Pravednik (fil'm)

Kodvdud kirjutez

<table class="infobox infobox- " style="" data-name="Fil'm" >Pravednik [[Kategorii:Vodel Фильмы]] <table class="infobox infobox- noprint " style="" > Irdpoližed mediafailad

«Pravednik» (ven.: Пра́ведник) — Sergei Ursul'akan venälaine voindrama partizanoiden otr'adan komandiran Nikolai Kisel'ovan urohontegon polhe, mitte oli tehtud Suren Kodiman voinan aigan. Fil'man pohjas oma todesižed istoriližed azjtegod, miččed oliba vozil 1942 da 2005. Läksi ekranoile uhokus vodel 2023.

Vodel 1942 Suren Kodiman voinan aigan Russtan Armijan oficer Nikolai Kisel'ov (akt'or Aleksandr Jacenko) vedi jevrejoiden gruppan nemcoiden süväl tagamalpäi Dolginovon gettospäi. Nece om jevrejoiden getto, jevrejoiden vägivaldan sirdämižen sija Dolginovo-küläs Minskan agjas da läheližiš eländsijoiš Belorussijan okkupacijan aigan nacistižil Germanijan voiskil.

Roliš

• Aleksandr Jacenko — kapitan Kisel'ov, Rusttan armijan oficer, partizanotr'adan komandir
• Mark Eidel'štein — Moše Tal'
• L'ubov' Konstantinova — Anna Sirotina
• Jevgenii Tkačuk — «Ferz'» (Nikišin)
• Sergei Makoveckii — Ruvim Jankel'
• F'odor Dobronravov — Voron'anskii, «Rahvahaližed aznoičijad»-partizanotr'adan komandir
• Konstantin Habenskii — Moše Tal'an tat
• Čulpan Hamatova — Rita, Moše Tal'an mam
• Julia Vitruk — L'uba
• Maksim Sevrinovskii — Abba Rovner
• Natalja Savčenko — Nehama
• Maria Zolotuhina — Tova Lipnickaja
• Nikolai Butenin — Rogov, Eriline erišt
• Il'dus Abrahmanov — habirov, partizan
• Ditmar Kenig — Ernst Rudol'f Šm'uker, gauptšturmf'urer SS
• Van'oi Dergačov — «Heboine»
• Vladimir Komarov — Baruh
• Darja Koniževa — Dina Tal'
• Dov Dovale Glikman — Moše Tal'küpsudes
• Viktor Lanberg — Isaak Noiman
• Karolina Huber — Greta Noiman
• Aleksandr Buharov — Kosoi, eriližen erišton pämez'
• Jevgenii Muravič — Ancl', lekar'
• Andrei Golikov — rebe Bakšt
• Maksim Jemel'anov — mont'or

Süžet

Fil'mas tarkas ozutadas, kut rusttan armijan da viden soldatan-partizanan otr'adan komandir Nikolai Kisel'ov pästab käskön eloho, paneb ičeze elon riskha, no vedäb suren jevrejoiden gruppan okkupiruitud fašistoil territorijadme. Gruppas om enamb kahtsadad mest: akad, rouhad da lapsed. Heiden keskes om eskai lujas nor' prihaine Moše Tal' (akt'or Mark Eidel'štein) ühtes ičeze noremban sizarenke. Näl'ghižed, väl'dünuded da väzunuded, hö jokseba soidme, mec- da külädorogoidme, miše kaitas fašistoiden anastajišpäi, kudambad sabutaba heid. Mužikad rohktas toradaba nemcoidenke, kaičeba ičeze heimolaižid da läheližid.

Muga hö astuba läz pol'tuhad kilometrad. Heiden modoil — andmatoi varu, varaiduz da kibu. Kenel-se väzundaspäi da näl'gäspäi ei täudu vägid astta matkan lophusai. Ukod da satatadud mehed jäba kolemaha tihedaha mecha.

Fil'mas voib nägištada erazvuiččid süžetpirdoid. Kuni mäneb fil'm L'uba-manitai (aktrisa Julia Vitruk), kudamb eci jevrejoid da andoi heid gestapaha, vasttab Mošed da hänen sizart, hö kadotiba vanhembid. Ezmäks hän andab lapsid nemcoile, a sid' zavodib abutada heile. Ozaks lapsed putuba Kisel'ovan partizanoiden gruppaha.

Südäntkoskijad sidod rohktan Nikolajan da ustavakahan sv'azistkan da idišan kelen Anna-kändajan (aktrisa Lübov' Konstantinova) keskes vajehtasoiš jäl'ges sureks armastuseks, vaiše nece jäb ozutamatomaks, fil'mas ozutase vaiše tundmusiden sündumine (todesižes elos hö naiba jäl'ghe voinad).

Čoma partizan Ferz' (akt'or Jevgenii Tkačuk) mel'düb ustavakahaze evreikaha, kudamban nimi om Tova (aktrisa Maria Zolotuhina), hän alištab hänen südäin. Hö eskai ehtiba väta svad'ban voinan aigan, jügedusidenke saba laskendad tehta svad'bad, no pigai händast satatadas da hän koleb noren mužikan käzil. Nece rol' tegihe ezmäižeks aktrisan täht.

Azjtegod fil'mas mäneba vodel 1942 ani voinan aigan, da vodel 2005, konz jo ani ravaz Moše Tal'a (akt'or dov Glikman) tahtoib löuta ičeze noremban sizaren, kudamb kadotihe nenil opalahil vozil. Necen-žo aigan Kisel'ovale anttas «Mail'man rahvahiden tozioiktan mehen»-arvnimen.

«Mail'man rahvahiden tozioiktan mez'»

Nikolai Kisel'ovan urohontegos ei olend tetpas hänen elon aigan. Vodel 2005 izrail'aine institut jad va-Šem andoi hänele «Mail'man rahvahiden tozioiktan mehen»-arvnimen kut ristitule, kudamb kaičeb toižid kolendaspäi, paneb ičeze elod riskaha. Koli Kisel'ov Moskvas vodel 1974, konz hänele oli 60 vot.

Tegemine

Idei tehta necen fil'man sündui jäl'ghe kino-ohjandajan Jurii Mal'uginan dokumentaližen «Kisel'ovan lugetiž»-fil'man kacundad, mitte oli snimd'ud vodel 2008. Scenarijan pohjaze oli pandud starinad da neniden opalahiden azjtegoiden ühtnikoiden johtutesed. Sjomkoiden gruppale pidi ajada Izrail'aha, miše vastatas sil'minnägijoidenke da heiden jäl'genikoidenke, da mugažo opeta arhivan azjbumagad da istoriližed materialad. Pätegend oli kaita tot, sikš tehtihe sjomkad neniš sijoiš, kus mäniba azjtegod.

Sjomkoiden process jatkui vodelpäi 2021 vodhesai 2022 da mäni Belorussijas (Dolginovon rajonas, läheli Minskan lidnad), Izrail'as (Tel'-Aviv-lidnas) da Venämal (Moskvas, Viborgas, Piteriš). Fil'man täht oli tehtud läz 1000 endevanhad sädod. Fil'man sjomkoihe ühtni läz 400 mest.

Fil'm tegihe ühteks kassan fil'maks vodel 2023, mitte kerazi kinoteatroiden ekranoil enamba pol'tuhad millionad ristitud.

Arvosteluz

«…Arv, kitändsanad da kumarduz mahasai fil'man tegijoile, kudambad johtutiba necida ristitud da hänen urohontegoid… Minun täht nece fil'm, miččes om vahv istoriline pohj, ezmäi kaiked — starin ristituiš, kudambad putuba azjtegoho, mittušt ei voi olda todesižes elos da hö avaidasoiš sigä. I siloi sanged jevrejalaine prihaine vajehtase gerojaks. Nor' čoma neižne (Lübov' Konstantinovan hüvä rad) löudab ičeze armastust. A jevrejalaine Tova-neižne (Maria Zolotuhinan hüvä vänd) el'gendab: armastusen täht rahvahuz' ei ole päsijal…», — pagižeb kirjutai, dramaturg, lehtmez', TV-vedäi da ohjandai Andrei Maksimov.