Skovorodino

<table class="infobox infobox- " style="" data-name="El6ndtaho" >

Skovorodino (ven.: Сковородино) om Venäman lidn da lidnankund Amuran agjan päivlaskmas. Se om Skovorodinon rajonan administrativine keskuz da üks'jäine lidn.

Istorii

Eländpunktan aluz om pandud vl 1908 kuti Zmeinii-žilo (ven.: посёлок Змеиный) raudtestancijanno Transsibal. Vl 1909 udesnimitihe sidä, i vhesai 1911 žilon nimi oli Never-1. Vozil 1911−1938 eländpunktan nimi oli Ruhlovo, ühtenzoituzteiden Ruhlovan Sergein-ministran kanzannimen mödhe, hän ajeli žilho. Lidnanvuitte žilo sai lidnan statusad vl 1927. Om nimitadud nügüdläižikš vn 1938 16. päiväl tal'vkud žilon nevondkundan ezmäižen Afanasii Skovorodin-ezimehen mödhe, japonižed interventad amptihe händast vn 1920 uhokus.

Skovorodino šingotase transportsol'meks: raudtesol'm, «Päivnouzmaine Sibir' — Tün' valdmeri»-kivivoinveim.

Geografijan andmused

Lidn sijadase Sur' Never-jogen (Amuran hura ližajogi) randal, 400 m ü.m.t. keskmäižel korktusel. Matkad Kitain valdkundröunhasai om 60 km suvhe, Blagoveščenskhasai om 480 km suvipäivnouzmha orhal, 650 km raudtedme vai «Amur»-avtotedme. Lähembaine lidn om Tind 140 km pohjoižhe orhal, 185 km avtotedme vai raudtedme.

Pen' Lesnoi-žilo (ven.: Лесной, 332 rist. vl 2018) mülüb lidnankundha Skovorodinon ližaks. Lidnankundan pind — 740,84 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 9 564 ristitud, rajonan ristitišton koumandez. Kaikiš suremb lidnan ristitišt oli 14 100 eläjad vozil 1992−1996. Motoambujan sodajoukun lähtend kucui depopuläcijad.

Ortodoksižen hristanuskondan ph. Ondrii Ezikuctud-apostolan jumalanpert' i Illän Muromalaižen časoun' (2005) oma olmas lidnas.

Galerei

• 
  Nevondkundaline P36-puruvedim muštnikaks (2006)
• 
  Skovorodino-päraudtestancijan sauvuz vl 2010
• 
  Transsiban raudted lidnas (2019)

Irdkosketused

• Lidnan tobmuden aluzkundoiden oficialine sait (admskovorodino.ru). (ven.)
• Municipaližen «Skovorodino-lidn»-ühtnikan lehtpoled Skovorodinon rajonan tobmuden aluzkundoiden saital (skovorodino.ru). (ven.)