Tervhuz'radnikan päiv

Kodvdud kirjutez

<table class="infobox infobox- " style="" data-name="Praznik" >Tervhuz'radnikan päiv

Tervhuz'radnikan päiv (venäks День ме́дика) — professionaline praznik neniden ristituiden täht, ked radaba Venämal tervhuden alovehes, se praznuitas kaikuččen voden kezakun koumandel pühäpäiväl Venämal, Belorussian, Kazahstanas, Armenijas, Latvias, Moldovas. Toižiš valdkundoiš (SSSRan Valdkundadoiš) nece praznik praznuitas toižil päivil: Litvas (vodelpäi 2001 — 27. sulakud), Ukrainal (vodelpäi 2023 — 27. kezakud), Kirgizstanas (kezakun ezmäižel pühäpäiväl), Azerbaidžanas (vodelpäi 2001 — 17. kezakud), Tadžikistanas — 18. kezakud).

Istorii

Sovetskijas Sojuzas vodelpäi 1950 praznik oli oficialižetoi. Oficialižesti Tervhuz'radnikan päiv oli vahvištoitud SSSRan Ülembaižen Nevondišton prezidiuman käsköl 10. tal'vkud vodel 1965. Toižiden lähtkiden mödhe nece oli SSSRan Ülembaižen Nevondišton Prezidiuman käsk №3018-Х redukun 1. päiväspäi voden 1980 «Praznikpäiviš da muštpäiviš», redakcijas SSSRan Ülembaižen Nevondišton Prezidiuman käsk №9724-XI kül'mkun 1. päiväspäi voden 1988 «Vajehtusiš SSSRan zakonkogomusehe praznik- da muštpäiviš». Jäl'ges SSSRan murendad professionaline praznik da sen verod kaičihe. Tervhuz'radnikoiden päiv se praznuitas kaikuččen voden kezakun koumandel pühäpäiväl.

Fail:The Soviet Union 1966 Illustrated stamped envelope Medical Worker's Day.jpg

Počtkirjeiženkor', mitte om paindud praznikpäiväks, 1961 voz'

Tradicijad

Tervhuz'radnikoiden päiväl Venäman regionoiš mäneba: praznikkoncertad, tervhuz'kaičendan radnikoiden pauklahjoičend (paznikoloiš tervhuz'radnikoile lahjoitas kitändkirjeižed, diplomad, da valdkundaližed arvznamad, anttas da nimed).

Tervhuz'premii «Kucmuz»

Venämal vodelpäi 2001 tervhuz'radnikoiden päiväks joga voden anttas Kuzmuz-pätervhuz'premijan, projektan todenzoitab Ezmäine kanal da Venäman tervhuden da socialižen kehitoitusen ministerstv (vodelpäi 2012 Venäman tervhuz'kaičendan ministerstv). Jäl'gmäižiš 10 vodes Premijan laureatoikš tegihe läz 350 lekar'ad Venäman erazvuiččiš regionoišpäi.

Rahvahaline Kuzmuz-premii

Tervhuz’radnikoiden bal

Tradicijan mödheTervhuz’radnikan päiväks Moskvas kaikuččen voden pidetas Tervhuz’radnikoiden bal (sadud rahoiden pala oigetas hüväntegijan fondoihe). Erazvuiččiden special’nostiden tetabad lekarid da Venäman Tervhuden kaičendministerstvan ezitajad ühtneba sihe. Balad tradicijan mödhe kaikuččen voden avaidaba deb’utantad — 22 parad parahimid üläopenikoid Venäman tervhuz’universitetoišpäi. Azjtegon pohjaze om pandud klassine , mitte oli modas carin Venämal.

Fail:Бал медиков.jpg

Jogavozne “Tervhuz’radnikoiden bal” Moskvas

Pirogovan orden

Tervhuz’radnikan päiväl 21. Kezakud vodel 2020 lekarid oli ezmäižen kerdan pauklahjoitud “Panendas koronavirusan COVID-19 infekcijad vasthapäi”, rohktudes da korktas professionalizmas, mitte oli ozutadud radon aigan”. Pauklahjoitud ristituiden keskes: stacionaroiden, poliklinnikoiden, laboratorijoiden, pigaližen tervhuz’abun stancijoiden, specializiruitud tervhuz’keskusiden da toižiden tervhuz’organizacijoiden radnikad.

Fail:Пермский край, врачи награды.jpg

Venäman president pauklahjoiči 59 Permin tervhuz’radnikoid Pirogovan ordenal da Luka Krimskijan medalil (21. Kezaud vodel 2020)

Venäman äjiš lidnoiš necil päiväl (libo kanman necidä päiväd) tehtas regionaližiden premijoiden pauklahjoičemine tervhuz’radnikoile. Ozutesikš, vodelpäi 2002 Sverdlovskan agjan tervhuz’radnikad kaikuččen voden ühtneba professionaližehe premijaha, miččen nimi om “Tervhuz’olimp”.

Venäman kaikiš regionoiš necil päiväl (libo kanman necidä päiväd) pidetas erazvuiččed konferencijad, tedo-praktikseminarad da toižed azjtegod, miččiden abul voib vajehtadas mahtištol da ühtenzoitta venälaižid da rahvahidenkeskeižid tervhuz’radnikoid.

Melentartuižed toziazjad

• Terhuz’radnikan sobad oli tehtud XIX voz’sadal. Anglialaine lekar’ Džozef Lister sanui, miše vauktal mujul lujas hüvin näguse redu, sikš kaikuččele lekarile pidab panda päle vauktan halatan sanitarijan täht.
• Amuižgrekalašt Gippokrat-lekarid nimitadas “tervhuz’tedon tataks”.
• “Gippokratan vahv sana”-originaližen tekstan kändand venän kel’he om lujas jüged. Sikš sidä vajehtihe — ottihe päsändod. Tekstan änestab tervhuz’organizacijoiden kaikutte pästnik.
• Ühtel aigal Tervhuz’radnikan päiväl äjiš mirun valdkundoiš praznuitas Rahvahidenkeskeine lekarin päiv, mugažo konkretižiden special’nostiden professionalized praznikad: , , Mail’man travmatologan päiv da toižed. Venämal praznuitas lekariden-azjantundijoiden professionalized praznikad: Fel’dšeran päiv, Neonatologan päiv, Pigaližen tervhuz’abun radnikoiden päiv da toižed.