Rahvahidenkeskeine tigran päiv

<table class="infobox infobox- " style="" data-name="Praznik" >Rahvahidenkeskeine tigran päiv

Rahvahidenkeskeine tigran päiv (ven.: Международный день тигра), (angl.: International Tiger Day) — praznik, mitte om vahvištadud Rahvahidenkeskeižel mirun tigroiden kaičendprobleman forumal («Tigroiden sammit»), kül'mkus vodel 2010 Piteriš. Kaikuččen voden se praznuitas 29. heinkud.

Rahvahidenkeskeine tigran päivän üks' pätegendoišpäi erazvuiččiš maiš - sanuda rahvahale tigroiden kadomižen probleman polhe da niiden kaičendas.

Tigr om rahvahidenkeskeižen kaičemižen al, se om pandud Rahvahidenkeskeiženlondusen kaičendsebran Rusttaha kirjaha, Ližamaterial 1. Vodelpäi 1947 ei sa rikta tigroid. Vodel 1955 oli kel'tüd, a sid' om röunatud tigroiden samine.

Erazvuiččiš maiš

Praznik erazvuiččiš sijoiš praznuitas erazvuiččikš: ozutesikš, erasiš živat-tarhoiš kaikes mirus tigroile anttas necil päiväl lujas magukast söndad da tomaižid. Rahvahidenkeskeine Global Tiger Initiative - organizacii Rahvahidenkeskeine tigran päiväks keradab läz 350 millionad dollarad sen täht, miše kaita tigroid da se homaiči, miše vodeks 2022 tigroiden lugumär ei kado, no tegese enambaks kahthe kerdaha.

Venämal

Rahvahidenkeskeižen tigran päivän praznuičemine Vladivostokas vodel 2006.

Venämal sügüz'kun nelländel pühäpäiväl mugažo praznuitas al'ternativine Tigran päiv Edahaižes Päivnouzman poles - praznik, mitte sündui vodel 2000. Necen päivän idejan völ vodel 1995 andoi kirjutai-ohotoved Vladimir Troinin, kudamb viž vot tegi školoiš da kirjištoiš londusen kacundan urokoid, ekologižid ekskursijoid lapsiden täht i «Tigran päiväd» lugendan formas. Vodel 2000 «Feniks»-fondan pämez' Sergei Berezn'uk päti vajehtada «Tigran päivän»-formatan, tariči ičeze sebranikoile da heimolaižile, mugažo Mail'man meclondusen fondan Amuran filialan ühtesradnikoile kävelta lidnadme tigran sädoiš lozunganke tugeta šoudukahast lihansöjad živatad, mi oli-ki tehtud: 14. redukud läz 200 mest mäni Vladivostok-lidnan keksavoirdadme. Vodel 2001 Vladivostok-lidnan administracijan pämehen käskön mödhe «Tigran päiv» sai jogapäiväižen oficialižen lidnan praznikan statusan. Tradicijan mödhe lidnas praznik zavodiše karnavalan kävelusel, praznikan programmas mugažo oma konkursad da voibištelendad. Jäl'ges «Tigran päiv» zavottihe praznuita Primorskan agjan toižiš-ki eländtahoiš, a vodelpäi 2008 se tegihe agjan oficialižeks praznikaks. В 2010 году праздник стали праздновать и в КНР на приграничных с Приморьем территориях.

Venäman prezident Vladimir Putin nimiti «Tigran päiväd Edahaižes Päivnouzman poles» kaikid hoštajaks ekologižeks Venäman praznikaks. Putinan sanoiden mödhe nece päiv ühtenzoitab «kaikid, ked holduba necen čoman živatan tulebas elos, kaikid, ked holduba meclonduses da tahtoiba eläda kožmuses senke, kaita sidä, tehta tervhen mail'man ičeze täht da tulebiden polviden täht».

Tarkendused

• Erišt om omištadud «Tigran päiväle» «Feniks»-fondan saital.