Sindi

<table class="infobox infobox- " style="" data-name="El6ndtaho" >

Vn 2012 lidnan kart

Sindi (mugažo estin kelel, saks.: Zintenhof) om Estinman lidn valdkundan suvipäivlaskmas, Pärnun pohjoižpäivnouzmaine ezilidn. Mülüb Pärnun makundha. Om Torin volostin palaks vspäi 2017.

Istorii

Nügüdläižen eländpunktan aluz om pandud vl 1833 radnikžiloks tekstil'fabrikanno. Raudteühtenzoituz om olmas vspäi 1928. Žilo sai lidnan statusad vl 1938. Vll 1957−1991 oli alištunu Pärnu-lidnan tobmudele oikti.

Sindi šingotase Pärnu-kurortan «magaduzsijaks». Pärnu-jogen padoseinän mantazolepanend zavodihe vn 2018 redukus i linneb vaumiž vodele 2021.

Geografijan andmused

Lidn sijadase Pärnu-jogen hural randal. Matkad Pärnu-lidnan röunhasai om 4 km suvipäivlaskmha kaikil teil. «Pärnu — Rakvere»-avtote i raudte oma saudud Pärnu-jogen oiktal randal, avtote ühtenzoitase Sindinke sildal.

Eläjad

Vn 2011 EÜ:n rahvahanlugemižen mödhe eläjiden lugu oli 4 076 ristitud. Kaikiš suremb ristitišt oli 4 548 eläjad vl 1989.

Rahvahad (enamba 0,4% vl 2011): estilaižed — 81,06%, venänikad — 14,84%, ukrainalaižed — 1,47%, suomalaižed — 0,81%, toižed rahvahad — 1,82%.

Galerei

• 
  Lidnan ohjastusen pert'
• 
  Ortodoksižen hristanuskondan jumalanpert' vl 2015
• 
  Sindin gimnazijan sauvused vl 2015
• 
  Lidnan muzei (2015)
• 
  Sindin raudtestancijan päsauvuz (2012)

Irdkosketused

• Lidnan oficialine sait (sindi.kovtp.ee). (est.)