Bel'akov Aleksandr Sem'onovič

<table class="infobox infobox- " style="" data-name="Valdmez'" itemscope itemtype="http://schema.org/Person">Aleksandr Sem'onovič Bel'akov

Aleksandr Sem'onovič Bel'akov (ven.: Алекса́ндр Семёнович Беляко́в, ) — venälaine valdmez', politikmez' da elomišton radnik, Rossel'hozbankan ohjanduzkundan varapämez' (vodelpäi 2006), "Vartemäki"-organizacijan pämez' i sen pämehiden nevondišton pämez' (vodehesai 2025).

Elostarin

Aleksandr Bel'akov om sündunu 20. semendkud vodel 1945 Karjalan Sortavala-lidnas.

• Vodel 1963 lopi Petroskoin raudtetehnikuman.
• Vodel 1979 lopi Leningradan man elomišton institutan "inžener-mehanik"-specialižuden mödhe.
• Vodel 1979 händast oigetihe radmaha Leningradan agjan Sin'avinon lindkompleksaha.
• Vodelpäi 1980 — Leningradan agjan "Zavodskaja"-lindfabrikan pämez'.
• Vozil 1984—1990 — lindfabrikan pämez' Leningradan agjan Viborgan rajonas. KPSSan ühtnik (voden 1991 elokuhusai).
• Vodel 1990 tegihe Leningradan agjan nevondišton deputataks i varapämeheks.
• Vodel 1991 om pandud Leningradan agjan administracijan pämeheks.
• Venäman Federaližen ištundan Federacijan nevondišton I i II kucundan ühtnik.
• Vodel 1996 hänen kandidatur oli Leningradan agjan gubernatoran valičusil, no händast ei valitud.
• Voden 1996 tal'vkuspäi voden 1997 sulakuhusai — stats-sekretar' — Venäman man elomišton da sömtavaroiden varaministr.
• Voden 1997 semendkuspäi vodehesai 1998 — "SBS-Agro"-bankan öbokan territorijan ohjanduzkundan pämez'.
• Voden 1998 heinkuspäi — ven.: «Петродворцовый часовой завод»-organizacijan pämez'.
• Vozil 1999—2005 — Valdkundaližen Duman londuzvaroiden da -kävutandan komitetan pämez'.
• Sulakus vodel 2005 jäti valdkundaližen Duman deputatan radsijan, mandat oli anttud Konstantin Šipunovale.
• Vozil 2005—2006 — Venäman parlamentan luguerišton auditor, tarkišteli valdkundan omištusen privatizacijan, lugendan da ohjandusen küzundoid.
• Vodelpäi 2006 — ohjanduzkundan varapämez'.
• Oli "Piterin auditoran palatan" prezidentan da Venäman mönd-tegeližen palatan mecan elomišton i mectegeližuden kehitoitusen komitetan pämehen.
• Oli "Vartemäki"-organizacijan pämez' i sen pämehiden nevondišton pämez' (jäti pämehen radsijan kül'mkus vodel 2025).

Kanz

• Ak — Antonina Borisovna.
• Poig — fermer.
• Tütär — buhgalter.

Pauklahjad da arvnimed

• IV stepenin "Arvtegoiš Kodiman edes"-orden;
• Arvostusen orden (26. kezakud vodel 1995) — arvtegoiš valdkundan edes, satusiš rados, sures panendas sebruden vahvištoitandaha, rahvahiden ühthižradho da ristituiden kaičuztegoihe;
• Venäman prezidentan kitändkirjeine (12. elokud vodel 1996) — aktivižes ühtnendas Venäman prezidentan valičendakcijan vaumištandaha da tegemižehe vodel 1996 году;
• varan kapitan;
• Leningradan agjan arvokaz eläi-arvnimi (3. sulakud vodel 2022).

Lähtked

• Беляков Александр Семёнович
• Беляков Александр Семёнович — биография