Nikolai Rigačin

<table class="infobox infobox- " style="" data-name="Voinmez'" itemscope itemtype="http://schema.org/Person">Nikolai Ivanovič Rigačin

Sovetskijan Sojuzan počtkirjeiženkor', 1982 voz'

Muštlaud Petroskoiš

Muštznam Tipinici-küläs

Nikolai Ivanovič Rigačin ven.: Николай Иванович Ри́гачин (19. semendkud vodel 1919, Tipinici-külä, Oloncan gubernii — 21. vilukud vodel 1945, Kraicburg, Germanijan imperii) — Sovetskijan Sojuzan Geroi, tedištelii 287-den gvardeiskijan ambund polkan 95 gvardeiskijan Poltavan Leninan ordenan Rusttanznamaine Suvorovan da Bogdan Hmel'nickovan ordenoiden ambunddivizijan 1 Ukrainan frontan 5 gvardeiskijan armijan tedištelii, gvardijan saldat.

Elostarin

Sündui 19. semendkud vodel 1919 Tipinici-küläs, nügüd' Medvežegorskan röun Karjalas. Mam koli, konz Nikolajale täudui kaks' vot. Tat radoi pusepan, koli vodel 1935.

Radoi sapkoidenomblijan Tipinicinan külän arteliš. Om ottud Rusttaha Armijaha vodel 1938.

Suren Kidimaižen voinan ezmäižil päivil bataljon, kus služi Nikolai Rigačin putui ümbärdusehe da oli ottud anastushe, no jäl'ges pageni voinmehiden lagerišpäi.

Kevädel vodel 1944 oli ottud tedištelijan gvardeiskjaha ambundpolkha. Nikolai Rigačin vointoroidenke om männu oigedrandaižen Ukrainas, Ruminijas, Pol'šas päliči. Oli pauklahjoitud Rusttan Tähthaižen ordenal.

21. vilukud vodel 1945 Kreicburg-lidnas Nikolai Račin om riktud, hän tacihe ambrazurale da saupsi sidä ičein hibjal.

Nikolai Rigačin om pandud maha velliden kaumha pol'šan Kl'učbork-lidnas (ende Kreicburg).

Pauklahjad

• 10. sulakud vodel 1945 SSSRan Ülembaižen Nevondišton prezidiuman käskol hüvin tehtud käskiikundan voinategendoiš frontal fašistoidenke toroiš da rohktudes da geroizmas Nikolai Ivanovič Rigačinale om anttud Sovetskijan Sojuzan Geroi nimi;
• Leninan orden (10.04.1945);
• Rusttan Tähthaižen orden (28.01.1945).

Mušt

• Kločbork-lidnan Lidnalaižen Radan käskon mödhe 30. elokud vodel 1960 lidnalaižen puišton päkäveluzkujo om nimitadud Nikolai Račinan nimel.
• Gerojan nimel om nimitadud Petroskoin-lidnan ird.
• N. I. Račinan modkuva, kut toižed Karjalan 28 Sovetskijan Sojuzan Gerojiden kuvad, om pandud Sovetskijan Sojuzan Gerojiden Galerejaha, mitte om avaitud vodel 1977 Karjalan pälidnas Petroskoiš Antikainena da Rusttan irdan tesarel.
• Venäman voin-istorine sebr pani muštlaudan Račinas Tolvujan keskškolan pertile Medvežegorskan agjas, kus hän openzihe.
• Karjalan Medvežegorskan agjas Tipinici-küläs om mušttaho, kus seižui pert', miččes Nikolai Račin sündui i eli vodehesai 1939.
• Rigačina nimi oli kalalaival, mitte oli Murmansk-lidnan valdmoiš.

Literatur

• Шутой В. Е. Герой из Заонежья. (Герой Советского Союза Н. И. Ригачин) — Петрозаводск, Госиздат КАССР, 1961. — 44 с. с илл.; 1 л. портр
• Гордиенко А. Карельский парень спит в Ключборге: Киноочерк [о Герое Совет. Союза Н. И. Ригачине] // Север. — 1966. — № 2. — С. 26-66.
• Шутой В. Е. Парень из Заонежья: [Герой Совет. Союза Н. Ригачин] // Герои и подвиги. — М., 1978. — Кн. 6. — C. 88-96.
• Герои земли советской. — Петрозаводск: Карелия (издательство), 1968. — С. 271—285. — 367 с. — 20 000 экз.
• Гордиенко, Анатолий Алексеевич|Гордиенко А. А. Минута жизни: повесть о Герое Советского Союза Николае Ригачине. — Петрозаводск, 1985. — 120 с.

Tarkendused

• Герой Ригачин в истории Карелии
• Мемориальная доска