Kollasjogi

<table class="infobox infobox- " style="" data-name="Jogi" >Kollasjogi Kollasjogi Sovetskijan-Suomen voinan aigan (1941—1944) 6 kül'mkud 1943 v.

Kollasjogi (ven.: Колласйоки, suom.: Kollasjoki; Kollaanjogi ven.: Коллаанйоки, suom.: Kollaanjoki, alajoksmuses — Kolos) — jogi Suojärven и Präžan rajonoiš Karjalas.

Üleižed tedod

Jogen piduz’ — 57 km. Vezikeradusen basseinan pind — 245 km².

Lähteb Kollasjärvespäi korktudel 159,0 m, mitte om läz Hiitola - Suojärv-raudtelavad, Loimola- i Näätäoja-stancijoiden keskes. Kollasjogi lankteb Tulmjärvehe läheli Kolatsel’ga-küläd. Jogen piduz’ augotišespäi Tulmjärvehesai — 67 km. Jogel om äi koskid, üks' niišpäi om Dügakoski. Se om üks' kaikid čomembiš da jügedambiš koskišpäi Karjalas vezituristoiden täht.

Läheli jogen augotišed om äi sovetskijoiden, suomalaižiden da germanialaižiden saldatoiden muštkaumoid, kudambad koliba Sovetskijan-Suomen (1939—1940) da Suren Kodiman voiniden aigan..

500 metras jogespäi oma ühtennimine, amu elämatoi suomalaine futor da sauptud Kollasjogi-seižutezsija Loimola - Piitsijoki-raudtepalan 379,25 kilometral. Futoraspäi jäi vaiše kazvahtunu puil aluz.

Kuverz’-se kilometras ülemba joksmusen mödhe Kolatsel’ga-küläspäi hural randal om tactud Rogjärven gematitkaivuz, a oiktal randal om tactud Tulmjärven raudantegendzavod.

Ližajoged

(jogensuspäi jogen augotišennoks)

• Vitsaoja (hura)
• Petrioja (hura)

Vezilugetišen tedod

Venäman Valdkundaližen vezilugetišen tedoiden mödhe mülüb Baltian basseinan ümbrusehe, jogen kävutandpala — Ladogan järven basseinan vezitahod Volhov-, Süvär'-, S'as'-jogita, Neva-jogen alabassein da Ladogan järven basseinan joged (Süvär'-jogen da Volhov-jogen alabasseinata, basseinoiden venälaine pala). Mülüb Neva-jogen basseinaha (siš lugus oma Änižen da Ladogan järven jogiden basseinad).

Objektan kod valdkundaližes vezilugetišes — 01040300212102000011341.

Galerei

• 
  Londuzkuva sildalpäi Kollaa-jogele
• 
  Jogi 1 km alemba Dügakoski-kan’onad
• 
  Jogi Kolatsel’ga-küläs
• 
  Kollasjogen augotiž, heinku 2008 v.