Užgorod
<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.
Užgorod (ukr.: Ужгород, mad'j.: Ungvár, rom.: Ujhorod, jidiš: אונגװיר) om Ukrainan lidn valdkundan päivlaskmas. Se om Karpatantagaižen agjan administrativine keskuz da kaikiš suremb lidn.
Istorii
Eländpunktan aluz om pandud slavilaižiden ühtel heimoišpäi kuti lidnuz 9. voz'sadal. Sen-žo voz'sadan lopus mad'jaralaižed otiba lidnust vägel, i nimitihe lidnad Ungvar:aks («Ung-lidnuz») Ezmäižhe mail'man sodahasai, sid' nügüdläižikš. Raudte ühtenzoiti Čop-stancijanke vl 1872. Lidn om Ukrainan palaks vn 1945 kezakuspäi.
Užgorod šingotase torguindal i turizmal valdkundröunanno, elektroladimišton pästandal i mašinansauvomižel (avtoiden palad), meblin tehmižel i punümbriradmižel, omblendfabrikal, jomiden edheotandal, parfümerijan kompanijal.
Geografijan andmused
Lidn sijadase agjan päivlaskmas, Slovakijan röunanno, Už-jogen randoil, 105..224 m korktusil, 120 m ü.m.t. keskmäižel korktusel, Karpatoiden ezimägištol. Matkad Kijevhasai om 785 km päivnouzmha-pohjoižpäivnouzmha.
Eläjad
Vl 2015 eläjiden lugu oli 115,5 tuhad ristituid. Vll 1989−2015 lidnan ristitišt vajehtihe 115..117 tuhad röunoiš (126,5 tuh. rist. vl 1998).
Rahvahad (2001): ukrainalaižed — 77,8 %, venänikad — 9,5 %, mad'jaralaižed — 7,0 %, slovakalaižed — 2,2 %, toižed rahvahad — 3,5 %.
Užgorodan nacionaline universitet radab lidnas (alusenpanend 1945).