Valentina Vasiljevna Lebedeva
<table class="infobox infobox-Skriptitõrge: Moodulit "Hash" pole. " style="" data-name="Personalii" >Valentina Vasiljevna LebedevaSkriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole. Skriptitõrge: Moodulit "CategoryForProfession" pole.Skriptitõrge: Moodulit "Wikidata/category" pole.
Valentina Vasiljevna Lebedeva (ven.: Валентина Васильевна Лебедева)[1], om sündunu 01. keväz'kud vodel 1953 Mäggär'-külähä Podporožjen rajonas Piterin agjas) — vepsläine kirjutai, runoilii, vepsän kelen da fol'kloran tundii, aktivist.
Elostarin
Valentina Lebedeva om sündunu vepsläižehe kanzaha Mäggär'-külähä Podporožjen rajonas Piterin agjas. Tatoi oli geologan, mamoi radoi kolhozas. Val'an kanz oli vepsläine. Händast kazvati baboi, Jevdokija Ivanovna Bulatova. Valentina penespäi kuli paginoid, sarnoid, pajoid da elon azjoid vepsän kelel. Hän paksus küzeli babal külan elon polhe, kanzan istorijan polhe, a babam suren tahtonke starinoiči, kut ende eletihe. Penespäi Valentina pagiži vepsän kelel.
Ezmäižehe klassaha Valentina mäni Mäggärehe da openzihe nel'l' vot. Videndehe klassaha hän mäni opendamhas Järv-külähä. Järviš hän openzihe kahesandehe klassahasai, a jäl'ges päzui opendamhas Vidlan školaha da lopi sigä školopendust. Hän navedi opetas i openzihe školas hüvin.
Jäl'ges školad päzui opendamhas Piterin Učetno-kreditnijaha tehnikumaha, loptes mittušt radoi bankas.
Piteriš Valentina oli männu mehele i hänel vodel 1975 om sündunu poig.
Vodel 1979 Valentina Vasiljevna radoi projektoiden institutas inženeran-smetčikan. Jäl'ges hän openzihe ekonomistaks da radoi päbuhgalteran.
Elädes lidnas hän kaiken holdui vepsän keles da sen tulijas aigas. Vodel 2004 Piteriš tehtihe kundaline «Piterin vepsläine sebr»-organizacii, miččen vice-prezidentan tegihe Valentina Vasiljevna. Internetas hän tegihe «Vepsän röun»-gruppan azjohjandajan. Gruppaha om ühtnu äi lugijoid. Valentina Vasiljevna hüvin mahtab rata Internetas i löudab da kirjutab äi temoid vepsläižiden kul'turas, elos da keles.
Vodel Valentina Vasiljevna pördihe kodikülhä, eläb Kurbal da kaičeb vepsan kel’t da kul’turad.
Sädairad
Vodel 2012 om paindud ezmäine vepsänkeline Valentinan Lebedevan «Lendi linduine»-kirj. Se oli tehtud vepsläižiden kirjutajiden kongressaks, mitte om männu Vologdas.
Vodel 2015 läksi «Čudokaz rahvahaz»-kirj, miččehe om keratud Valentinal kirjutadud runoid da sanutesid da ližatud rahvahalpäi keratud fol'klorad. Se om tehtud kahtel kelel: vepsäks da venän kelel.
Vodel 2016 tuli eloho koumanz' hänen kirj «Mäggär'-külän vepsläižed — Panfilkad Miškinaspäi». Sihe om keratud istorižid tedoid , fotokuvid da dokumentoid Mäggär'-külän polhe.
Muga Valentina Vasiljevna eläb i kaičeb vepsan kel’t da kul’turad, kudamb om kalliž hänen hengele. Todeks sanuda, ka Vepsän mal ei ole enamb mugošt ezitatoiden kelen da kul'turan kaicijad[2].
Pauklahjad
- RSFSRan Rahvahan openduzministerstvan kitändkirjeine (1989).
- Piterin agjan pämehen kitändkirjeine (1997).
- Piterin ahjan Üleižen da tedomahtoižen openduzkomitetan kitändkirjeine (2007).
- Podporožjen rajonan arvostadud eläi (2023)[3].
Bibliografii
- Лебедева, В. В. Вепсская кухня. История. Традиции. Рецепты блюд / Валентина Васильевна Лебедева. – Воронеж: ООО Фаворит, 2018. – 120 с.
- Лебедева, В. Вепсы: этнографические заметки / Валентина Лебедева. – СПб.: Нестор-История, 2018. – 184 с.
- Лебедева, В. Вепсы деревни Мягозеро – Панфилки из Мышкина / Валентина Лебедева, Сергей Степанов. – Подпорожье, 2016. – 147 с.
- Лебедева, В. Стихи / Валентина Лебедева // Kodima. – 2011. - №9. – С.7.
- Лебедева, В. Читаем по-вепсски / В. Лебедева // Винницы / сост. В.В. Лодыгина. – Подпорожье, 2010. – С. 16-17.
- Лебедева, В. Tün’ heläidus. Тихий звон. Varu. Страх / В. Лебедева // Голос Севера: Сборник произведений участников Второго литературного конкурса «Голос Севера» / Общероссийская Ассоциация коренных малочисленных народов Севера, Сибири и Дальнего Востока Российской Федерации; ред.-сост. Вейсалова Нина Глебовна (и др.). СПб.: Президентская библиотека, 2019. – С. 24-207.
Literatur
- Васильев, П. Магия родных слов / Пётр Васильев // Kodima. – 2015. – №7. – С. 7.
- Викторова, Р. По зову сердца / Р. Викторова // Свирские огни. – 2013. – 21 марта. – С.3.
- Лодыгина, В. Кладезь вепсского языка / Вера Лодыгина // Свирские огни. – 2015. – 17 июля. – С. 10.
Homaičendad
Skriptitõrge: Moodulit "Check for unknown parameters" pole.
Tarkendused
| Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
Leheküljel Šablon:Modul':Significance/styles.css puudub sisu. Skriptitõrge: Moodulit "Unsubst" pole.