводский городской округ. -2024, июнь - Петрозаводск: МАО ДПО «Центр развития образования», 2024, 71с.
- Носань Т.М. История возрождения этнокультурных традиций в средней общеобразовательной финно-угорской школе имени Элиаса Леннрота (Республика Карелия) // Педагогический журнал. 2020. Т. 10. № 2А. С. 120-126. DOI: 10.34670/AR.2020.75.99.013
- Nadežda Petrova. Petroskoin suomalaiž-ugrilaižele školale täudub 20 vot // Verez tullei-al'manah. Petroskoi: «Periodika»-pästandkodi, 2014. — Lpp. 99−102.(veps.) ISBN 978-5-88170-242-7
Tarkendused
- Elias Lönnrotan nimel nimitadud Suomalaiž-ugrilaižen keskškolan sait. (venäkelel)
- Suomalaiž-ugrilaine škol
- Ezmäižen telekanalan «Ičhižiden elo»-programm
- Suomalaiž-ugrilaine škol Venäman fantastikškolad-projektas
- Suomalaiž-ugrilaižen školan openikad pajatiba Aleksandr Beglovu karjalan kelel
- Karjalan da suomen kelen opendai sai Voden laureat 2015-pauklahjan
- Znamasine školan kohenduz om loptud
Homaičendad
Skriptitõrge: Moodulit "Navbox" pole.
- ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
- ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
- ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
- ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
- ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
- ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.