Samoilova Tat'jana

<table class="infobox infobox- " style="" data-name="Personalii" >

Tat'jana Jevgen'jevna Samoilova (ven.: Татьяна Евгеньевна Самойлова; sünd. 4. semendku 1934, Leningrad, Venäman NFST, NSTÜ — kol. 4. semendku 2014, Moskv, Venäma) oli nevondkundaline i venämalaine teatran da kinon aktris.

Biografii da kinokar'jer

Tat'jana oli sündnu vl 1934 Leningradha (nüg. Piter), Jevgenii Samoilov-akt'oran kanzha. Vl 1937 hän sirdi Moskvha kanzanke.

Debütirui aktrisaks «Meksikalaine»-fil'mas (1955) Marijan roliš. Vl 1957 fil'mzihe «Kur'ged lendas»-fil'mas i oti sur'kulud satust kinofestivalil Kannoiš, kus kändihe «Apel'sinpu»-premijan laureataks (fil'm-žo hänenke päroliš oti «Kundaline pal'mveza»-premijad). Samoilovan toižed znamasižed rolid oliba «Oigendamatoi kirjeine»- da «Anna Karenina»-fil'miš.

Vl 2014 aktris om kolnu 80. sündundpäivän ühtes moskvižiš läžundkodišpäi.

Kanz

Tat'jana oli lähtnu mehele nell' kerdad; ezmäine naimiželo oli Vasilii Lanovojanke. Hänel om poig (Sergei, s. 1969) koumandes naimiželospäi, dai poigantütär. Tat'jana Samoiloval läz ei ole fil'mdandoid kinos kanzproblemoiden tagapäi.

Valitud fil'mografii

• «Meksikalaine» (1955) — Maria
• «Kur'ged letas» (1957) — Veronika
• «Oigendamatoi kirjeine» (1959) — Tanä
• «Leon Garros ecib sebrad» (1960) — Nataša-pajatai
• «Al'ba Regii» (1961) — Al'ba
• «Mäniba Päivnouzmpolehe» (1964) — Sonä-kollaboracijalaine
• «Anna Karenina» (1967) — Anna Arkad'jevna Karenina
• «Pit'k te lühüdan päivän» (1972) — Jekaterina Zolotarenko
• «Ei ole pördmišt» (1973) — Nastä Ševcova
• «Valdmeri» (1973) — Maša
• «Brill'jantad proletariatan diktaturan täht» (1975) — Marija Oleneckaja-šifrantegii
• «24 časud» (2000) — Šalamovad-velliden mam
• «Nirvan» (2008) — Margarita Ivanovna

Irdkosketused

• Samoilova Tat'jana „Internet Movie Database“-saital  (angl.)
• Samoilova Tat'jana „KinoPoisk“-saital (ven.)