Portsmut (Anglii)
<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.
Sil sanal voib olda toižid znamoičendoid; miše nähta niid, tulgat tänna.
Portsmut (angl.: Portsmouth [ˈpɔːrtsməθ]) om lidn da järed meriport Suren Britanijan suves. Se om Anglijan unitarine ühtnik, mülüb Hemp-grafkundha, no ičeohjastusenke.
Istorii
Eländpunkt sai lidnan oiktusid vl 1194. Lidn om laivansauvomižen keskuz amussai. Alištui lujile bombardiruindoile Toižen mail'man sodan aigan.
Britanižen sodamerilaivišton baz i järed läžundkodi sijadasoiš täs. Kalanpüdandan laivišt baziruiše lidnas mugažo. IBM-korporacijan evropine päfater radab Portsmutas.
Geografijan andmused
Lidnan tobj pala sijadase Portsi-sarel Te Solent-sal'mes (La Manšan pohjoižpala). Portsmut ühtenzoitase ehtatimel Uait-sarenke. Matkad Londonhasai om 110 km pohjoižpäivnouzmha. Järed Sautgempton-lidn om 31 kilometras lodeheze.
Klimat om ven valdmeren, paneb lunt tal'vel harvoin lujas. Päivän keskmäine lämuz om +4..+10 C° tal'vkus-keväz'kus, +15..+22 C° heinkus-elokus. Ekstremumad oma −8 C° i +35 C°. Paneb sadegid 647 mm vodes, vähemba sulakus-elokus (28..43 mm kus). Meriveden lämuz vajehtase +9 C° (uhoku-keväz'ku) ..+17 C° (sügüz'ku) röunoiš.
Eläjad
Vn 2011 Suren Britanijan rahvahanlugemižen mödhe lidnan eläjiden lugu oli 205 400 ristitud. Kaikiš suremb ristitišt oli 233 545 eläjad vl 1951, vodele 1981 se poleni i oli 175 382 eläjad. Lidn mülüb Suvižen Hempširan konurbacijha pol'tošt millionad ristitištonke.
Portsmut om ühtennimižen futbolkluban päsijaduz.