Mustjogi

<table class="infobox infobox- " style="" data-name="Jogi" >Mustjogi (jogi, kudamb valase Änižehe)

Mustjogi (ven.: Чёрная (река, впадает в Онежское озеро)) — jogi om Pudožan rajonas, valase Änižehe paivnouzmpolespäi.

Jogen piduz' — 88 km, vezikeradusen basseinan pind — 616 km².

Fizik-geografižed tedod

Jogi jokseb Krasnoborskijan külišton tahon mecoiš valdkundan suvi-päivnouzman poles. Jogensu om Židkoje-solpäi päivnouzman poles. Ülähäižes joksmuses jogi jokseb sokahat tahodme. Jogen joksmuz' om päivlaskmpoline. Valase Änižehe 1,8 km suvi-päivnouzman poles Besov nos-nemespäi da suvemba 15 км Šal'skii-poselkaspäi.

Jogen alahaižen polen randal om Černorečenskii-poselk da Karševo-külä, jogen basseinas mugažo om Krasnoborskii-poselk da Nigižma-külä.

Joges päliči mäneb Vitegra — Medvežjegorsk avtote (Černorečenskii-poselkanno) da te Karševo-külähä. Voz'sadandal XX jogen ülähäižiš tahoiš oli kaidraiž raudteverk Kolovo-poselkaspäi.

Alahaižes jogen joksmuses om tehtud londusine «Muromskii»-kaičendtaho, miččes jogensud läz oma Änižen petroglifad. Ülähäižen basseinan tahon Židkoje so om regionaline londusine muštpacaz.

Päližaveded (jogensuspäi, saupkiš om anttud niiden piduz' kilometroiš):

• 13 km oiged: Sustreža (19)
• 16 km hura: Viksenda (16)
• 31 km oiged: Juga (20)
• 58 km oiged: Sel'gručei (12)

Must jogen vezibasseinas om Murmozero-järv.

Galerei

• Must jogi
• 
  Londuzkuva joksmusedme
• 
  Londuzkuva joksmusen vaste

Vezilugetišen tedod

Venäman valdkundaližen vezilugetišen tedoiden mödhe mülüb Baltian basseinan ümbruzkundaha, jogen kävutamižen taho om Änižen bassein il'ma Šuja-jogeta, Suna-jogeta da Vitegra-jogeta, Süvär'-jogen alabassein (Änižen basseinan jogidenke). Mülüb Neva-jogen jogibasseinaha (Änižen da Ladogan jogiden basseinoidenke).

Jogen kod valdkundaližen vezilugetišes — 01040100612102000017093.