Priozersk

<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.

Priozersk (ven.: Приозе́рск, karj.: Kägöisalmi, suom.: Käkisalmi, roč.: Kexholm) om Venäman lidn Piterin agjan lodehes. Se om Priozerskan rajonan i lidnankundan administrativine keskuz.

Istorii

Eländpunktas johtutadas ezmäižen kerdan vodel 1295 kuti Korel-lidnoituz, oli tetab necen nimenke vhesai 1611. Se sai lidnan statusad vodel 1310. Raudtestancii om saudud vodel 1916. Vodespäi 1948 lidn om nügüdläiženke nimenke.

Priozerskan ižandusen päsarak om mecan süvä ümbriradmine: punümbriradai tegim i "Lesplitinvest"-edheotand.

Geografijan andmused

Lidn sijadase Karjalan järvidenkeskes, Ladogan järven i Vuoks-järven keskes, Vuoks-jogen pohjoižen hijaman randoil, 14 m ü.m.t. keskmäižel korktusel. Matkad Piterin röunhasai om 127 km suvehe, sen keskushesai — 145 km. Lähembaižed lidnad oma Kamennogorsk 54 km päivlaskmaha orhal vai 92 km avtol i Lahdenpohj (Karjalan Tazovaldkund) 53 km pohjoižehe orhal vai 81 avtotedme.

Kaik koume pen't žilod mülüdas lidnankundha: Storoževoje (308 rist. vl 2010), Brigadnoje (68 rist.), Burnevo (12 rist.). Lidnankundan pind om 41,82 km².

Eläjad

Vodel 1910 eläjiden lugu oli 1977 ristitud. Vn 2010 Venäman rahvahanlugemižen mödhe lidnan eläjiden lugu oli 18 929 ristitud, lidnankundan — 19 321 ristitud. Vl 2017 lidnan ristitišt oli 18 616 eläjad. Kaikiš suremb lidnan ristitišt oli enamba 20 tuhad eläjid vll 1989−1998 i 2002−2003 (20 557 rist. vl 1989).

Ortodoksižen hristanuskondan kuz' pühäpertid^[1] oma avaitud lidnas: Jumalanmaman Sündundan päjumalanpert' (om saudud vll 1838−1847), Kaikiden Pühämehiden jumalanpert' (om letud vll 1890−1892), Raštvoiden jumalanpert' (om sätud vll 2001−2009, Venäman Patriarhan ohjanduzkundan al), koume časoun'ad.

Priozerskan politehnine kolledž^[2] om lidnan üksjaižeks profopendusen aluzkundaks.

Lidnankundan Administracii om likvidiruidud vn 2015 semendkus, rajonan administracii oigendab sen velgusid.

Transport

Ühtennimine Priozersk-raudtestancii seižub «Piter (Suomen päraudtestancii) — Hiitol»-jonol. Avtote Sortavalhasai (A-121) läbitab lidnad.

Venehstancii om Vuoks-järven randal.

Galerei

Korela (lidnoituz) (Keksgol'man) voden 2020 tal'vkus (uz' pala, nügüd' armijan sanatorii)
Jumalanmaman Sündundan päjumalanpert', vn 2019 nägu
«Lesplitinvest»-kompanijan tegimen tulend (2019)
«Korela»-adivpert' (2019)
Priozersk-päraudtestancii vl 2010

Homaičendad

Irdkosketused

	Leningradan agjan lidnad
	Boksitogorsk \| Gatčin \| Ivangorod \| Kamennogorsk \| Kingisepp \| Kiriši \| Kirovsk \| Koltuši \| Kommunar \| Kos'kenaluine \| Kudrovo \| Lug \| Lüban' \| Murino \| Nikol'skoje \| Otradnoje \| Pikalövo \| Primorsk \| Priozersk \| Pöud \| Sertolovo \| Slanci \| Sosnovii Bor \| Svetogorsk \| Säs'stroi \| Šlissel'burg \| Tihvin \| Tosno \| Uz' Ladog \| Viipur \| Visock \| Volhov \| Volosovo \| Vsevoložsk

[1] Priozerskan pühäpertid sobory.ru-saital. (ven.)

[2] Priozerskan politehnižen kolledžan sait (prioz-ptk.ru). (ven.)

[1]

[2]