Utikejev Dmitrii Sergejevič

<table class="infobox infobox- " style="" data-name="Музыкант" itemscope itemtype="http://schema.org/Person">

Dmitrii Sergejevič Utikejev (ven.: Дмитрий Сергеевич Утике́ев, nimi sündundaspäi — Muhamed Safovič, ) — sovetskii i venälaine operpajanik (tenor), teatran ohjandai-tegii, muzikan opendai. Suren Kodiman voinan ühtnik. Vozil 1985—2003 — Karjalan muzikteatran ohjandai, päohjandai (vodelpäi 1997). RSFSRan arvostadud artist (1959), Karjalan ASSRAn rahvahan artist (1986).

Elostarin

Dmitrii Utikejev sündui Moskvas 16. uhokud vodel 1926.

Vodel 1943 händast ottihe Rusttaha armijaha, ühtni Moskvan polestusehe, vojui Baltian laivišton kundas "Ural"-laival.

Vodel 1955 lopi — GITIS (B. A. Pokrovskijan kurs muzikteatran kafedral). Händast kuctihe Karjalan muzikteatraha. Neciš aigaspäi hänen sädandrad oli sidotud Karjalan kul'turanke.

Vozil 1955—1962 — Karjalan ASSRan Muzik- da dramateatran solist Petroskoiš.

Vozil 1962—1977, konz lopi GITISan ohjandajan kursid, radoi Karjalan ASSRan Muzik- da dramateatran ohjandajan, a jäl'ges — päohjandajan. Hänen ezmäine teatrozuteluz — K. Listovan ven.: «Дочь Кубы»-oper, mitte tegihe tetabaks ei vaiše Karjalas, no Venämal-ki i sen irdpolel. Dmitrii Sergejevič tegi ei vaiše operettoid, no operžanran tegod-ki: ven.: «Чио-Чио сан», ven.: «Кошкин дом» , ven.: «Евгений Онегин», ven.: «Меч кузнеца», ven.: «Красная Шапочка», ven.: «Паяцы», ven.: «Алеко». Kaiked hän tegi enamba 40 spektaklid.

Dmitrii Utikejev om valdkundaližiden da lidnan koncertoiden scenarijoiden avtor i panii, Karjalan literaturan da taidehen päividen päohjandai Moskvas (1980), Karjalan da GDRan sebruden päividen päohjandai (1977–1985), Karjalan da Komin Valdkundan ku'turan päividen päohjandai (1980, 1988).

Vozil 1973—1984 — Petroskoin konservatorijan operklassan opendai.

Vozil 1977—1979 — Kantele-ansambl'an pämez'.

Vozil 1979—1985 — Karjalan valdkundaližen filarmonijan ohjandai-tegii.

Vozil 1985—2003 — Karjalan muzikteatran ohjandai-tegii, päohjandai (vodelpäi 1997).

Koli 16. sügüz'kud vodel 2009 Petroskoiš.

Operpartijad

• Jango (ven.: «Вольный ветер», Dunajevskii, 1955);
• Raul' (ven.: «Фиалка Монмартра», I. Kal'man, 1955);
• Andreika (ven.: «Свадьба в Малиновке», B. Aleksandrov, 1956);
• Vladek (ven.: «Нищий студент», K. Milleker, 1956);
• Mitrus' i Andrei Tumanskii (ven.: «Холопка», N. Strel'nikov, 1956);
• Al'fred (ven.: «Летучая мышь», I. Štraus, 1957);
• Pablo i Ramon (ven.: «Поцелуй Чаниты», J. Mil'utin, 1958);
• Greniše (ven.: «Корневильские колокола», R. Planket, 1960);
• Lel' (ven.: «Снегурочка», P. Čaikovskii, 1958).

Ohjandajan radod

Tegi erazvuiččiden muzik- da teatržanroiden enamba 40 teatrozutelust:

• ven.: «Дочь Кубы»-oper (K. Listov, 1962);
• ven.: «Чио-Чио сан»-oper (Dž. Puččini, 1963);
• ven.: «Евгений Онегин»-oper (P. Čaikovskii, 1966);
• ven.: «Меч кузнеца»-oper (J. Zarickii, 1972);
• ven.: «Паяцы»-oper (R. Leonkavallo, 1975);
• ven.: «Алеко»-oper (S. Rahmaninov, 1999).

operettad da muzikkomedijad:

• ven.: «Джудитта» (F. Legar, 1965);
• ven.: «Чёрный Дракон» (D. Modun'o, 1966);
• ven.: «Продавец птиц» (K. Celler, 1967);
• ven.: «Баядера» (I. Kal'man, 1968);
• ven.: «Конкурс красоты» (A. Doluhan'an, 1969);
• ven.: «Севастопольский вальс» (K. Listov, 1985);
• ven.: «Прекрасная Галатея» (F. Zuppе, 1993)

i toižed.

Pauklahjad

• RSFSRan arvostadud artist (1959);
• Karjalan kitändkirjeine (1995);
• Karjalan ASSRan rahvahan artist (1986);
• Karjalan ASSRan arvostadud artist (1957);
• Valdkundaližen GDRan Fric Reiteran premijan laureat (1985).

Literatur

• Музыкальный театр Карелии: Очерк истори. — Петрозаводск, 2009.

Lähtked

• Интернет-журнал «Лицей». Преданный театру  (Дата обращения: 5 keväz’kud 2026).
• Юбиляр  (Дата обращения: 5 keväz’kud 2026).