Uoker Pol

<table class="infobox infobox- " style="" data-name="Personalii" >

Pol Uil'jam Uoker IV (angl.: Paul William Walker IV; sünd. 12. sügüz'ku 1973, Glendeil (Kalifornii), AÜV — kol. 30. kül'mku 2013, Santa Klarit, Kalifornii, AÜV) oli tetab amerikalaine akt'or da model'.

Biografii

Oli sündnu vl 1973 Kalifornijha, irlandijalaiž-amerikalaižhe kanzha. Openzihe Hristanuskondaližes školas San Velliš, i edelespäi — Kalifornijan kolledžas (meribiologaks), no jäi opendusen kinočomamahtha tartten melel.

Ezmäine rol' «sures kinos» oli Bennettan-"professoran" rol' «Monstr škapaspäi»-fil'mas (1986). Hänen kaikiš tetabamb kinomel'kuva — O'Konnoran Brajanan rol' Forsaž-fil'mfranšizas, kudamban täht hän om fil'mdanus vozil 2000 — 2013.

Uokeran Polan sebranikad — «Forsaž 5 (Viž heredad)»-fil'man akt'orad, huralpäi oiktale: Duein Džonson, Ludakris, Džordana Brüster, Vin Dizel', ičeksaz.

Vl 2013 kül'mkun 30. päiväl Pol pölištui avtokatastrofas, sebranikan avtos. Hänelpäi jäi tütär Midou Rein.

Fil'mografii (serialoid da massižid scenoid lugemata)

• «Monstr škapaspäi» (1986) — Bennett-professor
• «Programiruitud kačustamha» (1987) — Džeison
• «Tammi da dinozavr» (1994) — Maikl
• «Vastagat Didlad» (1998)
• «Plezantvill'» (1998)
• «Üläopenikoiden jouk» (1998)
• «Se om kaiken hän» (1998)
• «Pämall'ad» (2000)
• «Forsaž 1» (2001) — Brajan O'Konnor
• «Džoi-raid» (2001)
• «Om-ik elonhama, ku oled tetab» (2002)
• «Virita turbokompressor» (2003)
• «Forsaž 2» (2003) — Braian O'Konnor
• «Aigan ridaižes» (2003) — Kris Džonsson
• «Noel'» (2004) — Maik Raili
• «Tulgat tervhin raihu!» (2005) — Džared
• «Jokse murči-märči» (2005) — Džoui Gazell
• «Vauged plen» (2006) — Džerri Šepard
• «Meiden tatoiden flagad» (2006) — Henk Henson
• «Podstav» (2006) — Tim Kirni
• «Amerikan istorijad» (2007) — Maiki
• «Rajun projekt» (2008) — Ben Garvi
• «Forsaž 4» (2009) — Braian O'Konnor
• «Unešlägad» (2010) — Džon Rouvei
• «Forsaž 5» (2011) — Braian O'Konnor
• «Lugetud časud» (2013) — Holan
• «19. tačk» (2013) — Maikl Vuds
• «Forsaž 6» (2013) — Braian O'Konnor
• «Lombardan hronikad» (2013) — Rou Dog
• «Savičerižpertid» (2014)
• «Forsaž 7» (2015) — Braian O'Konnor

Mel'hetartujad faktad

• Uokeral oli braziližen džiudžicun purpurvö.
• Hänel jäi kaks' velled (Kaleb i Kodi) da kaks' sizared (Ešli i Emi). Kaleb- da Kodi-velled vajehtiba kolnut vellid «Forsaž 7»-fil'man fil'mdandan aigan severziš scenoiš. Se linni heiden debüt kinos.

Irdkosketused

• Uoker Pol „Internet Movie Database“-saital  (angl.)
• Uoker Pol „KinoPoisk“-saital (ven.)