Mrongovo

<table class="infobox infobox- " style="" data-name="El6ndtaho" >

Mrongovo (pol'š.: Mrągowo [mrɔŋˈɡɔvɔ], saksan kelel: Sensburg) om kurortlidn Pol'šanman pohjoižpäivnouzmas. Mülüb Varminiž-Mazuran sodaveikundha.

Istorii

Eländpunktan aluz om pandud vl 1348, istorine nimi om Ządzbork (virkand: [ˈʐɔɲd͡ʑbɔrk]). Se sai lidnan oiktusid vl 1444. Raudte tuli lidnha vl 1897. Vl 1947 udesnimitihe lidnad 19. voz'sadan Pol'šanman Kšištof Mrongoviuš-filosofan da kašuban kelentedomehen oiktastuseks.

Mrongovo šingotase turizmal da torguindal, mugažo industrijan nenil sarakoil: sömtegimišt (maid, kalaižanduz), punümbriradmine (mebel', iknad), omblendtegmišton «Varmii»-tegim, maižanduzmašinoiden pästand (traktorad, metallurgine tegim).

Geografijan andmused

Lidn sijadase Mazurijan järviden rajonan keskes, 20..200 m ü.m.t. korktusil. Matkad sodaveikundan Ol'štin-keskushesai om 60 km päivlaskmha.

Klimat om ven. Voden keskmäine lämuz om +6,7 C°, heinkun lämuz om +17,2 C°, vilukun — −3,5 C°. Paneb sadegid 450..600 mm vodes.

Eläjad

Vl 2016 lidnan eläjiden lugu oli 21 592 ristitud. Kaikiš suremb ristitišt om vspäi 1999, se vajehtase 21..22 tuhad eläjid röunoiš.

Sebruzlidnad

• Pol'ša Limanov, Pol'šanma
• Germanii Grünberg, Hessen, Saksanma
• Venäma Zelenogradsk, Kaliningradan agj, Venäma

Irdkosketused

• Lidnan oficialine sait (mragowo.pl). (pol'š.)