Habarovsk

<table class="infobox infobox- " style="" data-name="El6ndtaho" >

Habarovskan rajonad:
     Rusttan laivišton rajon      Kirovan rajon      Keskuzrajon      Raudten rajon      Industrialine rajon

Habarovsk (ven.: Хабаровск) om lidn Venäman suvipäivnouzmas. Se om Habarovskan randan administrativine keskuz da kaikiš suremb lidn i lidnümbrik eläjiden lugun mödhe, Habarovskan rajonan keskuz mugažo (ei mülü sihe).

Habarovsk om Venäman Edahaižen Päivnouzmpolen järed ekonomine, transportiž-logistine, politine da kul'turine keskuz.

Istorii

Eländpunktan aluz om pandud vl 1858 kuti Habarovk-sodapost. Om nimitadud 17. voz'sadan venämalaižen Erofei Habarov-edelmatkajan oiktastuseks, kudamb ujui astjoil pidust' kaiked Amurad. Sai lidnan statusad vl 1880. Vspäi 1893 lidn om olmas nügüdläiženke nimenke.

Geografijan andmused

Lidn sijadase rahvahidenkeskeižiden raudteiden da il'mteiden läbitusen keskuses, Amur-jogen oiktal randal Keskamuran alangištos, läz Kitain röunad. Mad Moskvhasai om läz 6100 kilometrad, matkad raudtedme — 8533 km.

Habarovsk jagase videks administrativižeks rajonaks. Se om üks'jäine eländpunkt lidnümbrikos.

Eläjad da transport

Vn 2010 Venäman rahvahanlugemižen mödhe eläjiden lugu oli 577 441 ristitud. Kaikiš suremb ristitišt oli 616 tuhad eläjid vl 1990 i 618 150 eläjad vl 2018.

Kaik om kaks' lendimportad lidnas, nell' raudtestancijad, avtoteiden sol'm, jogiport.

Edeline lidnan pämez' om Aleksandr Sokolov (2000−2018).

Rahvahidenkeskeižed kosketused

Monument Habarovan Erofein muštho

Verazmaižed konsulused

Nenil valdkundoil om konsulusid Habarovskas:

• Belorussii Vaugedvenäma
• Kitai Kitai
• Japonii Japonii
• Korejan Rahvahaliž-Demokratine Tazovaldkund Pohjoižkorei

Sebruzlidnad

Nügüd' seičeme sebruzlidnad om Habarovskal:

• Japonii Niigat, Japonii (vspäi 1965)
• AÜV Portlend, Oregon, AÜV (1988)
• Kanada Viktorii, Britanine Kolumbii, Kanad (1990)
• Kitai Harbin, Heilunczän, Kitai (1993)
• Korejan Valdkund Pučhon, Köngido, Suvikorei (2002)
• Kitai Sanj, Hainan', Kitai (2011)
• Korejan Rahvahaliž-Demokratine Tazovaldkund Čhondžin, Hamgön-Pukto, Pohjoižkorei (2011)

Galerei

• 
  Lidnan Duman i administracijan sauvuz (2015)
• 
  Spasan Toižetamižen kafedraline päjumalanpert', vn 2015 nägu (om saudud vll 2001−2004, ortodoksine hristanuskond)
• 
  Habarovskan kivivoinümbriradai tegim i Habarovsk I-raudtestancii vl 2012
• 
  Tün'valdmerine valdkundaline universitet, keskuztulend (2009)
• 
  Edahaižen Päivnouzmpolen valdkundaline medicinine universitet (2016)
• 
  Randan muzikaline teatr (2011)
• 
  Lapsiden i norišton sädamižen pert'kulu (2012, edel vn 1917 revolücijad lidnan Duman pert')
• 
  «Erofei-aren»-sportkompleks vl 2016
• 
  Raudte- i avtotesild Amuras päliči vl 2013 (om rekonstruiruidud vll 1992−2009)
• 
  Habarovsk-Uz'-lendimportan vaiše avaitud terminal vn 2019 redukus

Tetabad sündnuded

• Evgenii Dätlov (sünd. 1963) — Venäman akt'or da pajatai.
• Marina Žuravlöva (sünd. 1963) — Nevondkundaližen Ühtištusen i Venäman pajatai.

Irdkosketused

• Lidnan Duman oficialine sait (duma.khabarovskadm.ru). (ven.)
• Lidnan administracijan oficialine portal (khabarovskadm.ru). (ven.)  (angl.)