Ustüžn

<table class="infobox infobox- " style="" data-name="El6ndtaho" >

Ustüžn (ven.: У́стюжна) om Venäman lidn da lidnankund Vologdan agjan suvipäivlaskmas. Se om Ustüžnan rajonan administrativine keskuz.

Istorii

Eländpunkt mainitase kirjutadud purtkiš ezmäižen kerdan vl 1252 kuti Raudaine Ustüg (ven.: Устюг-Железный) lidnan statusanke. 16. voz'sadan lopuspäi sen nimi kätihe nügüdläižikš: Ust'-Ižin — Ustüžn vai Ustüžn Železnopol'skai.

Ustüžnan ižandusen päsarakod oma sömtegimišt (leibtegim, maidtegim, etilspirtan tegim) da sauvondmaterialiden pästand (raudbetontegesed).

Geografijan andmused

Lidn sijadase Molog-jogen molembil randoil (oiktal randal tobjimalaz) da sen oiktan ližajogen — Ižinan jogensun randoil (ven.: Ижина 43 km pitte, Volgan bassein), 120 m ü.m.t. keskmäižel korktusel. Matkad Vologdhasai om 244 km päivnouzmha avtotedme. Lähembaine järed lidn om Čerepovec sil-žo tel.

Lähembaižed raudtestancijad sijadasoiš Ves'jegonsk-lidnas (Tverin agj) 58 km suvipäivnouzmha avtotedme, Sandovo-žilos (Tverin agj) 45 km suvhe avtotedme i Pestovo-lidnas (Uz'lidnan agj) 56 kilometras suvipäivlaskmha avtotedme.

Ustüžn om lidnankundan üks'jäine eländpunkt.

Eläjad

Vn 2010 Venäman rahvahanlugemižen mödhe eläjiden lugu oli 9 452 ristitud, rajonan ristitišton pol'. Kaikiš suremb ristitišt oli 10,5 tuh. eläjid vll 2002−2003. Lidnan ristitišt oli 8 712 eläjad vl 2017.

Ortodoksižen hristanuskondan üks'toštkümne pühäpertid om saudud lidnas, niiden kesken Jumalanmaman Sündundan päjumalanpert' (letihe vll 1685−1690), seičeme jumalanpertid i koume časounäd.

Politehnine tehnikum om lidnan specialižen keskopendusen aluzkundaks.

Galerei

• 
  Ustüžnan i Čagodoščan rajoniden sodakomissariat (2017)
• 
  Jumalanmaman Sündundan päjumalanpert', vn 2017 nägu
• 
  «Revizor»-adivpert' vl 2020
• 
  Ustüžnan kul'turkeskuz (2017)
• 
  Avtotesild Mologas päliči vl 2012

Irdkosketused

• Ustüžn-lidnan Administracijan da Nevondkundan oficialine sait (admgorust.ru). (ven.)
• Ustüžnan kodirandantedištandmuzejan sait (ukm35.ru). (ven.)