Mille Džon Everett

<table class="infobox infobox- " style="" data-name="Personalii" >

Džon Everett Mille (angl.: John Everett Millais; sünd. 8. kezaku 1829, Sautgempton, Anglii, Sur' Britanii — kol. 13. eloku 1896, London, Sur' Britanii) oli tetab britanijalaine pirdai da kuvatai.

Biografii

Mille ozuti lahjakahut laps'aigaspäi. Vl 1838 kanz sirdi Londonha, i nor' priha openui Kunigazližes čomamahoiden akademijas kuz' vot vn 1840 tal'vkuspäi. Vl 1848 hän pani Prerafaelitoiden vellüden alust sen čuradusen toižidenke pirdajidenke. Millen tarkoiged, detaliziruidud tehnik erigoičeb toižiš pirdajišpäi.

Naind vajehti Milled: hänele pidi säta kuvid teravamba da suriš lugumäriš i möda kal'hemb, miše rahoitada kanzad. Mille kändihe peizažiden da portretoiden pirdajaks i jäti prerafaelizman kacegid muite. Vajehtuseks pirdai sai surt populärižust i 30 tuhazesai funtid vodes, tegihe elokahaks. Hänele andoihe baronetan arvod vl 1885, ezmäižele anglijalaižiden pirdajiden keskes. Mez' pirdi tetabiden valdkundaližiden i kundaližiden ristituiden portretoid. Peizažad oliba Millen hobbikš.

Tetabad kuvad

• 1848 — «Romeon i Džul'jettan surm» / angl.: The Death of Romeo and Juliet
• 1848-49 — «Izabella» / Isabella
• 1850 — «Hristos kazvatajiden pertiš» / Christ In The House Of His Parents
• 1851 — «Mariana» / Mariana
• 1852 — «Ofelija» vai «Ofelijan surm» / Ophelia
• 1856 — «Sügüzen lehtesed» / Autumn Leaves
• 1862 — «Usko minei» / Trust Me
• 1868 — «Vanessa» / Vanessa
• 1873 — «Haugod tal'veks» / Winter Fuel
• 1873 — «Effi Millen portret» / Portrait of Effie Millais
• 1874 — «Lodehline merite» / The North-West Passage
• 1875 — «Viluhk reduku» / Chill October
• 1879 — «Küps višn'» / Cherry Ripe
• 1886 — «Muilbul'kud» / Bubbles

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.