Ostin Džein

<table class="infobox infobox- " style="" data-name="Personalii" >

Džein Ostin (angl.: Jane Austen [dʒeɪn ˈɒstɪn]; sünd. 16. tal'vku 1775, Stiventon (Hempšir), Anglii, Sur' Britanii — kol. 18. heinku 1817, Uinčester (Hempšir), Anglii, Sur' Britanii) oli tutab anglijalaine kirjutai, realizman endustai britanižes literaturas. Hän kirjuti armastuz- da moraližed romanad.

Biografii

Tuleban aigan kirjutainaine oli sündnu Džordž Ostin-papin kanzha äjiden lapsiden keskes, seičemendeks lapseks kahesaspäi. Sai literaturišt opendust tataspäi päpaloin. Eli gollüdes kaiken elon. Ezimeletaden, Ostin kirjuti i sai läz koumed tuhad kirjeižid äiluguižiš heimolaižišpäi, hot' tuliba meiden aigahasai vaiše 161 kirješt. Naine ei olend lähtnu mužikale, no eli mel'hetartuižen aigan, i kirjeižiden südäin tuli literatursädusihe znamasižes märas.

Sädused alištuiba vajehtusile pästandkodin tahton mödhe. Avar publik löuzi da arvosti Ostinan romanid hänen surman jäl'ghe.

Sädused

Ostinan kirjad ühtnedas süžetan koveritomut süvänke psihologiženke ličendanke pähengihe, todesine «anglijalaine» jumor om paks.

Noruden sädused (Juvenilii)

• «Koume sizart» (angl.: The Three Sisters)
• «Armastuz i sebruz» (Love and Freindship), «friendship»-sanan sijas originalas
• «Anglijan istorii» (The History of England)
• «Čomakulu Kassandra» (The Beautiful Cassandra)

Romanad

• «Mujand i her'khengeližuz» vai «Hama i mujandad» (1811, Sense and Sensibility)
• «Ülenpäižuz i edelpäivastustuz» (1813, Pride and Prejudice)
• «Mensfild-puišt» (1814, Mansfield Park)
• «Emma» (1815, Emma)
• «Melen argumentad» (1817, Persuasion), om publikoitud ezmäižen kerdan surman jäl'ghe
• «Nortengeran abbatuz» (1818, Northanger Abbey), om publikoitud surman jäl'ghe