Bubrih Dmitrii Vladimirovič

<table class="infobox infobox- " style="" data-name="Tedomez'" >Dmitrii Vladimirovič Bubrih

Dmitrii Vladimirovič Bubrih (ven.: Дми́трий Влади́мирович Бу́брих, ) — venälaine i sovetskii filolog, professor (1925), filologijan tedodoktor (1937), Sovetskijan Sojuzan Tedoiden akademijan ühtnik-korrespondent (1946), üks' kodiman tedoškolan sädajišpäi suomalaiž-ugrilaižen filologijas, Leningradan valdkundaližen universitetan filologižen tedokundan suomalaižen kafedran augonpanii (1925) i ezmäine pämez' (vodehesai 1949).

Elostarin

Bubrih sündui Piterin opištoiden venän kelen da čomaliteraturan opendajan Vladimir F'odorovič Bubrihan kanzas.

Vodel 1909 lopi Rigan Nikolai I gimnazijan kuldaižen medalinke i päzui opendamhas Piterin imperatoran universitetan istorijan-filologižen fakul'tetan slavilaiž-venälaižehe erištoho, lopi sen vodel 1913 I stepenin diplomanke. Vodel 1911 Bubrihad pidätadihe i kükstihe Piterišpäi, sikš ku hän ühtni üläopenikoiden mitingoihe. Hän openzihe kel'tedomeheks ohjandusel, 1920-voziden augotišes zavodi oppida suomalaiž-ugrilaižid kelid.

1917. voden jäl'ghe D. V. Bubrih radoi opendajan Moskvan da Piterin korktoiš openduzerištoiš. Vodelpäi 1922 oli opendajan Petrogradan valdkundaližes universitetas. Vodelpäi 1925 i läz surmhasai oli Leningradan valdkundaližen universitetan suomalaiž-ugrilaižiden keliden tedon kafedran pämehen. Vozil 1927—1929 — etnologižen fakul'tetan ugrilaiž-suomalaižiden keliden kafedran professor.

Vozil 1934—1949 Bubrih ohjanzi suomalaiž-ugrilaižiden keliden tedon erištod Kelen da meletandan institutas Marran nimel. Filologijan (1937).

Vozil 1932—1933 D. V. Bubrihad tahtoitihe türmata kut suomalašt nacionalistad, no händast pästtihe valdale.

Vodelpäi 1937 radoi Petroskoin , oli Karjalan kelen da literaturan kafedran pämez'.

Voden 1938 uhokus oli türmatud "antisovetskijas rahvahaližes rados", kut äjad toižed suomaliž-ugrilaižiden keliden oppijad, no toižel vodel händast pästtihe valdale.

Suren Kodiman voinan vozil radoi Karjalaiž-Suomalaižes valdkundaližes universitetas oldes evakuacijas Siktivkaras.

Vozil 1947—1949 — Venäman tedoakademijan Karjalan tedokeskusen Kelen, literaturan da istorian institutan pämez' Petroskoiš. D. V. Bubrih mahtokahašti voi ühtištada tedo- da sädairadod kahtes lidnas — Leningradas i Petroskoiš. Vozil 1948—1949, konz vedetihe azjtegoid kosmopolitizman vaste, D. V. Bubrih möst putui väritusiden alle "buržuazijan kontrabandas" marristoiden polespäi Fedot Filinan ohjandusel, sihe ühtniba erased enččed-ki openikad, niiden keskes oli Vasilii Alatirev.

Dmitrii Vladimirovič Bubrih koli 30. kül'mkud vodel 1949 59-voččes igäs südäintabadusespäi marin kelen openduzlekcijan aigan Leningradan valdkundaližes universitetas.

Oli pandud maha Serafimovan kaumištol.

D. V. Bubrihan kaum Piteriš

Dmitrii Vladimirovič Bubrihan tradicijoid jatksi hänen openik — Zinaida Mihailovna Dubrovina, filologijan , professor, Leningradan valdkundaližen universitetan suomalaiž-ugrilaižen filologijan kafedran ohjandai vozil 1957—1991. Möhemba Leningradan valdkundaližen universitetan suomalaiž-ugrilaižen filologijan kafedrad ohjanzi Leonid Ivanovič Suviženko (vozil 1991—2007) i Natalja Nikolajevna Kolpakova (vozil 2007—2020). Leningradan valdkundaližen universitetan suomalaiž-ugrilaižen filologijan kafedr, miččen augonpanii om Dmitrii Vladimirovič Bubrih (vodel 1925), tegihe päkeskuseks Sovetskijas Sojuzas, a jäl'ges Venämal suomaliž-ugrilaižen filologijan tedo-oblastiš. Vozil 1945—1946 necil kafedral zavottihe vaumištada tundijoid "Vengrian kel' da literatur"-, "Suomen kel' da literatur"-specialižuziden mödhe. Neciš aigas Leningradan valdkundaližen universitetan suomalaiž-ugrilaižen filologijan kafedral pästtihe äi vengrian da suomen keliden tundijoid. Vodelpäi 2001 kafedral opetas estin kel't, nece om kut eriline openduzkurs vengrian da suomen erištoiden üläopenikoiden täht. A vodelpäi 2007 zavottihe vaumištada tundijoid "Estin kel' da literatur"-specialižuden mödhe. Leningradan valdkundaližen universitetan suomalaiž-ugrilaižen filologijan kafedran opendajiden joukus oma hüväd vengrian, suomen da estin keliden tundijad. Heiden radod korktas arvostadihe Vengrias, Suomes i Estonias.

Panend tedoho

Ezmäižed tedotöd om omištadud venän paginoile, slavilaižiden keliden fonetikale i indojevropalaižele akcentologijale, sidä kesken polestadud dissertacijan sijas ven.: «Севернокашубская система ударения»-kirj (1924), miččen korktas arvosti Antuan Meje. Nikolai Sergejevič Trubeckoi kirjuti, miše nece oppind om "ülilahjakaz, kacmata sihe, miše, voib olda, Bubrihan teorii pidab hül'gäita". Fail:D. V. Bubrikh - we remember and honor by Natalia Kolpakova 2020.webm Fail:Dmitry Bubrikh and Germanic substrate hypothesis 1926 part 2 by Germina Gordienko 2020.webm

1920.-voziden keskespäi hän täuzin zavodi oppida suomalaiž-ugrilaižid kelid (hän mahtoi pagišta läz kaikuččel); tegi ekspedicijoid Karjalaha, Mordoviaha i toižihe sijoihe. Tegi suren radon, miše säta suomalaiž-ugrilaižtedon kafedran Venämal i vaumištada neniden keliden tundijoid. Ühtni karjalaižiden, vepsläižiden, ižoralaižiden, mordvalaižiden, udmurtilaižiden, marin, hantin da mansin rahvahiden kirjkelen sündundaha. Necil aigal hän kirjuti karjalan, erz'a-mordovan i komin i toižiden keliden grammatikoid, a mugažo töid "Kalevalan" sündundas.

Pagištes suomalaiž-ugrilaižiden keliden heimos, Dmitrii Vladimirovič Bubrih kingiti hoimaičusen sijaližihe faktoihe.

Pauklahjad

• Radon Rusttan flagan orden (10.06.1945).

Päpainused

• Финно-угорское языкознание в СССР. — Ленинград: Академия наук СССР, 1928.
• Карелы и карельский язык. — Москва: Мособлисполкома, 1932.
• Грамматика карельского языка. — Петрозаводск: Б. и., 1937. — 80 с.
• Эрзя-мордовская грамматика-минимум. — Саранск, 1947.
• Историческая фонетика удмуртского языка (сравнительно с коми языком). — Ижевск: Удмуртгосиздат, 1948. — 112 с.
• Историческая фонетика финского-суоми языка. — Петрозаводск, 1948. — 232 с.
• Грамматика литературного коми языка. — Ленинград, 1949. — 199 с.
• Историческая грамматика эрзянского языка. — Саранск: Мордовское книжное изд-во, 1953. — 271 с.
• Историческая морфология финского языка. — Москва, Ленинград: Акад. Наук СССР, 1955. — 187 с.
• Диалектологический атлас карельского языка. — Хельсинки, 1997.
• Прибалтийско-финское языкознание: избранные труды. — СПб., 2005. — 380 с.

Literatur

• Известия Карело-Финского филиала Академии наук СССР. — Петрозаводск: Карело-Фин. филиал Акад. наук СССР, 1890—1949.;
• Дмитрий Владимирович Бубрих. — Петрозаводск, 1961. — 3-9 с.;
• Д. В. Бубрих как исследователь финно-угорских языков (К 70-летию со дня рождения). — 1962.;
• Дмитрий Владимирович Бубрих (1890—1949): Очерк жизни и деятельности. — Ленинград: Наука, 1975. — 122 с.;
• К 100-летию со дня рождения Д. В. Бубриха. — СПб.: Наука, 1992. — 128 с.;
• Карелия: энциклопедия: в 3 т. — Петрозаводск: ИД «ПетроПресс», 2007.