Al'ošin Igor' Viktorovič

<table class="infobox infobox- " style="" data-name="Valdmez'" >Igor' Viktorovič Al'ošin

Igor' Viktorovič Al'ošin (ven.: Игорь Викторович Алёшин, ) — sovetskii i venälaine sijaližiden azjoiden radnik. Karjalan sijaližiden azjoiden ministr (2006—2008), Baškortostanan sijaližiden azjoiden ministr (2008—2011), Venäman sijaližiden azjoiden varaministr (2011—2012). Policijan general-leitenant.

Elostarin

Om sündunu 22. sügüz'kud vodel 1965 Kurganan agjan Kurgan-lidnas. Tat — Viktor Vasiljevič Al'ošin — oli voinmehen (voinlendajan). Mam — Ol'ga Maksimovna Al'ošina (Kvačen'uk) — radoi slesarin zavodal, om Belorussiaspäi (Grodnon agj). Igorin laps'aig mäni maman kodimal.

Norudes navedi parašutsportad (hüpi enamba 70 kerdad) i sambod.

Edel ku päzuda , radoi Kurganan agjan sijaližiden azjoiden ohjanduzkundan sidoerištos.

Vodel 1987, konz lopi Omskan milicijan korktan školan "oiktuz'tedo"-specialižuden mödhe, zavodi rata kriminaližes ecindas Sovetskijas Kurganan sijaližiden azjoiden erištos, Kurganan agjan sijaližiden azjoiden ohjanduzkundas.

Vozil 1989—1999 — erazvuiččil radsijoil kriminaližen ecindan da ekonomižen pahan tegon erištos Omskan agjan sijaližiden azjoiden ohjanduzkundas.

Voden 1999 tal'vkuspäi vodehesai 2002 — Omskan agjan sijaližiden azjoiden ohjanduzkundan ekonomižen pahan tegon ohjanduzkundan pämez'.

Voden 2002 uhokuspäi vodehesai 2006 — Omskan agjan sijaližiden azjoiden ohjanduzkundan ezmäine varapämez' — kriminaližen policijan pämez'.

Voden 2006 tal'vkuspäi voden 2008 kül'mkun 30 päivähasai — Karjalan sijaližiden azjoiden ministr.

Voden tal'vkun 1. päiväspäi voden 2011 kezakun 11. päivähasai — Baškortostanan sijaližiden azjoiden ministr.

Venäman prezidentan käskön mödhe voden 2011 keväz'kun 31. päiväspäi Al'ošinale anttihe policijan general-leitenantan arvnimi, händast pandihe Baškortostanan sijaližiden azjoiden ministraks.

Voden 2011 kezakun 11. päiväspäi voden 2012 kezakun 14. päivähasai — Venäman sijaližiden azjoiden varaministr.

Voden 2012 keskespäi vodehesai 2013 radoi varumatomuden da radnikkundan vice-prezidentan, oli nevondišton ühtnikan, ""Medsi"-kompanijoiden joukun" aktivoiden varumatomuden da kaičendan vice-prezidentan (mülüb "Sistem"-kompanijaha).

Vilukus vodel 2013 om pandud "Mobil'nije TeleSistemi"-organizacijan prezidentan nevonikaks (mülüb "Sistem"-kompanijaha). Voden 2013 uhokuspäi voden 2014 semendkuhusai radoi varumatomuden vice-prezidentan.

Voden 2014 kezakuspäi radab "MTS-Bankas" vanhemban vice-prezidentan, varumatomuden služban ohjandajan. Vodel 2018 oli varumatomuden "Sisteman" vice-prezidentan, mülüi "Sisteman" ohjanduzkundaha.

Pauklahjad

• II stepenin "Arvtegoiš Kodiman edes"-ordenan medal';
• "Hüväs rados kundaližen järgendusen varjoičuses"-medal';
• III stepenin "Hüväs službas"-medal';
• "Rohktudes službas"-medal';
• "Voinühtištuses"-medal';
• I i II stepenin "Hüväs rados službas"-medal';
• "Hüväs rados Sovetsikjan Sojuzan Sijaližiden azjoiden ministerstvas"-rindznam;
• "Sijaližiden azjoiden ministerstvan arvokaz radnik"-rindznam;
• Venäman sijaližiden azjoiden ministerstvan kitändkirjeine.

Kanz

• Tat — Viktor Vasiljevič — voinlendai.
• Mam — Ol'ga Maksimovna — slesar' zavodal.
• Ak — Jelena Nikolajevna — miliciimehen kanzaspäi, radoi pätundijan federaližen kaznačeistvon radnikkundan erištos Petroskoiš.
• Vanhemb tütär — Anastasia — lopi Omskan sijaližiden azjoiden ministerstvan akademijan, vodel 2017 läksi mehele, radab Moskvas.
• Noremb tütär — Jekaterina — openzihe juridižen tedokundal.