Vožma-jogi

<table class="infobox infobox- " style="" data-name="Jogi" >Vožma-jogi Londuzkuva joksmusedme (Vigozero-järven polhe)

Vožma-jogi (ven.: Вожма (река, впадает в Выгозеро)) — jogi Venämas, jokseb Karjalan Medvežegorskan da Segežan rajonoiden madme da vähän Arhangel'skan agjan Änižen rajonan madme.

Jogen piduz' — 93 km, vezikeradusen basseinan pind — 1330 km². Lähteb Pelozero-järvespäi, jokseb Vožmozero (ülembaine) da Vožmozero (alembaine, Suhoi-ližajogenke, mitte jokseb Suhoje-järves päliči) järviš päliči. Valase Vigozero-järvehe läz Valdai-küläd suvipoles. Tarkištelendoiden andmusiden mödhe vodespäi 1972 vodehesai 1988 voden keskmäraine veden pidänd 29 km jogensuspäi om 6,22 m³/s.

Vezilugetišen tedod

Venäman valdkundaližen vezilugetišen tedoiden da Venäman veden kävutamižen tahon rajonirovanijan geotedoližen sisteman mödhe, mitte om tehtud Federaližen vezivaroiden azjmehištol:

• Basseinan ümbruzkund — Barenčevo-Belomorskii ümbruzkund
• Jogibassein — Kol'skan nemen da Karjalan jogiden basseinad, miččed valasoiš Vauktaha merehe
• Veden kävutamižen taho — Vigozero-järven bassein Vogozeran vezisol'mehesai, Segeža-jogeta Segozerskan vezisol'mehesai.

Ližajoged

(matk jogensuspäi)

• 0,5 km: Tomešoja-jogi (hura)
• 9 km: Pokosnii-jogi (Vožman ližajogi) (hura)
• 18 km: Salmoja-jogi (hura)
• 21 km: Kambuksa-jogi (hura)
• 36 km: Kovleža-jogi (oiged)
• 39 km: Čornii-jogi (Vožman ližajogi) (oiged)
• 49 km: Čola-jogi (oiged)

Galerei

Avtosild

Londuzkuva joksmusen vaste