Blinnikov Sergei Petrovič

<table class="infobox infobox- " style="" data-name="Valdmez'" itemscope itemtype="http://schema.org/Person">Blinnikov Sergei Petrovič

Blinnikov Sergei Petrovič (ven.: Бли́нников Серге́й Петро́вич, ) om sovetskii da venälaine valdmez' da elomišton aktivist, Karjalan ministroiden nevondišton pämez', Federacijan nevondišton I kucundan deputat (1994—1996), Karjalan rahvahaližen elomišton arvostadud radnik (1995).

Elostarin

Lopi Petroskoin avtoteopišton vodel 1964. Jäl'ghe službad armijas radoi masteran, inženeran Täžbumaš-zavodal.

Vozil 1970—1980 oli inženeran, päinženeran, Petroskoin promtavaroiden azjmehištoiden kombinatan pämez'. Vozil 1980 oli Petroskoin Leninan rajonižen nevondišton tegiikomitetan pämez'.

Vodel 1978 lopi Petroskoin valdkundaližen O. V. Kuusinenen nimel universitetan sauvondan tedokundan, vodel 1984 Piterin Ülembaižen partijan školan da vodel 1990 SSSRan Ministroiden nevondišton Rahvahaližen elomišton akademijan.

Vozil 1985—1988 oli Karjalan ASSRan kodiholitusiden slušban ministr, vozil 1988—1989 — Karjalan kodiholitusiden slušban tahotegendan ühtištusen pämez'.

Tal'vkus vodel 1989 om pandud Karjalan ASSRan Ministroiden nevondišton ohjandajaks. Oli radsijal valdkundan valdmehišton reformahasai, mitte oli heinkus vodel 1994.

aigan, sanui, miše voib hondoin, pučihe paginaspäi vestišton radnikoidenke. Möhemba televidenijal tugezi RSFSRan ohjanduzkundad.

Voden 1993 redukun krizisan aigan libui Karjalan ASSRan Ülembaižen nevondišton pätandan vasthapäi, mitte sudi prezidentad Jel'cinad federaližen Ülembaižen nevondištoho kactes. Blinnikov lugi, miše nece pätand "telustab valdkundan eläjiden sanavaldale da sirdäb avoinridaha prezidentanke" da pöl'gästoti lopta radod parlamentarijoidenke, ku hö ei kackoi sidä pätandad udes da ei zavodigoi pätta ekonomikan problemoid.

12. tal'vkud vodel 1993 om valitud Federacijan nevondišton I kucundan deputataks (Karjalan kahtenmandatižen valičendan ümbruzkundandadme № 10). Mülüi b'udžetan, finansoiden, val'utan da kreditan ohjandusen, rahaemissijan, nalogpolitikan da manröunohjandusen Federacijan nevondišton komitetaha.

Ezmäižil ühthižrahvahaližil Karjalan pämehen valičusil vodel 1994 pučihe voibištelendaspäi Viktor Stepanovan polhe, mitte oli valitud al'ternativitoman pohjal.

Jäl'ghe sidä, kut lopi radon Federacijan nevondištos vilukus vodel 1996, hän lopi i politik- da valdkundališt radod.

Pauklahjad

• Karjalan rahvahaližen elomišton arvostadud radnik (1995);
• Karjalan kitändkirjeine (2015);
• medalid.

Literatur

• Народные избранники Карелии: Депутаты высших представительных органов власти СССР, РСФСР, РФ от Карелии и высших представительных органов власти Карелии, 1923—2006: справочник / авт.-сост. А. И. Бутвило. — Петрозаводск, 2006. — 320 с.
• Карелия: энциклопедия: в 3 т. / гл. ред. А. Ф. Титов. Т. 1: А — Й.. — Петрозаводск: ИД «ПетроПресс», 2007. — С. 167—400. — .

Lähtked

• Блинников Сергей Петрович