Mine sisu juurde

Lahdenpohjan rajon

Мегавики-späi

<table class="infobox infobox-Skriptitõrge: Moodulit "Hash" pole. " style="" data-name="Administrativine pala" >rajon / municipaline rajonLahdenpohjan rajonSkriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.

Lahdenpohjan rajon (ven.: 'Лахденпохский район') — administrativiž-territorialine eländsija (rajon) da municipaline eländtaho (municipaline rajon) Karjalas Venämal.

Administrativine keskuz — Lahdenpohja-lidn.

Lahdenpohjan rajon om Edahaine Pohjoižrajon.

Geografii

Rajon om Ladogan järven öbokan randal, röunatab:

Mülüb Pohjoiž-Priladožjan istoriližehe regionaha. Rajonas om lujas äi Ladogan šheroid.

Istorii

Jäl’ghe Tal’vvoinad Moskvan kožmusen mödhe, mitte oli allekirjutadud 12. keväz’kud vodel 1940 Viborgan gubernijan suremb pala oli anttud SSSRale. SSSRas sadud territorii oli jagatud — Karjalan Avtonomižen SSRan da Piterin agjan keskes. Karjalan Avtonomine SSRaha mülüškanzi pohjoine da uziden territorijoiden suremb pala, a valdkund oli vajehtadud Karjalaiž-Suomalaižehe SSRaks.

Karjalaiž-Suomalaižen SSRan Ülembaižen Nevondišton käsköl 9. heinkud vodel 1940 udel territorijal oli tehtud 7 administrativišt rajonad: Viborgan, Keksgol’mskan, Kurkijoken, Pitkärantan, Sortavalan, Suojärven da Jaskinskan rajonad[1]. Kurkijoken rajon oli tehtud keskusenke Kurkijoki-pos’olkas (möhemba, jäl’ghe vot 1957 sündui nimi: Kurkijoken rajon, Kurkijoki- pos’olk).

Elokuspäi vodelpäi 1941 Sovetsko-suomalaižen voinan aigan territorii oli Suomen armijan valdas. Suomalaižile eläjile, kudambad eliba tägä evakuacijahasai vodhesai 1939, oli lasktud pörttas Kodimale. Konz 19. sügüz’kud vodel 1944 lopihe Sovetsko-suomalaine voin (1941—1944) Moskvan mirkožmusen mödhe, zavodi möst rata Moskvan voden 1940 kožmuz — SSSRaha mülüškanzi mugažo territorii, mitte oli märitadud Moskvan kožmusel vodel 1940.

20. vilukud vodel 1945 administrativine rajonan keskuz oli sirttud Lahdenpohja-lidnaha[2].

12. elokud vodel 1958 Kurkijoken rajon oli heittud da sen territorii oli anttud Karjalan ASSRan Sortavalan rajonale.[3]

22. tal’vkud vodel 1970 KASSRan Ülembaižen Nevondišton käskön mödhe oli tehtud Lahdenpohjan rajon[4].

Valdkundanznam

Om vahvištadud Lahdenpohjan municipaližen rajonan nevondišton käsköl (№ 54/383-6) 10. redukud vodel 2019.

Lazorevas, Čunziden pöudos — hobedaine lendai oiktaha polehe kurg suriden levedoiden suugidenke kuldaižes koronas koumas hambhas. Ščitan päs om municipaline venc tehtud ozutesen mödhe.

Simvolikan sel’genzoitamine: Hobedaine lendai oiktaha polehe kurg suriden levedoiden suugidenke kuldaižes vencas johtutab enččes territorijan nimes. Nügüdläižen Lahdenpohjan rajonan mad mülüiba Kirkijoken ujezdaha Viborgan gubernijaha, kurg — hüvä johtutez ujezdan enččes nimes. Venc päs om johtutez siš, miše 17 voz’sadal nece ma mülüi Kroneborgskan grafstvaha (sen keskuz — Kroneborg-lidn, nügüdläine Kurkijoki-pos’olk), ku käta Kroneborg sanad, se znamoičeb koronnii zamok. Ku homaita, miše ühtel aigal territorii oli Viborgan gubernijas, a Viborg-gubernijan keskusen päsimvol — Viborgan zamok, ka valdkundanznaman figurad oma simvoližed. Vodelpäi 1940 da nügüdehesai rajonan territorii (ezmäks Karjalan Kurkijoken rajonas, sid’ Lahdenpohjan rajonas, oli i om Venäman röunan territorii, ka simvolan znamoičend tegese sel’ktaks, se om krepostnijan varjoičendčuhunduz. Paiči necidä Kroneborgskan grafstvan keskaigaižen toponimikan täht oli sel’ged “Zamkan mägi” nimi. Sikš valdkundanznaman figurad oma todesižen istoriližen toponimijan, nügüdläižen geografižen rajonan olendan da sen londusen simvol. Kuld — päiväižen lämoin muju, ühtel aigal rajonan mecbohatusen muju (pud). Červlen’ (rusked) — varumatomuden, rohktuden, pöl’gästoitoman ristitun simvol. Istorijan mödhe rajonan territorii oli Venäman da Švecijan vastustuzsija, sikš červlen’ om Karjalan man varumatomuden, rohktuden, pöl’gästoitoman ristitun simvol.

Hobed — puhthiden meliden, hengeližuden tradicionaline muju.

— https://geraldika.ru/symbols/42057

Eläjad

Skriptitõrge: Moodulit "Statistical2" pole.

Skriptitõrge: Moodulit "Statistical2" pole.

Venäman ekonomikan kehitoitusen endustusen mödhe eläjiden lugumär linneb[5]:

  • 2024 — 12,03 tuh. rist.
  • 2035 — 10,11 tuh. rist.

1. vilukud vodel 2009 eläjid oli 15 396 mest, heišpäi lidnas oli — 8 173 mest, külänikoid — 7 223 mest[6].

Urbanizacii

Lahdenpohja-lidnas eläb Avaldistõrge: Ootamatu <-tehtemärk % rajonan eläjišpäi.

Rahvahad

Venäman rahvahan voden 2020 kirjutamižen mödhe rahvahad[7]:

Rahvaz Lugumär, rist. Pala
Venälaižed 9307 85,49 %
Belorusad 251 2,31 %
Ukraincad 184 1,69 %
Karjalaižed 124 1,14 %
Čuvačad 57 0,52 %
Tatarad 36 0,33 %
Suomalaižed 28 0,26 %
Arm’anad 21 0,19 %
Vepsläižed 15 0,14 %
Pol’akad 11 0,10 %
Toižed[8] 853 7,83 %
Ühtes 10 887 100,00 %

Administrativine jagamine

Lahdenpohjan municipaližehe rajonaha mülüb 5 municipališt elandsijad, siš lugus 1 lidnan küläkund da 4 küläkundad[9][10]: Skriptitõrge: Moodulit "Tables" pole.

Eländtahod

Lahdenpohjan rajonas om 51 eländtahod (1 om lidnalaižes kundas)[11][10]. Skriptitõrge: Moodulit "Tables" pole.

Ekonomik

Rajon om röunal, vaiše vodelpäi 2007 Ristilahti — Uukuniemi tarkištuztaho ei rada, se pahoin painasti turizmaha da rajonan tavaroiden vedändaha. Lähembaižed tarkištuzpunktoikš tegihe Svetogorsk (117 km) da Värtsilä (106 km). Kacmata neche azjaha turistad tuleba Piterišpäi da toižiš Venäman lidnoišpäi.

Rajonlehtez

“Kolhoznaja pravda” rajonlehtesen ezmäine nomer (toimitai М. М. Grigorjev) läksi eloho vodel 1940. Vozil 1957—1971 lehtez läksi eloho toižen nimenke, se oli “Novii put’”. 2. keväz’kuspäi vodelpäi 1971 lehtez lähteb eloho “Priziv”-nimenke[12].

Melenatrtuisijad

Homaičendad

  1. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  2. ↑ Справка об изменениях в административно-территориальном делении Карелии // Центральный госархив Карельской АССР. Путеводитель. Петрозаводск, 1963, л.316-317
  3. ↑ Административно-территориальное деление союзных республик. 1959
  4. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  5. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  6. ↑ Формирование паспорта
  7. ↑ Итоги Всероссийской переписи населения 2020 года. Том 5. Национальный состав и владение языками. Таблица 1. Национальный состав населения
  8. ↑ Аварцы (1), Азербайджанцы (4), Балкарцы (2), Башкиры (2), Болгары (3), Гагаузы (1), Греки (1), Грузины (7), Даргинцы (6), Евреи (1), Ижорцы (1), Киргизы (8), Кумыки (1), Латыши (2), Лезгины (1), Литовцы (10), Манси (1), Марийцы (1), Молдаване (6), Мордва (4), Немцы (3), Осетины (3), Русины (1), Табасараны (1), Таджики (9), Удмурты (1), Узбеки (7), Финны-ингерманландцы (2), Ханты (1), Чеченцы (1), Чукчи (1), Эстонцы (6), Указавшие другие ответы о национальной принадлежности (96), Нет национальной принадлежности (206), Лица, в переписных листах которых национальная принадлежность не указана (454)
  9. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  10. ↑ 10,0 10,1 Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  11. ↑ Skriptitõrge: Moodulit "CiteWeb" pole.Skriptitõrge: Moodulit "check for unknown parameters" pole.
  12. ↑ Карелия: энциклопедия: в 3 т. / гл. ред. А. Ф. Титов. Т. 3: Р — Я. — Петрозаводск: ИД «ПетроПресс», 2011. С. 8 — 384 с.: ил., карт. ISBN 978-5-8430-0127-8 (т. 3)
  13. ↑ Остров Путсаари, parkladoga.ru (2022-03-14). Дата обращения: 19 elokud 2025.
  14. ↑ Рельеф Северного Приладожья. Дата обращения: 10 sügüz’kud 2025.
  15. ↑ Красивые места Карелии. Дата обращения: 10 sügüz’kud 2025.
  16. ↑ Ладожские шхеры. Дата обращения: 10 sügüz’kud 2025.
  17. ↑ Национальный парк "Ладожские шхеры". Дата обращения: 10 sügüz’kud 2025.
  18. ↑ Золотое кольцо Карелии. Дата обращения: 10 sügüz’kud 2025.

Skriptitõrge: Moodulit "Check for unknown parameters" pole.

Tarkendused

Skriptitõrge: Moodulit "Navbox" pole. Skriptitõrge: Moodulit "Navbox" pole.

Om sadud "https://vep.megawiki.ru/w/index.php?title=Lahdenpohjan_rajon&oldid=6594"