Sofokl

<table class="infobox infobox- " style="" data-name="Personalii" >

Sofokl (amuižgrek.: Σοφοκλῆς Sophoklēs [so.pʰo.klɛ̂ːs]; sünd. 497/496 edel m.e., Afinad, Amuine Grekanma — kol. 406/405 e.m.e. tal'vel, sigä-žo) oli Amuižen Grekanman tragedijoiden koumes kirjutajišpäi, kenen sädused oma eläbad meiden päivil-ki. Kirjuti amuižgrekan kelel.

Biografii

Sofokl oli sündnu Sofillan elokahaze kanzha, Afiniden Kolon-ezilidnha (nüg. mülüb lidnha). Prihastuses sai hüväd opendust. Vspäi 480 EME ühtni lidnan praznikoihe horan ohjandajaks. Tunzi Gerodot-istorikad.

Vl 440 EME lidnalaižed valitihe Sofoklad strategaks realistižen Antigona-tragedijan lavastusen jäl'ghe. Hänen Iofon-poig kändihe tragedijoiden kirjutajan mugažo.

Sädamine

Vodespäi 469 e.m.e. Sofokl kirjuti da lavasti 123 tragedijad Afiniden teatran täht, vaiše kahesa p'jesad jäihe meile täuzin: seičeme tragedijad da üks' satirine dram. Nimetomad biografijad kändihe sädusiden alusikš, biografijad oma kirjutadud edel tragedijan südäint tobman palan.

Kaikiš znamasižemb sädusiden nimikirjutez kaičese Florencijan kirjištos (С. Laurentianus, XXXII, 9).

Kaičenuded täuzin sädused

• «Trahinalaižed naižed» (läz 450−435 e.m.e.)
• «Ajaks» (mž. «Eant», «Kunutankandai») (kesked 450-nzid — 440-nzid vozid e.m.e.)
• «Antigona» (läz 442−441 e.m.e.)
• «Edip-car'» (vai «Edip-tiran») (läz 429−426 e.m.e.)
• «Elektra» (läz 415 e.m.e.)
• «Filoktet» (404 e.m.e.)
• «Edip Kolonas» (406 e.m.e., lavastuz: 401 e.m.e.)
• «Jäl'gen ecijad» (satirine dram, kirjutandan dat om tundmatoi)