Voinic-jogi

<table class="infobox infobox- " style="" data-name="Jogi" >Voinic-jogi Kumi-vezilanktuz Voinic-jogel

Voinic-jogi (ven.: Войница (река)) — jogi om Karjalan pohjoižes, jokseb Kalevalan rahvahaližen rajonan madme, üks' Kem'-jogen purtkišpäi (Vauktan meren bassein).

Jogensu om Alajärvi-järv, Suomes, kilometras venä-suomen manröunaspäi. Jokseb päliči äjiš järviš, erased niišpäi: Ketojärv, Šuri-Pirtijärv, Vinijärv, Kotijärv, Polijärv (Muri-Mägijärv-järven ližavedenke), Kangaz'järv, Koko-järv. Valase Ridalakši-järvehe, kudamb ühtenzoitase Ulähäine Kuito-järvenke sal'mel[2].

Jogen sömine om lumesine da vihmasine. Flor da faun om kut i toižil Karjalan jogil.

Jogen randal om vaiše Voinic-külä.

Voinic-jogen ližaveded:

• Кuržma (oiged, valase 0,7 km Voinic-jogensuspäi)
• Аhven (hura, valase 16 km Voinic-jogensuspäi)
• Krivaja (oiged, valase 56 km Voinic-jogensuspäi).

Laivad jogedme ei ujugoi. Jogen joksmusen korktuz' Ala-järvespäi Ülähäine Kuito-järvehesai om 128,4 m. Ülähäižes joksmuses om vähävezine. Suremb jogen pala om «sisteman» taga. Sportsplav voib tehta Koko-järven da Ulähaine Kuito-järven keskes (jogen joksmusen korktuz' sid' - 62 m). Splaval paremba ujuda kajakil vai katamaranoil.

Jodel om äi šiveroid, koskid, koskid-vezilanktusid. Kaikid surembad oma:

• Koko-kosk;
• Kumi-vezilanktuz — 6 k.s., lanktusen korktuz' om 13,6 m.
• Таival — 4 k.s.

Splav jodel paremb tehta, konz om sur' vezi.