Regimägi

<table class="infobox infobox- " style="" data-name="El6ndtaho" >

Regimägi (suom. i roč.: Riihimäki [riːhɪmækɪ]) om Suomenman lidn da lidnankund valdkundan suves. Mülüb Kanta-Häme-agjaha.

Istorii

Raudte tuli žilho vl 1870, järed raudtesol'm om nügüd'. Kätihe eländpunktad lidnudeks vl 1922. Se sai lidnan statusad vl 1960.

Regimägi šingotase saksalaižen Würth-kompanijan logistižen keskusel (mašiništonsauvomine, himižed substancijad), Valio-kompanijan tegimel (sömtegimišt), toine järed radonandai om «Fortum Waste Solutions» (jändusiden ümbriradmine i mahusen rekul'tivacii).

Geografijan andmused

Matkad agjan Hämenlidn-keskushesai om 30 km lodeheze-pohjoižhe, Hel'sinkin keskushesai om 69 km suvhe. Lähembaine lidn om Hüvinkä 10 km suvhe.

Vl 2018 lidnankundan pind — 125,56 km², sidä kesken kuivma 121,01 km², vezi da sokaz tahond ottas 4,55 km².

Regimägi jagase 31 rajonaks, mugažo 12 küläd mülüdas lidnan municipalitetha. Edeline lidnan pämez' oli Seppo Keskiruokanen (2000−2016).

Eläjad

Vl 1980 eläjiden lugu oli 23 971 ristitud. Kaikiš suremb ristitišt oli 29 160 eläjad vl 2016.

Mamankelen mödhe (2016): suomen kel' — 94,9%, ročin kel' — 0,4%, toižed keled — 4,7%.

Galerei

• 
  Regimägen keskuzline lüteranine jumalankodi vl 2008
• 
  Lidnan päraudtestancii
• 
  Lidnan avtobusstancii
• 
  Suomenman stöklan muzei
• 
  Kontorsauvuz vl 2006

Irdkosketused

• Regimägi-lidnan oficialine sait (riihimaki.fi). (suom.)  (angl.) (roč.)