Urok

<table class="infobox infobox- " style="" data-name="Понятие" >Urok

Urok (ven.: Уро́к) — nece om opendusen form školas, miččen aigan opendai ohjandab openduz-tedolišt radod. Mugoiččes formas vedädas urokad openduzorganizacijoiden enambištos (školiš, licejiš, kolledžiš).

Terminan istorii

Vodel 1374 augotižškolan rektor Džon Sil Cvoll-lidnas sädi lapsiden opendusen sen pohjal, mitte jäl'ges om nimitadud klassno-urokaližeks sistemaks. Hän jagoi openikoid klassoile da tegi openikoiden sirdändan toižehe klassaha ühthižen järgendusen. Hän sädi opendusen kodikelel, mitte oli voz'sadan XIV uzišt, siloi openduz oli latinan kelel.

Vozil 1537—1582 Iogannes Šturm, protestanižen gimnazijan rektor germano-francialaižes Strasburg-lidnas kehitoiti necidä sistemad. Vozil 1567—1581 gimnazii oli tehtud akademijaks. Akademijas openzihe läz 600 openikad. Šturm jagoi klassad openduzvoziden mödhe (ezmäi 7 vot, jäl'ges opendusen aigan pidenziba kahesahasai). Ku klassas oli äi openikoid, siloi klass jagoihe ližajoukuihe, joga joukus oli 10 mest vanhemban openikanke (nece oli bell-lankasterskijan sisteman ozutez, mitte sündui voz'sadan XVIII lopus — voz'sadan XIX augotišes). Šturm röunoti openduzpredmetd, ühtel urokal openziba ühten openduzpredmetan. Hän ezmäižen vaumiči da kävutoiti ühthižen openduzplanan.

Voz'sadal XVII  — Čehian, nügüd'läižen klassan da urokan sisteman tegii. Komenskijahasai lapsed openzihe ühtes vanhembidenke, openduzprocess oli haosine. Komenskii tegi järgendusen da sisteman: urokad vedäškanziba urokoiden aigmäran mödhe, opendajad saiba erilaižen vaumičendan. Päprincipad:

• Ühten igäižiden lapsiden openduz ühtes klassas. Nece abutab opendajile vaumita opendust, otta homaičushe lapsiden kehitoitusen erigoičusid.
• Openduzprocess om reglamentiruidud. Urokad vedädas aigmäran mödhe, mi abutab paremba kävutada openduzaigad da antta ühtejiččed voimused openikoiden täht.
• Erivaumičend opendajiden täht. Hö opendasoiš da sadas diploman, nece abutab heile korgedladušti opeta.

Jäl'ges venälaine škol kehitoitihe germanian openduztradicijoiden painastusen al. Вместо "Urok"-sanan sijas kävutoitiba verazmaižen "ekzersis"-sanan (harjoituz), pedagogine педагогический термин "urok"-termin tuli venän kel'he voz'sadal XIX.

Urokan jäl'genduz

Joga urokas oma märpalad. Ned voidas olda erazvuiččes ühtenzoituses, märites urokan jäl'gendust, miččen al pidab el'geta elementad, niiden jäl'genduz da keskmäine kožumine niiden keskes. Jäl'genduz voib olda kebn da jüged, nece rippub urokan openduzmaterialan südäimištospäi, openikoiden igäerigoičusišpäi.

Urokan planiruičend uden teman sel'genzoitusen ozutesen mödhe — oigedčogaižen parallelepipedan mülündmär:

Urokan plan

Urokan pala	Aig	Pätego	Opendajan rad	Openikoiden rad
Sädaikuro	3 min	Nimilugend, augotižpala	Opendai vai klassan ohjandai tegeb openikoiden nimilugendan	Openikad anttas vastusen, tedod keda ei ole pandas klassan paivlehtikoho vai begunkaha
Kodiradon kodvind	2 min	Kodiradon kodvind (cilindran pind) lehtikoiš vai distantišti	Opendai küzub kodiradon da paneb arvznamad	Openikad ozutadas hänele ičeze radon satused
Tedoiden aktualizacii	5 min	Urokan pala, miččel openikad ezitadas miččed mahtištod heil oma uden tedon opendamižen täht	Opendai tegeb küzundoid tedoiš	Openikad andaba vastused küzundoihe
Urokan teman da pätegon panend	10 min	Kut lugeda parallelipipedan mülündmäran	Opendai andab mülündmär-tärtusen, küzub miččil geometrižil objektoil om mülündmär	Openikad andaba vastusen, miše mülündmär om äisaumaižed kalud, erased punotuzkalud (cilindr, konus, šar)
Openikan uden materialan kacumine da el'genduz	10 min	Openduzkirjan lühenzoituz	Opendai starinoičeb mülündmäras, erašti sel'genzoitab tundmatomid tärtusid	Openikad lühenzoitas tekst da kundeltas opendajad, völ kirjutadas lehtikoho mülündmäroiden päeričused
Ezmäine vahvištoituz	5 min	Kebniden lugutegoiden tegend (koumen müričusen tegemine)	Opendai taričeb löuta oigedčogaižen parallelipipedan mülündmäran märičusidenke 3, 4, 5. Vastusen täht voib valita jogahišt openikad	Openikad löutas oigedčogaižen parallelipipedan mülündmäran. V=abc=3*4*5. Ku hö tegiba lugutegon, siloi hö voidas leta käden
Lugutegon tegend	5 min	Lugutegon tegend laudanno (ozutesikš, parallelipipedan mülündmäran lödand diagonaliden mödhe)	Opendai taričeb lapsile lugutegon openduzkirjaspäi, lugutegon korktuz' om ülemba keskmäšt	Openikad (vai openik) tehtas lugutegon laudanno. Sidä aigan openikad tehtas lugutegon lehtikoiš
Urokan ühthevedo	2 mi	Arvznamoiden panend	Opendai paneb arvznamad lehtikoho (rados vai lühüdkirjutuses) vai klassan päivlehtikoho	Openikad anttas ičeze lehtikod kodvindaks
Koditö	2 min	Andase kuverz'-se lugutegod openduzkirjaspäi (paksumba keskmäšt korktut)
Refleksii	1 min	Openikoiden urokan tarkištelend	Opendai küzub urokas	Openikad arvosteldas tuli-ik mel'he heile urok, oliba-ik lugutegod kebnad vai jügedad, oli-ik sel'ged vai ei urokan material

Urokan tipologii

1. Urokoiden klassifikacii didaktikpätegendoiden mödhe:

• kombiniruidud urok;
• uden materialan ezitusen urok;
• openduzmaterialan vahvištoitusen da praktikmahtoiden da mahtišton vaumičendan urok;
• ičenaižen radon urok;
• konferencii-urok da seminar-urok;
• opetud materialan toštandan, ühthevedon da sistematizacijan urok;
• tedoiden da mahtoiden kodvind da tarkištelendan urok; kontrol'tön vai ičenaižen radon urok;
• integriruidud urok;
• interaktivine urok. Urokan aigan kävutoitas openikan elektronine openduzkirj, opendajan elektronine openduzkirj da . Kožumižen princip — elektronine openduzkirj om pandud openikan planšetale. Jogahižen openikan planšet om ühtenzoitud ühthe verkoho interaktivižen laudanke da opendajan planšetanke. Elektronižiš openduzkirjoiš oma giperlähtked tedokirjoile, sur' kuvaduz, kross-lähtked openduzkirjan erazvuiččiden erištoiden keskes. mugoiččes openduzkirjas voib kävutada audio- da videomaterialad, grafikad, miččed abutadas paremba opeta materialad.

2. Urokoiden klassifikacii mahtišton vaumičendan paloiden mödhe:

• eziurok;
• harjoituzurok;
• lopurok.

3. Urokoiden klassifikacii tedoližen melentartusen kävutadud aktivizacijan mahtoiden mödhe da tedoližen radon mödhe:

• praktikum-urok;
• seminar-urok;
• lekcii-urok;
• tedonkodvuz-urok;
• vänd-urok;
• konferencii-urok;
• tundištoituzmatk-urok.

4. Urokoiden klassifikacii openduzprocessan ühtnikoiden kosketuzvaumičendan mödhe:

• urok radon vaumičendan dinamižiš paroiš vai vajehtuzjoukun paroiš;
• urok radon vaumičendan statistižiš paroiš vai kaikenaigaižen joukun paroiš;
• urok radonke peniš joukuiš;
• kollektivižen openduzmahtišton urok;
• tip. Venämal distantionižen opendusen kehitoitusen oficialine päivmär om 30. semendkud vodel 1997, konz eloho tuli Venäman Openduzministerstvan käsk № 1050, mitte käski tehta distancionižen eksperimentaп opendusen oblastiš. Vodel 2020 täht oli saubatud äi openduzškolid kaikes mail'mas. Sidä aigan äjad školad sirdihe distancionižehe opendusehe Zoom, Cisco Webex, Google Classroom, Microsoft Teams, D2L da Edgenuity, Skype platformoiden abul.

5. Urokoiden klassifikacii openduzmetodan mödhe:

• tedoandandan urok;
• probleman urok;
• oppindurok;
• evristine urok.

6. Urokoiden klassifikacii openduzpredmetoiden ühtenzoitusen mödhe:

• integriruidud urok;
• kirjišton urok;
• kluban urok;
• mediaurok.

7. Völ oma avoinuded urokad da klassan irdpoližed urokad. Ozutesikš, vodelpäi 2022 joga ezmärgen kaikiš Venäman školiš ezmäine urok om "Paginad tärktoiš azjoiš". Sen pätemad oma sidotud mehen elon päaspektoidenke nügüd'läižes Venämas.

Fail:Рабочая поездка президента РФ Путина в Сибирский федеральный округ.jpg

Vladimir Putin avoinuden "Paginad tärktoiš azjoiš"-urokan aigan školas № 20 Kodiman Gerojiden nimel (Tiva Valdkund, Kizil, 2024 voz')

Urokan piduz'

Jan Amos Komenskovan sisteman mödhe klassanke kuverz'-se aigad (tobjimalaz, 4 časud) radoi üks' opendai, hän päti kuverz' aigad pidi rata miše tehta erazvuiččed harjoitused. Jäl'ges vanhembiden openikoiden tarkištelendan al openikoile pidi 4 časud rata ičenašti.

Akademižen da Moskvan universitetan gimnazijan sändoiden mödhe, urokoiden piduz' oli 2 časud, kävutadihe voččen aigmäran. Urokad jagoihe kodiurokoikš da školurokoikš, miččed völ jagoihe personaližikš (opendajanke) da ühthižikš (eriigäižiden lapsidenke, opendajidenke da administracijankeс). Völ oliba aigaližed urokad (vaumičendurokad), miččil vanhemb openik toižespäi klassaspäi (auditor) tarkišteli vaumičendan da kirjuti satusid. Vodel 1828 gimnazijan urokan piduz' oli 90 minutad, vodel 1865 — 60 minutad.

Kat'a Ličeva urokal školas

Voz'sadan XX keskaigan "urok"-termin levenzoitihe opeduzharjoitusiden aigale da znamoičeškanzi niiden pidust. Voz'sadal XXI maiš om erazvuitte urokoiden piduz':

• Amerik — 45 — 90 minutad (urokan pidusen vahvištoitab joga škol).
• Francii — 55 minutaspäi 2. čashusai (piduz' rippub openduzpredmetaspäi).
• Kanada — 75 minutad.
• Izrail' — 90 minutad (2×45).
• Indii — 35 minutad.
• Kitai — 40 minutad.
• Germanii — 90 minutad (учитель может закончить урок через 45 мин).
• Japonii — 45—50 minutad.
• Suomi — urokan piduz' rippub opendajaspäi.
• Venäma — 40—45 minutad, augotižškolas 30—35 minutad. Kanman praznikoid urokoiden aig voib olda lühetud openduzorganizacijan administracijan käskon mödhe. Tobjimalaz, nedalin aigan urokad zavodisoiš märaigal.

Galerei

• 
  Pirdandan urok
• 
  Anglijan kelen urok
• 
  Biologijan uroj
• 
  Mantedon urok
• 
  Astronomijan urok
• 
  Matematikan urok
• 
  Himijan urok
• 
  Urok augotižškolan 1. klassas, Saratov, 1955—56 openduzvoz'
• 
  Urok keskškolan 7. klassas blokadan Piteriš, 1942 voz'

Literatur

• Словарь лингвистических терминов. — Назрань: Пилигрим, 2010. — 485 с.
• Урок математики в дореволюционной средней школе. — М.: Инфра-М, 2013. — 80 с. — .