Rak-goroskopznam

Kodvdud kirjutez

Rakan znam

Rak (latin.: Cancer) — nece om astrologian tärtuz, znamoičeb nelländen goroskopznaman lugetišen mödhe, mitte om Kaksjaižed da Lev goroskopznamoiden keskes da kožub ekleptikan sektoraha gradusaspäi 90° gradusahasai 120°, ku zavodida lugeda keväden uz'kun aigalpäi

Rak-goroskopznamha mülüdas kaik ken om sündunu kezakun 21. päiväspäi heinkun 22. päivähasai, päivlaskmastrologijan mödhe necel aigal Päiväine om Rak-znamas.

Ku astrologoiden el'gendusiden mödhe Platonan Surehe vodehe mülüb 25 920 vot, ka siloi Rakan astrologine aiganlugend zavodiše vodespäi 9000 edel meiden aiganlugendad da mäneb vodehesai 7000 meiden aiganlugendad.

Rak-znamale kožub Vezi-londusenväged. sfn|

Luna-kosmosma ohjandab necida znamad.

Rakan muju om vihand vai rusked-muzav.

Goroskopas Rakad kuviteldas kut krabad (vai lobsterad, vai rakad, kaks' klešnid).

Vaiše ei pida segoita Rak-goroskopznamad Rak-tähtazkuvanke, miččes Päiväine astrologian mödhe om в heinkun 21. päiväspäi elokun 9. päivähasai.

Mifologii

Grecian endevanhan mifologijan mödhe nece om Rak, mitte loihe Geraklaha, konz hän torazi Lerneiskian gidranke. Gerakl painoi Rakad, no sidä pauklahjoiči da pani taivhanlagele Geraklan vastustai bogin'a Gera.

Rakan panciril om kaks' rusttad tähtast (nece om Osli, a nägui tähtazkuvas sumeguz' om Jasli, miččel rindal ned, voib olda, i seištas); kaikuččel oiktal jaugal om hoštaitähtaz, hurjaugoil — ezmäižel kaks' hoštai, toižel mugažo kaks', koumandel üks' da nelländen jaugan lopus üks'; oiktal klešnil om koume ühtensurččed, hural klešnil üks'. Kaiked om kahesatoštkümne.

— Eratosfen Katasterizmi

Klassifikacii

Rak «Fastol'fskian časoslov»-kirjaspäi; nügüd' om Oksforskan universitetan Bodlianskian kirjištos; tundmatoi pirdai Master Fastol'fa; läz 1440—1450

Rak-znamad erazvuiččiden arvmäriden mödhe jagadas muga:

• kvadrantoiden vai voz'aigoiden mödhe — kezanelländez (hul, kuiv da holeristine)
• triplicetoiden (londuzvägiden) mödhe — vezine (vezine, vilu da märg)
• taivhan kehkerusen sijadusen mödheпо — pohjoine
• trigonoiden mödhe — Afroditan trigon päiväl, Aresan – öl
• üldütusen mödhe — Zevs (Jupiter) üldütuses, Ares (Mars) lanktendas
• kosmosmaiden mödhe, miččed oma ohjandajad — Luna
• znakan mödhe — tropikaline, likui vai kardinaline
• polen mödhe — akpol'ne
• eländtahodme — Luna-bogin'an eländsija
• regionoidme — Armenii
• mehen hibjan paloiden mödhe — rindlud
• alištusen mödhe — pämez'
• ascendental aiganmänetandan mödhe — oiktan da pitkän nouzendan znam

Simvolad

Nügüdlaine Rak-simvolan ♋ kuval om kaks' klešnid, miččiden znamoičend om:

• ukpolen da akpolen ühtenzoituz (in' и jan),

• uroboros (rahvahan ezmäineistorias agjatomusen simvol).

Junikodas Rak-simvol ♋ (erasiš brauzeroiš voib olda nägumatoman) voib olda decimaližen nomeran 9803 vai kuz'toštkümnemaližen nomeran 264B da voib panda HTML-kodaha kut ♋ vai ♋.

Kuvad

• 
  Сражение Geraklаn tora Lerneiskian gidranke
  Gansa Sebal'da Behaman grav'ur, 1545 voz'
• 
  Uroboros
  L.Džennisan grav'ur, mitte om ottud alhimižen tunduzznamoiden «Filosofine kivi»-kirjaspäi (ven.: «Философский камень»), 1625 voz'
• 
  In' da jan simvol
• 
  Venäman «Rak»-monet, 2003 voz'
• 
  Armenian hobedaine «Rak»-monet
• 
  Armenian kuldaine «Rak»-monet

Kacu mugažo

• Rak-tähtazkuva
• «Tropik Raka»-kirj

Literatur

• Bélier // Словарь универсальных символов, основанных на принципе ключа к знаниям = Dictionnaire des symboles universels basés sur le principe de la clef de la connaissance(fr.). — Dervy, 2012. — Т. 1. — С. 207—210. — 338 с. — .
• The Real Constellations of the Zodiac (en) // Planetarian. — International Planetarium Society, 1977. — March (vol. 6, no. 1). — P. 17—18. — ISSN 0090-3213.
• L'astronomie selon les Égyptiens(fr.). — Omnia Veritas Ltd, 2017. — 330 с. — . Архивная копия от 28 kül’mkud 2020 на Wayback Machine
• Pseudoscience and extraordinary claims of the paranormal : a critical thinker's toolkit (angl.). — Malden, MA: Wiley-Blackwell, 2010. — P. 52—53. — .
• Zodiaque // Petit Larousse des symboles(fr.) / Nanon Gardin, Robert Olorenshaw. — Larousse, 2011. — С. 655—659. — 680 с. — .
• «Введение в астрологию» Павла Александрийского: особенности структуры и содержания // Самарский научный вестник. — 2021. — Т. 10, № 4. — С. 155—158. — doi:10.17816/snv2021104204.
• Знаки астрономические // Советский энциклопедический словарь / Научно-редакционный совет: А. М. Прохоров (пред.). — М.: Советская энциклопедия, 1981. — С. 470. — 1600 с.
• Четверокнижие.
• Глава XVI. О двенадцати знаках Зодиака и их множественном делении // Христианская астрология, смиренно изложенная в трёх книгах = Christian astrology. — М.: Академия мировой астрологии и метаинформации, 1999. — С. 101—106. — 160 с.
• Блеск и нищета астрологии. — 2-е изд. — М.: КомКнига, 2011. — 240 с.
• Рак, знак зодиака // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.