Verdi Džuzeppe

<table class="infobox infobox- " style="" data-name="Personalii" >

Džuzeppe Fortunino Frančesko Verdi (ital.: Giuseppe Fortunino Francesco Verdi; sünd. 10. reduku 1813, Le Ronkole-külä läz Busseto-lidnad, Lombardii, Ezmäine Francine imperii — kol. 27. viluku 1901, Milan, Italii) oli italine muzikankirjutai, italižen operan školan kaikiš järedamb ezitai.

Verdi sädi 26 operad, rekviem, jändekvartet i hengeližiden p'jesiden rivi. Hänen parahimad operšedevrad oma kaiken mail'man teatriden repertuaras: Maskaradbal, Rigoletto, Torvenvändai, Traviata. Sädamižen pä om jäl'gmäižed operad: Aida, Otello, Fal'staf.

Biografii

Mez' oli sündutadud külän traktiran Karlo Verdi-pidajan i Luidža Uttini-kezerduznaižen goll'hä kanzha. Lähižen Busset-lidnan Antonio Barecci-torgovan homaiči prihan lahjakahut. Kümnevoččen Verdi zavodi muzikopendust Bussetos. Ühtni organan vändho kodikülän jumalanpertiš alaigäčun. Napri jätkta opendust Milanan konservatorijas 18-voččen, no ei otkoi sihe «vändan fortepianol madalan tazopindan i igän röunadusiden tagut». Barecci-torgovan oti mest opendajaks ičeze Margarita-tütren täht, i pigai Verdi oti Margaritad akaks.

Lavastadud Milanan «La Skala»-teatras kahtenz' «Nabukko»-oper (Navuhodonosor) toi muzikankirjutajale tetabut Evropadme.

Kanz

Muzikankirjutajan kaks' last koliba vagahaižil, ezmäine ak koli encefalitaspäi ezmäižen «Kunigaz časuks»-operan (Un giorno di regno) kirjutandan aigan. Toine ak oli sopranon Džuzeppina Strepponi-pajatai, Verdi eli hänenke 38-voččes igäspäi üks'toštkümne vot edel naindad.

Mušt

• Merkurijan krater om nimitadud muzikankirjutajan muštoks.