Riteš Dešmukh

<table class="infobox infobox- " style="" data-name="Kinematografist" >Riteš Dešmukh

Riteš Dešmukh (ven.: Ритеш Дешмукх, marath.: रितेश देशमुख, angl.: Riteish Deshmukh, ) — indialaine akt'or, mitte snimiše fil'moiš hindin da marathin kelil, prod'user.

Elostarin

Riteš om sündnus Latur-lidnas, Vilasrao-politikan da hänen Vaišalitai-akan kanzas. Hänen Amit-veik da noremb Džiradž-vel'l' oma politikad. Riteš openzihe "G D Somani Memorial School"-školas, tegihe arhitektoraks "Kamla Raheja College of Architecture"-kolledžas, jäl'ghe opendust oli praktikal verazmaižes kompanijas.

Vodel 2003 hänel oli deb'ut "Tujhe Meri Kasam"-fil'mas ühtes toižen deb'utantanke Ženelija De Souzanke. Vodel 2004 läksi eloho ven.: «Отрываясь по полной»-fil'm, kus hänen partn'oroikš tegihe Vivek Oberoi da Aftab Šivdasani. Rol' neciš fil'mas toi hänele äi pauklahjoid.

Vodel 2014 Riteš ühtni ven.: «Двойники»-fil'man sjomkoihe, necil fil'mal ei olend surt satust. Hüvä fil'm oli ven.: «Полный дом 3»-fil'm.

10. heinkud vodel 2022 Riteš Dešmukh sanui ičeze fil'man sjomkoiden lopendan polhe, miččen nimi om ven.: «Вед». Neciš fil'mas vändi hänen ak Ženelija De Souza, hän pagiši marathin kelel.

Kanz

Vodel 2012 akt'or om nainu Ženelija De Souza akal. 25. kül'mkud vodel 2014 heil sündui Rian-poig, a 1. kezakud vodel 2016 — Rahil.

Valitud fil'mografii

• Toivotadan minei (2003) — Riši;
• Iloitelend (2004) — Amar Saksena;
• Kut mürk mö (2005) — Karan Pandi;
• Blefan tedai (2005) — Aditija Šrivastav (Dittu);
• Raha om meiden uništused (2007) — Kišen / Sanija;
• Aladin (2009) — Aladin Čatterdži;
• Täuz' pert' (2010) — Babu Rao (Bob);
• Täuz' pert' 2 (2012) — Džvala / Džolli;
• Kut super mürk mö (2012) — Sid;
• Sur' iloitelend (2013) — Amar Saksena;
• Üks' Pahatuk (2014) — Rakeš Mahadkar;
• Täuz' pert' 3 (2016) — Teddi;
• Lujas sur' iloitelend (2016) — Amar Saksena;
• Mauli (2018) — Mauli;
• Buntar' 3 (2020) — Викрам;
• Plan A, plan B (2022) — pärol';
• Täuz' pert'-5 (2025) — pärol';
• Reid 2 (2025).

Pauklahjad

Rahvahidenkeskeižen indialaižen kinoakademijan premii:

• 2015 — "toižen planan parahin akt'or" (ven.: «Злодей»),
• 2023 — "suriš satusiš regionaližes kinematografas" (ven.: «Вед»).

Lähtked

• Дешмукх (Riteish Deshmukh) биография, фильмография. Актер
• Дешмукх (Riteish Deshmukh): фильмы, биография, семья, фильмография — Кинопоиск
• Ритеш Дешмукх (Riteish Deshmukh) - Фильмы и сериалы
• Дешмукх – фильмография, биография, фото и видео актера
• Дешмукх – Фильм Про