Man'kin Ivan Pavlovič

Venäman tedoakademijan azjtarkištuz

Fail:Logo-ran.png

Om tehtud
Venäman tedoakademijan azjtarkištuz

Venäman tedoakademii

Kodvdud kirjutez

<table class="infobox infobox- " style="" data-name="Valdmez'" itemscope itemtype="http://schema.org/Person">Man'kin Ivan Pavlovič

Ivan Pavlovič Man'kin (ven.: Иван Павлович Ма́нькин; sünd. 9. redukud vodel 1924, Kaskez-külä, Šoutjärven rajon, Karjalan ASSR, RSFSR - koli 9. keväz'kud vodel 1984, Sulažmägen kaimišt, Petroskoi, Karjalan ASSR) — sovetskijan partijan radnik da valdmez', Karjalan ASSRan Ülembaižen Nevondišton Prezidiuman Pämez'.

Elostarin

Om sündunu maorjan kanzaha, vepsläine. Vodel 1941 lopi školad.

Suren voinan augotišes kanz oli evakuoitud Molotovskian agjaha Častinskijaha rajonaha, kus radoi lugendpertin pämehen, traktornian brigadan učetčikan. Tatoi — Pavel Spiridonovič Man'kin (1902—1942) vojui partizanjoukus, oli riktud vastustajiden garnizonoiden tedištelusen vointegon aigan, mitte oli Karjal-Suomalaižen SSRan Šoutjärven rajonas.

Vodel 1942—1943 — Alahaižen Tagilan polkškolan kursant, vodel 1943 om demobilizoitud.

Vozil 1944—1947, konz pörzihe evakuacijaspäi, radoi Šoutjärven rajonan ispolkoman erišton ohjandajan, Šoutjärven rajonkirjišton pämehen.

Vozil 1947—1948 — Kaiken sojuzan leninan kommunistižen norišton ühtištusen () Šoutjärven raikoman toine sekretar'. Elokus vodel 1947 oli ottud Sovetskijan Sojuzan Kommunistižehe partijaha ühtnikaks.

Vozil 1948—1950 openzihe KPSSan Karjalan agjan komitetan partijan školas.

Vozil 1950—1952 — VLKSMan Šoutjärven raikoman ezmäine sekretar', vozil 1952—1953 — VLKSMan okrugan komitetan Segežan rajonan ezmäine sekretar'.

Vozil 1953—1955 radoi Segezan rajonas «Matkažpromstroi»-trestan sauvondkomitetan pämehen.

Vozil 1955-1961 — Sovetskijan Sojuzan Kommunistižen partijan Segezan rajonan komitetan sekretar'.

Vozil 1961-1964 — Sovetskijan Sojuzan Kommunistižen partijan Änižröunan raikoman ezmäine sekretar', Änižröunan külälaižen rajonan ispolkoman pämez'.

Vodel 1966 lopi Sortavalan sovhaz-tehnikuman da Sovetskijan Sojuzan Kommunistižen partijan Keskuzkomitetan , vozil 1966—1967 radoi KPSSan Karjalan obkoman instruktoran.

Vozil 1967-1971 — KPSSan raikoman Pitkärantan rajonan ezmäine sekretar'.

Vozil 1971-1979 — Karjalan ASSRan Ministroiden Nevondišton varapämez', ezmäine varapämez'.

Vozil 1979—1984 — Ülembaižen Nevondišton Prezidiuman pämez'.

Oli valitud Karjalan ASSRan Ülembaižen Nevondišton VI—X kucundoid deputataks, RSFSRan Ülembaižen Nevondišton X kucundan deputataks.

Koli äkkid 9. keväz'kud vodel 1984 Petroskoiš. Om pandud maha Sulažmägen memorialižel lidnankaumištol Petroskoiš.

Muštpacaz I. P. Man'kinan muštoks Sulažmägen kaumištol

Literatur

• История партийной организации Карелии: указ. лит. / Гос. публич. б-ка Карельской АССР [сост.: Т. В. Осипова, Т. В. Терпугова]. — Петрозаводск: РИО Госкомиздата КАССР, 1990. — 175 с.: ил. — Из содержания: Именной указатель (Манькин И. П.) — С. 156.
• Иван Павлович Манькин: [некролог] // Ленинская правда. — 1984. — 11 марта.
• Иван Павлович Манькин: [некролог] // Советская Россия. — 1984. — 13 марта.
• Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с.

Tarkendused

• Национальная библиотека Республики Карелия. Манькин И. П.