Rahvahidenkeskeine sebruden päiv

<table class="infobox infobox- " style="" data-name="Praznik" >

Rahvahidenkeskeine sebruden päiv (ven.: Международный день дружбы) praznuitas äjiš maiš, se om omištadud sebrudele da se praznuitas 30. heinkud. Vahvištoitud Ühtenzoitud rahvahiden organizacijan Päassamblejal 27. sulakud vodel 2011 (Rezol'ucii A/RES/65/275) 65-voččel sessijal.

Tradicii praznuita necidä praznikad om sündunu vodel 1935.

Istorii

27. redukud vodel 2014 Ühtenzoitud rahvahiden organizacijan Päassamblejan sekretar' Pan Gi Mun sanui:

Necel vodel Rahvahidenkeskeine sebruden päiv om mugoižel aigal, konz mirus oma sured voinad, kazvab vägivald da uskmatomumuz' mehiden keskes. Ristitud, kudambad ende eliba kozmuses, nügüd' oma konfliktsituacijas susedoidenke; ristituil ei ole tošt valičust, kut eläda ühtes, no hö oma kaiken edemba toine toižespäi.

Olghas hot' mitte vihan da vägivaldan sü, olghas hot' miččed sured väged heiden taga, mehen heng om vägevamb. Meiden pävelguz' om ülenzoitta sidä.

Neciš jugedas aigas om lujas tärged antta toine toižele kät, miše ei oliži ridad da panda vahvan mirun alandusid.

Rahvahidenkeskeižen sebruden päiväl muštkam sidä, mi ühtenzoitab meid kacumata ristitroduhu, uskondaha, pol'he, seksualižehe orijentacijaha da röunihe. Kehitoitaškandem solidarnostid, ved' mö olem üks' rahvahiden kanz üks'jaižel mal. Takaigam eläda todesižes da kovas sebrudes.

Praznikan tradicijad

Sikš ku praznikan praznuitas erazvuiččiš maiš, ka i praznikan tradicijad kaikuččes valdkundas oma erazvuiččed, se rippub sijaližišpäi rahvahan veroišpäi.

Venämal Sebruden päiväl pidetas mugomid azjtegoid, kudambad vahvištadas sidoid rahvahiden keskes. Lidnoiden avoirdoil, teatrlavoil nored akt'orad ozutadas rahvahaližed teatrozutesed, pidetas konkursad da viktorinad .