Randaine
<table class="infobox infobox-Skriptitõrge: Moodulit "Hash" pole. " style="" data-name="Музыкальный коллектив" >Randaine Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole. Skriptitõrge: Moodulit "check for unknown parameters" pole.
"Randaine" (ven.: «Бережок») om Karjalan vepsläine fol'klotsebr, mitte om tehtud Petroskoiš vodel 2003 Vepsän kul'tursebran aktivistoiden tomotusen mödhe. Ezmäine pajosebran ohjandai om Aleksejeva L'udmila F'odorovna, a muzikantegii om Oleševa Lidia Petrovna[1]. Fol'klorsebran ühtnikad oma eriigäižed mehed, kudambid ühtenzoitab armastuz vepsän kel'he da kul'turaha. Pajosebr pajatab vepsän muzikkul'turan žanras.
Üleižed tedod
Randaine-pajosebr om tehtud uhokus vodel 2003 Karjalan Petroskoi-pälidnas, keskškolas nomer 2. Pajosebran augonpanijad oma L'udmila Aleksejeva, Svetlana Pl'uhina, Tamara Ščerbakova, Lidia Oleševa, Jurii Mugačev. Nügud' se sijadase Petroskoin rahvahiden kul'turkeskuses. Pajosebran ühtnikad vastasoiš kerdan nedališ. Kaik hö oma tulnuded erazvuiččiš vepsläižiš eländtahoišpäi: Vologdan, Piterin da Änižröunan agjoišpäi[2].
Randaine-fol'klorsebran tetas hüvin Karjalan küliš, Piterin da Vologdan agjoiš. Joga voden Randaine-pajosebr ühtneb vepsläižihe Elonpu-praznikoihe, Pühä Päiväine-praznikaha, kudambile tuleba vepsläižed kaikiš regionoišpäi. Fol'klorsebran ühtnikad ozutaba vepsläšt kul'turad erazvuiččil valdkundaližil azjtegoil Petroskoiš da Karjalan rajonoiš, saamoiden tradicionaližel praznikal Lovozero-küläs, Pohjožen emäg-praznikal Louhi-küläs Murmanskan agjas.
Randaine-fol'klorsebr om tutab Petroskoin socialižiš organizacijoiš, ühtni äi kerdoid "Vanhan mehen päiv"-azjtegoihe. Ühtneb erazvuiččihe Karjalan festivalihe[3] da Venäman rahvahidenkeskeižihe praznikoihe[4].
Repertuar
Vepsläižen Randaine-fol'klorsebran repertuar om erazvuitte. Pajoid pajatadas kut vepsän, muga venän-ki kelel. Fol'klorsebr kaičeb vepsläižid veroid pajatades pit'kid saipajoid da lühüdoid pajoid vepsän da venän kelel. Repertuaras om vepsläižid rahvahaližid vändoid, Rürik Loninan da Aleksandr Nikonovan fol'klorižid aigkirjutesid, Alevtina Andrejevan, Nikolai Abramovan, Nina Zaicevan runoile kirjutadud pajoid. Fol'klorsebral om tehtud erazvuiččed Raštvad-, Raštvoiden sündum-, Vepsläižed besedad-, Tal'veht baboinno-, Baboin lipaz-programmad. Nina Nazarovan sanoiden mödhe nügüd' pajosebran repertuaras om läz 20 pajod[5].
Fol'klorsebran jouk
Randaine-pajosebran ühtnikoiden jouk vajehtase aigan mändes. Ezmäižes pajosebran joukus vodel 2003 oliba:
- L'udmila Aleksejeva;
- Antonina Andrejeva;
- Svetlana Pl'uhina;
- Nadežda Markova;
- Jevgenii Markov;
- Alevtina Vavilina;
- Lev Bošakov;
- Nina Nazarova;
- Jurii Mugačev;
- Valentina Vorobjova;
- Jevgenija Larkina;
- Lidia Olešova;
- Tamara Ščerbakova[6].
Vodel 2025 ühtnikoiden lugumär om 18 mest[5].
Randaine fol'klorsebran ohjandajad
- Aleksejeva L'udmila F'odorovna (2003-2005, 2012-2021);
- Jefimova Zoja F'odorovna (2006);
- Baranova Irina Vladimirovna (2007—2008);
- Gagarina Jelena (2009—2011)
- Nazarova Nina Nikolajevna (vodelpäi 2022)[7][8].
Pajosebran koncertmeisterad
- Mugačev Jurii Mihailovič (2003-2005);
- Bobin Pavel Petrovič (2014-2019);
- Vodelpäi 2023 ansamblin koncertmeister om Aleksei Gonobolev — Petroskoin valdkundaližen A. K. Glazunovan nimel konservatorijan üläopenik[5].
Pauklahjad
Pajosebr äi kerdoid sai kitändkirjeižid ičeze aktivižes sädairados:
- Lovozeran rahvahaližen kul'turkeskusen kitändkirjeine (2012)
- Karjalan rahvahaližen politikan ministerstvan kitändkirjeine (2013);
- Valdkundaližen socialižen "Čer'omuškad"-azjmehišton kitändkirjeine (2018);
- Podporožjen rajonižen kirjišton kitändkirjeine (2019);
- Suojärven rajonan kitändkirjeine (2018);
- Karjalan, Vologdan da Piterin agjan kitändkirjeižed "ühtnendas vepsän rahvahaližehe Elon pu-praznikaha" (2006, 2008, 2009, 2016, 2019, 2024, 2025);
- Pöudon agjan administracijan da Al'ohovščinan küläkundan pämehiden kitändkirjeine "sures panendas igähižiden rahvahiden tradicionižen kul'turan kehitoituses da kaičendas" (2007, 2017).
Galerei
| Randaine Elonpu-praznikal Vidlas | Randaine-fol'klorsebran ühtnikad Nina Nazarova da L'udmila Aleksejeva | Ezmäine pajosebran jouk |
Homaičendad
- ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
- ↑ Skriptitõrge: Moodulit "String" pole. Em voigoi pajota eläda. — Петрозаводск: Kodima, 2008.
- ↑ Skriptitõrge: Moodulit "String" pole. Путешествие в Северный край. — Петрозаводск: Kodima, 2011.
- ↑ Skriptitõrge: Moodulit "String" pole. На север, к саамам. — Петрозаводск: Kodima, 2012.
- ↑ 5,0 5,1 5,2 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
- ↑ Skriptitõrge: Moodulit "String" pole. «Randaine» ühtenzoiti vepsläižid erazvuiččiš agjoišpäi. — Петрозаводск: Kodima, 2022.
- ↑ Skriptitõrge: Moodulit "String" pole. «Randaine»-ansambl'al zavodihe uz' elo. — Петрозаводск: Kodima, 2010.
- ↑ Skriptitõrge: Moodulit "String" pole. Randaine vastsi Raštvad!. — Петрозаводск: Kodima, 2011.
Skriptitõrge: Moodulit "Check for unknown parameters" pole.