Vernadskii Vladimir

<table class="infobox infobox- " style="" data-name="Personalii" >

Vladimir Ivanovič Vernadskii (ven.: Владимир Иванович Вернадский, ukr.: Володимир Іванович Вернадський; sünd. 28. uhoku 1863, Piter, Venäman imperii — kol. 6. viluku 1945, Moskv, NSTÜ) oli nevondkundaline (venälaiž-ukrainalaine) filosof, tedomez' da kundanšingotai. Ukrainan tedoakademijan üks' alusenpanijoišpäi, Piterin tedoakademijan akademik. Stalinan premijan laureat (1. mär).

Om tetab kut noosferan, biogeohimijan teoretik. Geologižed tedod, filosofii i tedon istorii mülüiba hänen tedomel'hetartusen renghaze.

Biografii

Tuleban aigan tedomez' oli sündnu valdkundmehen kanzha Piteriš. Ivan-tat oli kozakoiden augotižlibundal i radnikoiči südäiazjoiden ministruses, mugažo radoi ekonomikan opendajan. Anna Konstantinovič-mam libui venän bajarišton perehespäi. Vladimir Vernadskii oli Venäman Vladimir Korolenko-kirjutajan trojurodnii vell'.

Vll 1868−1876 Vernadskijoiden kanz eli Har'kovas Piterin sättumatoman klimatan tagut. Vozil 1881−1885 Vladimir vaumiči Imperatorižen Piterin universitetan fiziž-matematišt fakul'tetad, londuseližiden tedoiden palakund. Openui röunan taga severz'-se vozid, sirdi Moskvha i vll 1890−1898 radoi sen Imperatorižen universitetan kristallografijan i mineralogijan kafedran privatdocentaks, sid' professoraks vhesai 1911. Tedoradoiden da openduzkirjoiden tegii kristallografijas i mineralogijas, vaumiči openikoiden-mineralogoiden kaks' kümenikad.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.