Meliorativnii
<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.
Meliorativnii (ven.: Мелиорати́вный, karj.: Meliorativnoi, suom.: Meliorativnyi) om žilo Karjalan Tazovaldkundan Änižröunan (Änižrandan) rajonas. Se om Meliorativnijan küläkundan üks'jäine eländpunkt da administrativine keskuz.
Istorii
Eländpunktan aluz om pandud vl 1947 kuti melioracijan «Sovhozmeliovodstroi»-sauvondorganizacijan materialine baz. Vl 1953 Petroskoin mašiniž-meliorativine stancii oli sätud. Žilon nimituz oli Tomicad (ven.: То́мицы) 1960-nzil vozil.
Meliorativnii šingotase mecanpilindan edheotandal i torguindal. Likörvodkantegim radoi 2000-nzil vozil.
Geografijan andmused
Žilo sijadase rajonan lodehes, kahtes kilometras pohjoižhe Petroskoin lodehližes röunaspäi, Kol-trassan i «Petroskoi — Murmansk»-raudten keskes. Matkad Petroskoin keskushesai om 14 km suvipäivnouzmha orhal.
Kaik om viž nimitadud irdad žilos: Lesnai, Ližnai, Petroskoin, Sadovai, Stroitel'nai.
Eläjad
Vl 2010 žilon eläjiden lugu oli 2 475 ristitud, se oli kaikiš suremb ristitišt. Vl 2017 žilon ristitišt oli 2 264 eläjad.
Ortodoksižen hristanuskondan ph. Serafim Sarovalaižen jumalanpert'[1] om avaitud žilos vspäi 2004.
Nened büdžetižed aluzkundad ratas žilos: keskškol nomer 2, päivkodi, ambulatorii, kul'turkeskuz[2].