P'otr Petrov

<table class="infobox infobox- " style="" data-name="Voinmez'" itemscope itemtype="http://schema.org/Person">P'otr Mihailovič Petrov

P'otr Mihailovič Petrov (ven.: Пётр Миха́йлович Петро́в, 1910—1941) — Sovetsko-suomalaižen voinan (1939—1940) da Suren Kodiman voinan ühtnik, eskadriljan komandir, major, Sovetskijan Sojuzan Geroi.

Elostarin

P'otr Mihailovič Petrov sündui Petroskoi-lidnas radnikan kanzas. Venälaine.

Lopi 7. klassad da Fabrik-zavodan openduzškolan, radoi slesarin Petroskoin raudten stancijan depos.

Vodelpäi 1929 oli Rad-maorjan Rusttas Armijas. Vodel 1931 lopi Leningradan Voinvägiden voin-tehnižen školan, služi tehnikan aviacijan otr'adas Moskvan voinümbruses. Vodel 1932 VKP(b)-organizacijan ühtnik.

Vodel 1936 lopi Borisoglebskan korktan voinaviacijan školan, jatksi služban lendajan-istrebitel'an Leningradan voinümbrusen častiš.

Sovetsko-suomalaižen voinan ühtnik vozil 1939—1940. Öbokan frontan 13. armijan 68. erižen istrebitel'an aviacijan polkan eskadriljan komandir, oldes vointoras 17. uhokud vodel 1940 kapitan P. М. Petrov ištuti lendandmašinan kül'menzoittud Muola-Jžrvele da vihanikan ambundan al oti ičeze istrebitel'an kabinaha sovetskijan šturmanan muretud bombardirovščikaspäi da vedi händast ičhižidennoks. Neciš podvigas 7. sulakud vodel 1940 hänele anttihe Sovetskijan Sojuzan Gerojan nimen.

28. kezakuspäi vodelpäi 1941 oli Suren Kodiman voinan frontoil. Polkan Komandiran varapämez' 36. aviadevizijas (Kijev-lidn). 254. istrebitel'an aviacijan polkan komandir, major Petrov oli muretud zenitno-puškoiden voiskiden ambundoil 23. kül'mkud vodel 1941 Aleksejevka-lidnas Kurskan agjas.

Oli pandud maha vellidenkaumha № 18 läz keskuzkaumištonno Urazovo-küläs Valuiskijas rajonas (Belgorodan agjas).

Kanz

• Tat — Mihail Sem'onovič, raudten depon radnik.
• Mam — Natalja Ivanova.
• Velled — Aleksandr da Nikolai (major lebul).
• Sizar — Maria.
• Ak — (Žanna Šimovna Čečel'nickaja) Galina Sem'onovna Petrova (25.12.1915, Kirovograd — 14.12.2008, Moskva). Radoi fel'dšeran CSKA-sportkompleksas, ei lähtend mehele.
  • Poig — Anatolii Petrovič Petrov (sünd. 11.7.1934), Voinil'mvägiden podpolkovnik, 1. klassan voinlendai.

Mušt

Muštlaud Petroskoiš

• P'otr Petrovan muštoks Petroskoiš om nimitadud ird — Petrovan ird, om pandud muštlaudad hänen muštho Petrovan irdal da Petroskoin raudten stancijan depos.
• Petrovan modkuva, kut i toižiden 28 Sovetskijan Sojuzan Gerojan modkuvad, ked oli sündunu karjalas, om ripputadud Sovetskijan Sojuzan Gerojoiden galerejas, mitte oli avaitud vodel 1977 Karjalan pälidnas Petroskoiš, om ištutadud pu hänen nimenke Gerojoiden allejal.

Pauklahjad

• Sovetskijan Sojuzan Ülembaižen Nevondišton Prezidiuman käsköl 7. sulakud vodel 1940а kapitan P'otr Mihailovič Petrov sai Sovetskijan Sojuzan Gerojan nimen da Leninan ordenan da "Kuldaine Tähthaine"-medalin (№ 300) "parahimas tehtud voinrados frontal suomalaižiden vihanikoiden vasthapäi, ozutadud rohktudes da geroizmas".
• Rusttan Znamenin Orden (27.12.1941).

Literatur

• Опарин В. Один против шести. [О Герое Советского Союза летчике-истребителе П. М. Петрове]. — Петрозаводск, Госиздат КАССР, 1961. — 52 с. с илл.
• Герои земли советской. — 2-е изд. — Петрозаводск, 1968.
• Хахалин Л. А. Пётр Петров: Страницы героической жизни: Документальная повесть. — Петрозаводск, 1983. — 101 с.

Tarkendused

• Петров Пётр Михайлович Архивная копия от 10 semendkud 2012 на Wayback Machine.
• Фотография из фондов Национального архива Республики Карелия Архивная копия от 17 kül’mkud 2015 на Wayback Machine.
• Из наградного листа Архивная копия от 17 kül’mkud 2015 на Wayback Machine.