Šujan külä (Karjala)
.svg)
Šujan küläkund (ven.: Шуйское сельское поселение) — municipaline ühtnik Karjalan Tazovaldkundan Änižröunan (Änižrandan) rajonas. Administrativine keskuz om Šui-žilo.
Pämez' — Anastasija Sokolova vn 2015 sügüz'kuspäi[1], hänen valdatusiden strok om viž vot. Edeline küläkundan pämez' oli Tat'jana Kačalkina (2011−2015).[2]
Geografijan andmused
Küläkund sijadase rajonan lodehes, röunatab Petroskoinke suves. Ukšjärv (ven.: Укшозеро, 44 km²) Surgub-lahtenke mülüb küläkundha läz täuzin. «Kol-trass» i «Petroskoi — Kondopog»-raudtekeskust läbitadas küläkundad suvespäi pohjoižhe.
Eländpunktad
Kaik kümne eländpunktad sijadasoiš küläkundan territorijal — 3 žilod i 7 küläd:
- Besovec, külä
- Careviči, külä
- Karjalaine Külä, žilo
- Kosalm, külä
- Matkači, külä
- Namojevo, külä
- Šui, žilo — administrativine keskuz
- Šujan Čup, külä
- Šujan stancii, žilo
- Verhov'je, külä
Eläjad
Vn 2010 kaiken Venäman rahvahanlugemižen mödhe küläkundan eläjiden lugu oli 3 230 ristitud. Vl 2018 sen ristitišt oli 3 964 eläjad.[3]
Homaičendad
- ↑ 13. sügüz'ku 2015: Šujan küläkundan pämehen valičendad, andmused kandidatoiš. — Karel.vybory.izbirkom.ru. (ven.)
- ↑ 24. sulaku 2011: Šujan küläkundan pämehen valičendad, andmused kandidatoiš. — Karel.vybory.izbirkom.ru. (ven.)
- ↑ Venäman municipaližiden ühtnikoiden ristitišton lugu vn 2018 1. päiväl vilukud. — Gks.ru. (ven.)
Irdkosketused
- Šujan küläkundan sait (shuya-official.ru). (ven.)
- Küläkund Änižröunan rajonan tobmuden prionego.ru-saital. (ven.)
Skriptitõrge: Moodulit "Navbox" pole. Leheküljel Šablon:Modul':Significance/styles.css puudub sisu. Skriptitõrge: Moodulit "Unsubst" pole.