Kinerma

<table class="infobox infobox- " style="" data-name="Venäman eländtahod" >KüläKinerma

Kinerma (ven.: Ки́нерма, karj.: Kinnermy) om vanh karjalaine külä Karjalas Präžan rajonas Vedlozeron küläkundas, istorian kompleksni muštpacaz. Om livvin karjalaižiden eländtahon keskuz.

Ühthižed tedod

Rajon, miččes sijadase külä, om elätoitud voz'sadal XVI.

Ezmäižen kerdan külä johtutase «Obonežjen pätinan Piscovajas kirjas» vodel 1496.

Küläs om elätadud pertid, miččen keskes kaikid vanhembad om letud voz'sadal XVIII da voz'sadan XIX augotišes, da völ Smolenskan Bogorodican časoun', mitte om letud voz'sadal XVIII. Nügüd'aigal pertid kaitas kut Karjalan kul'turjäl'gestusen objektoid.

Vodel 2000 külän tugedusen täht om tehtud Karjalan Valdkundan karjalaižen kul'turjäl'gestusen tugeduzfond.

Vodel 2001 om tehtud kundaline Kinnermäen ystävät sebr. (Kinerman sebranikad)

Vodel 2016 külän mülütadihe . Konkursan vägestusen satuz om sur' pikaraižen külän täht turistmatknikoiden lugumär, miččenke kuz' külän eläjad ei voigoi ladidas: üksjäižen adivpertin emäg sanui lehtezmehile, «Ved' mö tahtoim neniš rahoiš holitada korgedladušti, miše ristitud ajoiba tagaze ei abidoittutomikš. No 4 tuhad matknikoid vodes! Mö mehen vägel jo em voigoi. Minai om aigkirjutez poleks vodeks edehe».

Kinermas radab «Elo Kinermas» ozuteluz.

Külän sauvotusiden keskes arhitekturan muštpachad oma:

• Kačalovan elätadud pert' (voz'sadan XIX lop);
• Gavrilovan elätadud pert' (voz'sadan XIX lop);
• Davidovan elätadud pert' (1924 voz');
• Kuznecovan elätadud pert' (voz'sadan XIX 2-ine pol');
• Jeršovan elätadud pert' (voz'sadan XIX 2-ine pol');
• Stafejevan elätadud pert' (voz'sadan XIX lop);
• Kuznecovan kül'bet' (1902 voz').

Eläjad

Eläjiden lugumär vodel 1905 oli 117 mest. Vodel 1911 eli 168 mest. Rahvahan lugemižen tedoiden mödhe vodel 2020 küläs eli 14 mest

Fotokuvad

• 
  Kinerma-külä
• 
  Kinerman Smolenskan Bogorodican časoun'
• 
  Kinerma-külä
• 
  Tulend küläha Vedlozeron polespäi
• 
  Avtote 86К-9 külän päliči
• 
  Etno-kul'turine keskuz, Kinerma, 17

Literatur

• Карелия: энциклопедия: в 3 т./ гл. ред. А. Ф. Титов. Т. 2. — Петрозаводск: ИД «ПетроПресс», 2009. — С. 43—44. — 464 с.