Nagoi

<table class="infobox infobox- " style="" data-name="El6ndtaho" >

Nagoi (japon.: 名古屋市, Nagoja-si) om koumanz' surtte lidn Japonijas. Se om Aiti-prefekturan administrativine keskuz.

Istorii

Nügüdläižen eländpunktan aluz om pandud vl 1610 kuti Tokugava Iejasu-šögunan zamk da žilo senno, vaumitihe zamkad kahtes vodes. Nagoi-žilo sai lidnan statusad vn 1889 1. päiväl redukud, tegihe valdkundan nelländeks surtte lidnaks kerdalaz. Järed meriport om lidnas, kormatas 110 mln tonnoid vodes. Vl 2005 Nagoi vastsi mail'man Ekspo-ozutelendad.

Nagoi šingotase mašinansauvomižel (Mori Seiki), kivivoin ümbriradmižel, himižel i tekstil'tegimištol, metallurgijal.

Geografijan andmused

Lidnan 16 rajonad

Lidn sijadase Honšü-saren keskuzpalas, Tünen valdmeren randal, −2..+198 m ü.m.t. korktusil. Ise-merikaran veded oma lidnan suves.

Klimat om subtropine, kezal om räk. Voden keskmäine lämuz om +16,2 C°, kaikiš lujemb hala oleli −10 C°. Paneb sadegid 1580 mm vodes, vähemba tal'vkus-uhokus (50..65 mm kus).

Eläjad

Eläjiden lugu om 2 277 077 ristitud vl 2015. Läz 10,2 mln (2021) elädas lidnaglomeracijas, se om koumanz' surtte valdkundas. Kaikiš suremb lidnan i aglomeracijan ristitišt om nügüd'.

Irdkosketused

• Nagoi-lidnan tobmuden oficialine sait (city.nagoya.jp). (jap.)  (angl.) (kit.) (kor.) (port.) (isp.) (Tagalog) (ital.)