Palestrina Džovanni Pjerluidži

<table class="infobox infobox- " style="" data-name="Personalii" >

Džovanni Pjerluidži da Palestrina (ital.: Giovanni Pierluigi da Palestrina, latin.: Ioannes Petrus Aloysius Praenestinus, vasttase Džannetto-närituznimi (Giannetto) mugažo; sünd. 17. tal'vku 1525 vai 1526, Palestrin-lidnut läz Rimad, Papan agj, — kol. 2. uhoku 1594, Rim, Papan agj, om mahapandud Ph. Petran päjumalanpertiš, Vatikan) oli riman katoližen jumalankodikundan italine muzikankirjutai, organanvändai, horan dirižor, muzikan opendai möhäižen Udessündundan aigan. Riman muzikškolan kaikiš znamasižemb ezitai.

Sädused

Mez' zavodi professionališt sädamižradmišt muzikan sferas vspäi 1554. Kirjuti muzikad pajatandanke äjiden äniden täht kerdalaz (polifonijad) päpaloin, sädi mess-, motet- i jumalanpertin muzik-žanroiš.

Sädusiden keskes om 105 messad, «Gimnad kaiken jumalanpertin voden täht» (Rim, 1589, kaik om 72 gimnoiden ümbriradmišt), «Offertorijad kaiken jumalanpertin voden täht» (Rim, 1593, kaikes ciklas om 68 offertorijad), läz 140 madrigalad i enamba mi koume sadad motetoid. Om jumalanpertin polifonijan toižiden-ki žanroiden sädusid (no motetan pojavad): enamba mi 40 magnifikatad, 11 litanijad, Jeremija-endustajan voikud.

Biografii

Džovanni Pjerluidži pajati jumalanpertin prihaižiden horas lapsessai, ezmäi kodilidnan horas, vll 1537−1540 — Riman Santa-Maria-Madžore-jumalanpertiš. Vll 1544−1549 radnikoiči organanvändajal i kapel'meisteral Palestrin-lidnan ph. Agapitan jumalanpertiš. Siš-žo lidnas Džovanni nai, Lukrecia Gori oli hänen ak.

Irdkosketused

• Palestrinan fondan sait (fondazionepierluigipalestrina.it). (ital.)