Smirnov Igor' Valentinovič

<table class="infobox infobox- " style="" data-name="Театральный деятель" >Igor' Valentinovič Smirnov

Igor' Valentinovič Smirnov (ven.: Игорь Валентинович Смирно́в, ) om sovetskii baletmeister, opendai da akt'or. RSFSRan rahvahaline artist (1978), professor (1978). Hän om üks' karjalan rahvahaližen baletan augonpanijoišpäi.

Elostarin

Om sündunu 8. tal'vkud vodel 1926 Saratov-lidnas.

Vodel 1944 lopi Moskvan valdkundaližen akademižen taidehopišton (opendai N. I. Tarasov). Vozil 1944—1949 radoi baleitmesteran Moskvan konservatorijan operstudijas.

Vodel 1951 lopi GITIS-teatrinstitutan baleterišton (R. V. Zaharovan openduzkurs).

Vozil 1953—1954 radoi baletmeisteran da opendajan Ruminias, vozil 1963—1964 — Japonias, Mongolias da Argentinas.

Vozil 1958—1960, 1962, 1964—1967 oli Karjalan ASSRan muzikteatran päbaletmeisteran (Petroskoi). Teatran istorikan Ju. Gendelevan arsanan mödhe, Smirnovan rad Karjalas pani professionaližen balettaidehen alandusid valdkundas.

Vozil 1960—1961 oli päbaletmeisteran.

Vozil 1967—1989 oli Moskvan valdkundaližen kul'turinstitutan horeografijan tedokundan ohjandai, professor.

Koli 2. tal'vkud vodel 1989, om pandud maha Moskvas.

Sädairad

I. V. Smirnovan sädairadole kohtaine om taht baletan teatrozutelusiden süžetan kehitoittud dramaturgijaha da klassižen kargun horeografijan kožund rahvahaližen fol'kloranke.

Teatraližed radod

• ven.: "Медный всадник" R. M. Glier (Taškent, 1950; Buharest, 1954) — baletan tegii;
• ven.: "Маскарад" L. А. Laputina (Taškent, 1958; Teatr K. S. Stanislavskovan da V. I. Nemirovič-Dančenko nimel, 1961; Petroskoi, 1965) — baletan tegii;
• "Sampo" G.-R. Sinisalo (Petroskoi, 1959) — tarinoičii, baletan tegii;
• ven.: "Лебединое озеро" P. I. Čaikovskii (Petroskoi, 1960; Tokio, 1963) — baletan tegii;
• ven.: "Я помню чудное мгновенье" G.-R. Sinisalo (Kazan', 1962; Har'kov, 1963) — tarinoičii, baletan tegii;
• ven.: "Сильнее любви" G.-R. Sinisalo (Petroskoi, 1966) — baletan tegii;
• ven.: "Жизель" А. Аdan (Peroskoi, 1967) — baletan tegii;
• ven.: "Су анасы" ("Водяная") E. Z. Bakirov (Kazan', 1970) — tarinoičii, baletan tegii;
• ven.: "Кижская легенда" G.-R. Sinisalo (Petroskoi, 1973) — tarinoičii, baletan tegii.

Kinorolid

• 1938 — Gor'kovan laps'aig — L'on'ka;
• 1940 — Jakov Sverdlov — L'on'ka Suhov laps'aigas;
• 1940 — ven.: Тимур и его команда — Sima Simalov, pagižlii timurovec.

Igor' Smirnov Jakov Sverdlov-fil'mas (1940)

Valitud kirjutesed

• Искусство балетмейстера. — М.: Просвещение, 1986. — 190 с.;
• … танцует Карелия: Заметки и размышления балетмейстера. — Петрозаводск: Карелия, 1977. — 158 с. — 5000 экз.;
• … танцует Карелия: Заметки и размышления балетмейстера: 2-е изд., испр. и доп. — Петрозаводск: Карелия, 1981. — 190 с. — 3000 экз.;
• Работа балетмейстера над хореографическим произведением. — М., 1979.

Painzi kirjutesed horeografijas lehtezvestištos.

Pauklahjad da arvosteluz

• RSFSRan arvostadud taidehradnik (1959);
• Valdkundaližen premijan Gabdulla Tukajan nimel laureat (1973, sebran joukus) — E. Bakirovan ven.: "Су анасы" ("Водяная")-baletan panendas da librettos Tatarskan valdkundaližes operan da baletan teatras M. Džalil'an nimel (ühtes Revdar Sadiikovanke, Hesbi Fazlullinanke da Enver Bakirovanke);
• Karjalan ASSRan arvostadud taidehradnik (1974);
• Karjalan ASSRan Valdkundaline premii (1974) — G.-R. Sinisalon Kižin legend-baletan panendas da librettos Karjalan ASSRan muzikteatras;
• RSFSRan rahvahaline artist (1978);
• RSFSRan valdkundaline M. I. Glinkan nimel premii (1986) — G.-R. Sinisalon Sampo-baletozutesen udes toimištos, mitte om ezitadud Karjalan ASSRan muzikteatran laval.

Literatur

• Поэзия, музыка, танец // Театр : журнал. — 1959. — № 5.
• Искусство страны «Калевалы» // Советская музыка : журнал. — 1959. — № 11.
• Игорь Смирнов ставит балет // Советская музыка : журнал. — 1966. — № 8.
• Театр нашего города. — Петрозаводск, 1977.
• «Кижская легенда» в Петрозаводске // Музыкальная жизнь : журнал. — 1973. — № 17.
• Музыкальный театр Карелии: Очерк истории. — Петрозаводск: ПетроПресс, 2009. — .
• Смирнов Игорь Валентинович // Карелия : энциклопедия. В 3 т. Т. 3. Р—Я. — Петрозаводск, 2011. — С. 103—104.