Sastamal

<table class="infobox infobox- " style="" data-name="El6ndtaho" >

Sastamal (suom. i roč.: Sastamala) om Suomenman lidn valdkundan suvipäivlaskmas. Se om Pirkanma-agjan videnz' lidnankund 12:späi eläjiden lugun mödhe.

Istorii

Municipalitetan aluz om pandud vspäi 2009 lidnan statusanke, ühtištuihe Vammal-lidnad (suom.: Vammala) Äetsä- i Mouhijärvi küläkundoidenke. Kävutadas Karkku-municipalitetan znamad, mülütihe sidä Vammal-lidnha vl 1973. Lidnan nimituz libub tahondan Sastamall-nimespäi, mainitase Birger Maununpoja-kunigahan vn 1300 (vai 1303) kirjeižes. Kiikonen-municipalitet om lidnankundan palaks vspäi 2013.

Sastamal šingotase valdkundaližil i toižil holitišil (sauvusiden projektiruind), mašinansauvomižel (lämbituzsistemiden südäilaudad), plastik- i räzintegesiden edheotandal, mecan ümbriradmižel, kalaižandusel i maižandusel, niiden produkcijan ümbriradmižel. Kirjoiden päiväd i «Sastamala Gregoriana»-muzikfestival' oleskeldas lidnas.

Geografijan andmused

Lidn sijadase agjan suvipäivlaskmaiženno röunanno, Kokemäenjogen joksmusen zavodindanno (lankteb Botnižhe lahthe), Liekovezi- i Rautavezi-järviden randoil. Matkad agjan Tampereh-keskushesai om 49 km päivnouzmha-pohjoižpäivnouzmha, Hel'sinkihesai — 190 km suvipäivnouzmha avtotedme. Lähembaižed lidnad oma Huttinen (Sadakund) 25 km suvipäivlaskmha i Nokia 35 km päivnouzmha-pohjoižpäivnouzmha.

Vl 2020 lidnan ühthine pind oli 1531,75 km², sidä kesken kuivma 1429,04 km², vezi i sokaz ma otiba 102,71 nellikkilometrad.

Eläjad

Vl 1980 eläjiden lugu oli 27 591 ristitud (kaikiš suremb ristitišt), vl 2010 — 25 764 ristitud.

Mamankelen mödhe (2016): suomen kel' — 97,4%, ročin kel' — 0,1%, toižed keled — 2,5%.

Galerei

• 
  Lidnan ohjastusen pert' vl 2019
• 
  Ph. Olafan jumalanpert' (om saudud vl 1510) Türvää-rajonas
• 
  Suomen kirjan «Pukstaavi»-muzei
• 
  Vammalan päraudtestancii

Irdkosketused

• Lidnan oficialine sait (sastamala.fi). (suom.)