Medel'jin

<table class="infobox infobox-Skriptitõrge: Moodulit "Hash" pole. " style="" data-name="El6ndtaho" >Skriptitõrge: Moodulit "String" pole.Skriptitõrge: Moodulit "Wikidata" pole. Skriptitõrge: Moodulit "Wikidata" pole. Skriptitõrge: Moodulit "Infobox" pole.Skriptitõrge: Moodulit "Wikidata" pole.Skriptitõrge: Moodulit "Transclude" pole.

Medel'jin (isp.: Medellín), oficialižikš Medel'jinan municipalitet (isp.: Municipio de Medellín), om Kolumbijan kahtenz' surtte lidn (Bogotan jäl'ghe), Antjokii-agjan (departamentan) pälidn.

Istorii

Eländpunktan aluz om pandud vl 1616. Torokanvuitte šingotez oli kuldan löudmižsijihe sidotud Antjokijas.

Geografijan andmused

Medel'jin seižub Andiden pohjoižes, sijadase 1500 m ü.m.t. korktusil, sen täht ekvatorialine klimat om pehmed.

Lujad manrehkaidused oliba Antjokii-departamentas vozil 1911 (7.2 ballad Rihteran pordhišton mödhe), 1938 (7.0), 1952 (6.7), 1962 (5.6), 1977 (6.5), 1992 (6.6/7.1).

Administrativine jagand

Medel'jinan municipalitet ühtištub 5 lidnankundad Medel'jin-lidnanke. Kaik ned alajagasoiš 271 rajonaks.

Medel'jin-lidn jagase 6 zonha, ned kogotas 16 kommunaspäi.

Eläjad

Vl 2014 lidnan eläjiden lugu oli 2 441 123 ristitud. Medel'jin om valdkundan kahtenden lidnaglomeracijan keskuz, 3 731 447 ristitud vl 2014.

Transport

Om kaks' lendimportad. Kordovan Hosen Marijan nimel nimitadud rahvahidenkeskeine lendimport (MDE) sijadase 29 km päivnouzmpolehe Rionegro-lidnas-kaimdajas (valdkundansüdäimižed da rahvahidenkeskeižed reisad). Herreran Olajan lendimport (EOH) tegeb reisid vaiše valdkundan südäimes.

Vspäi 1995 metro radab lidnas (2 jonod, 28 stancijad, 32 km raudted). Se om üks'jäine Kolumbijas.